الموضوع: هل الفلوماك بيسحب مياه من المواسير عند انقطاع المياه؟

المشاركة الأصلية كتبت بواسطة طارق _عبد السلام

عادى جدا لو ضغط المياه واصل... جوه الشقه هتحس بيه اكيد

ممكن توضيح اكتر بعد اذنك، يعني لو المياه قطعت عن المنطقة بيسحب المياه اللي في المواسير العمومية ولا الفلوماك بيفصل الكهرباء فورا عن الموتور؟ لان النقطة دي جوهرية بالنسبة لي وجزاك الله خيرا

لان قريت معلومة من فترة مش فاكر فين بالظبط ان الفلوماك بيفصل الكهرباء فور انقطاع المياه على اساس انها ميزة بتحمى الموتور من التلف وعايز اتاكد من المعلومة دي تحديدا

المشاركة الأصلية كتبت بواسطة طارق _عبد السلام

يعنى لو المياه قاطعه اصلا ازاى هيجيبها ؟................... انا قصدى ان لو الكهرباء قاطعه وضغط المياه عادى مفيش مشكله

تانى حاجه... لو المياه قطعت عنه هو بيفصل الكهرباء عن الموتور لحمايته علشان ميشتغلش بدون مياه ويتحرق

ومنه بيعمل ريستارت لنفسه تقريبا بضبط عدد دقائق معين يشتغل يحضر ولو مفيش مياه يفصل



هقول لحضرتك انا مركبه على طلمبه مياه ... يعنى مفيش اى ضغط للمياه ..اصلاالمياه واقفه فى المواسير. بمستوى الارض فى الشارع ومستحيل تتحرك لوحدها غير بسحب الموتور.. وهو ماشاء الله............. من يوم ماركب مشتكتش منه فى حاجه ولاضايقنى.......... ونسانى قرف البالونه نهائيا

شكرا استاذ طارق ربنا يبارك لك وانا عرفت معلومة بحثت عنها دلوقت ان المواتير نوعين واحد عادي بيسحب راسي مسافة 2 فقط، ونوع اخر (تحضير ذاتي) اللي سالت عن معناه في المشاركة الاولى وده بيسحب من مسافة 8 متر راسي او 80 افقي

http://www.nilemotors.net/Nile/3872879684-post33.html

المشاركة الأصلية كتبت بواسطة ebb

الفرق بين الطلمبة العادية و طلمبة التحضير الذاتى
**********************************

الطلمبة ( تحضير ذاتى ) self priming دى بتسحب مياة من بعد حتى 8 متر رأسى يعنى لو هتركب ماسورة فى الارض وتسحب من تحت الارض (مياة جوفية ) تسحب معاك بشرط ان تكون المياة على بعد لا يزيد عن 8 متر من موضع الطلمبة

ده غير انه لا مشكله لو إختلط الماء بذرات الرمل الصغيره أو فقاعات الهواء

الطلمبة العادة بيكون السحب لا يتعدى 2 متر رأسى ويفضل لها ان تكون المياة قبل فتحة دخول الطلمبة مباشرة لانها ترفع فقط ومش بتسحب

كل مضخة تحتاج الى تحضير ( اي ان خط السحب يجب ان يكون ممتلئ بالماء بكل بساطة لأن مروحة المضخة مصممة لدفع السوائل و ليس الغازات كما هو في الضواغط )