الموضوع: أرجو المساعده و المشوره في شراء BMW 316i-320i

كما تفضل الأخ thunder eagle و قال الكاوتش في ال-E90 نوعه Runflat يعني ممكن يمشي حتى لو الكاوتش مخروم لمسافة ٢٥٠ كيلو بشرط إن السرعة لا تزيد عن ٨٠ كم/س ، و دي حاجة ظريفة لحد ما تروح تلحمه .
بس العيب إن عشان يعملو كدة بيكون الكاوتش نفسه ناشف جداً عشان يستحمل يمشي و هو مفيش هوا (بيتعمل الجدار بتاعه سميك جداً ) و ده بيؤدي إلى إن صوته يكون أعلى و يكون ناشف على الأسفلت
و غير كدة كمان النوع المحطوط فبريكة و هو بريدجستون turanza ناشف زيادة و صوته عالي ، لدرجة إن BMW كانت منزلة نشرة إن لو حد حصلت عنده مشاكل من النوع ده هتغيره ببلاش و في الموديلات من أخر ٢٠٠٧ بقوا بيركبوا Continental (ممكن تشوف العربية إلي هتجيبها فيها إيه و لو إن برضه ال-Continental بيكون Runflat يعني ناشف برضه بس أحسن من بريدجستون )

بالنسبة لل-iDrive .. نظرياً ممكن يركب طبعاً ، انما من الناحية العملية هيكون شبه مستحيل، ليه بقى ؟؟؟
عشان الشاشة دي وخده نص التابلوه و طبيعي يتغير التابلوه كله عشان يكون فيه مكان الشاشة (نفس حجم لوحة العدادات تقريباً ) ، و كمان بيتغير الكونسول إلي في النص بتاع العربية (مكان فرامل إليد كدة ) عشان يركب دراع التحكم بتاعه ، و كمان بيتغير الكاسيت عشان يركب واحد فيه DVD و بيطلع بيانات على شاشة ال-iDrive .. و يعاد برمجة عدد كبير من وحدات الكمبيوتر في العربية عشان تشتغل مع ال-iDrive و فيعرض بياناتها عليه ... كفاية ولا أقول كمان :)
يعني من الاخر إلي عايز iDrive يجيب عربية فيها iDrive فابريكة ماينفعش يركب على عربية بعض ما تشتريها !

سألتلك علي الidrive
قالولي يتركب بس ب100000 جنيه
طبعا 100000 عفريت يركبوهم :(

المشاركة الأصلية كتبت بواسطة thunder_eagle

بيتركب عند الوكيل بس حسب معلوماتي انه غالي جدا جدا
وبعدين ملهوش لزمة غير موضوع الTV و الDVD
ويمكت التليفون
غير كده الوظائف التانية بتاعته متاحة من غيره

يعني نوع من رفاهية الرفاهيه اللي تقريبا مش بتضيف حاجه اساسيه
شكرا على الايضاح يا باشا

المشاركة الأصلية كتبت بواسطة farahat

كما تفضل الأخ thunder eagle و قال الكاوتش في ال-E90 نوعه Runflat يعني ممكن يمشي حتى لو الكاوتش مخروم لمسافة ٢٥٠ كيلو بشرط إن السرعة لا تزيد عن ٨٠ كم/س ، و دي حاجة ظريفة لحد ما تروح تلحمه .
بس العيب إن عشان يعملو كدة بيكون الكاوتش نفسه ناشف جداً عشان يستحمل يمشي و هو مفيش هوا (بيتعمل الجدار بتاعه سميك جداً ) و ده بيؤدي إلى إن صوته يكون أعلى و يكون ناشف على الأسفلت
و غير كدة كمان النوع المحطوط فبريكة و هو بريدجستون turanza ناشف زيادة و صوته عالي ، لدرجة إن BMW كانت منزلة نشرة إن لو حد حصلت عنده مشاكل من النوع ده هتغيره ببلاش و في الموديلات من أخر ٢٠٠٧ بقوا بيركبوا Continental (ممكن تشوف العربية إلي هتجيبها فيها إيه و لو إن برضه ال-Continental بيكون Runflat يعني ناشف برضه بس أحسن من بريدجستون )

يعني لو ربنا كرم و جبت 2006 مع اول تعير لطقم الكاوتش أجيب الـــ continental ... شاكر افضالك على المعلومه.

المشاركة الأصلية كتبت بواسطة thunder_eagle

سألتلك علي الidrive
قالولي يتركب بس ب100000 جنيه
طبعا 100000 عفريت يركبوهم :(

هاهاهاها ، بس تفتكر هيخدو كام عشان العفاريت يركبوهم ، أصل حتى صباح الخير بفلوس فالتوكيل
أنا عارف إني تعبتك معايا بس حقيقي أثرتني بمعلوماتك القيمه

المشاركة الأصلية كتبت بواسطة AmroSharafAldeen

يعني لو ربنا كرم و جبت 2006 مع اول تعير لطقم الكاوتش أجيب الـــ continental ... شاكر افضالك على المعلومه.

تمام كدة ، بس معلومة بسيطة بس من باب الإفادة ، الفردة ال-continental Runflat بتعمل ٢٧٠٠ في التوكيل ، مش عارف خارج التوكيل بكام

المشاركة الأصلية كتبت بواسطة AmroSharafAldeen

هاهاهاها ، بس تفتكر هيخدو كام عشان العفاريت يركبوهم ، أصل حتى صباح الخير بفلوس فالتوكيل
أنا عارف إني تعبتك معايا بس حقيقي أثرتني بمعلوماتك القيمه

مفيش تعب خالص
انا في الخدمة في اي وقت

مبدئياً أنا جربت 320i موديل 2006 عفشة ناشفة للغاية مش قادر اقولك قد ايه ناشفة تانى حاجة ضيقة جداً والدخول والخروج منها فيه معاناه وتالت حاجة العربية كوزن خفيفة واللى مساعدها على الثبات نوعاً ما هو اجهزة التحكم الالكترونى فى الثبات والفرامل وخلافه بمعنى ان لو كل الاجهزة دى مشتغلتش واتفصلت مثلاً العربية هاتبقى عاملة زى اى عربية عادية فى الثبات ( انا شخصياً البى أم عندى يعنى اى موديل من سنة 2000 وما قبلها بعد كده مش عاجبنى كمتانة سيارة لكن طبعاً عاجبنى كاتكنولوجى )
لكن الـ 320i فيها موتور وفتيس مالهومش حل طبعاً