الموضوع: أرجو المساعده و المشوره في شراء BMW 316i-320i

[quote=AmroSharafAldeen;496768]

المشاركة الأصلية كتبت بواسطة farahat

نظام ال-DSC دة مكون من ٣ أنظمة :
١- DTC و دة زي ما حضرتك قلت وظفته إنه يمع العجل يلف حولين نفسه على الفاضي خصوصاً في الأماكن الزلقة
٢- ABS و برضه زي ما حضرتك قلت (بس أنا عندي تعليق على عدد مرات قفل و فتح مكبس الفرامل في الثانية ، هو في حدود عشرات المرات ٢٠-٤٠ مرة في السنية و ليس مئات المرات )
٣-CBC = cornering brake control ، و دة وظفته إنه يشغل الفرامل أوتوماتيك في الملفات لو حث إن العربية بتلف أكتر من الطبيعي و بيعتبر دة حالة خطيرة يتدخل فيها (over-steering)

الثلاث أنظمه بيتم عملهم من خلال four groups of sensor
4 wheel speed sensors
Lateral acceleration sensor
Yaw rate sensor
Steering wheel angle sensor
و السينسور الاخير هو اللي كنت بأقصد بيه إنه بيعمل مونيتور 140 مره فالثانيه على اوامر الفرامل و سرعة زاوية حركة الدريكسيون

المشاركة الأصلية كتبت بواسطة active

مبدئياً أنا جربت 320i موديل 2006 عفشة ناشفة للغاية مش قادر اقولك قد ايه ناشفة تانى حاجة ضيقة جداً والدخول والخروج منها فيه معاناه وتالت حاجة العربية كوزن خفيفة واللى مساعدها على الثبات نوعاً ما هو اجهزة التحكم الالكترونى فى الثبات والفرامل وخلافه بمعنى ان لو كل الاجهزة دى مشتغلتش واتفصلت مثلاً العربية هاتبقى عاملة زى اى عربية عادية فى الثبات ( انا شخصياً البى أم عندى يعنى اى موديل من سنة 2000 وما قبلها بعد كده مش عاجبنى كمتانة سيارة لكن طبعاً عاجبنى كاتكنولوجى )
لكن الـ 320i فيها موتور وفتيس مالهومش حل طبعاً

اخي العزيز
اسمحلي اختلف معاك
مبدئيا العربية وزنها 1500 كيلو وده مش قليل
ثانيا الالكترونيات دي مبتتفصلش وفي نفس الوقت معظم السيارات الحديثة لازم تعتمد علي الالكترونيات في الثبات ده حتي الطيارات بتعتمد علي الالكترونيات عشان تطير :)
ثالثا بالنسبة للمتانة النهارده سرحت وريحت علي بيجو 504 الاكصدام بتاعه الوراني المعدن اتني ودخل لجوه وانا محصليش اي حاجة فاعتقد ان العربية متينة كفاية عشان تحمي الي راكبها
رابعا بالنسبة للوسع فهي اطول سيارة واعرضهم في الفئة الثالثة كلها و ده بينعكس علي المساحة الداخلية
انا ركبت الe90 والe46 وامتلكت الاتنين
طبعا الe90 لو مظبطش المقاعد صح هتاكل المساحة

عيبها الخطير انها واطية علي الارض فلازم تاخد بالك في المطبات
وكمان تحس انك قاعد علي الارض ورجليك قدامك , الوضع ده مبيعجبش ناس كتير
باالنسبة للعفشة فهي انشف من الي قبلها بس افضل من العفشة بتاعت عربيات تانية كتير موجودة في السوق وبصفة عامة دي ضريبة العفشة الرياضية وفي نفس الوقت صوت المحرك رياضي ومسموع بعد2000rpm برضه دي مسئلة اذواق
إن شاء الله هكتب تقييم عن العربية بعد مكمل بيها شوية واكتشف كل عيوبها ومميزاتها

المشاركة الأصلية كتبت بواسطة AmroSharafAldeen

انا متفق معتك تماما فموضوع المتانه ، وده بينطبق على كل الجديد ، أما العفشه ، فهيا حقيقي ناشفه بس أنظمة الامان في الفرامل و الــــ stability تستحق.
لعلمك أنا عاجبني شكل الموديل من 2001 - 2005 الــــ 318i بس معظم اللي شفته عداده كتير و اللي منهم عداده معقول بيغالوا أوي فسعره ، يعني مثلا فيه 318i موديل 2005 عند المنيب اللي في شارع الميرغني عامله 45000 كيلو high line مطلوب فيها 220000 ، تحفه أه بس عدى عليها شكل و التاني خلاص ظهر ، يعني المفروض السعر ينزل بس مابينزلش.
بس الغريب إن موديل 2001-2005 شكله أطول و أوسع من 2006-2008 بس اللي اتقالي إن العكس صحيح.
وفي الاخر ربنا يكرمنا جميعا و نطول الفئه السابعه على الالفيه التالته.

E46
Length Sedan: 176.0 in (4470 mm)
Width Sedan : 68.5 in (1740 mm)
Height Sedan: 55.7 in (1415 mm)
E90
Length Sedan: 178.2 in (4526 mm)
Width Sedan: 71.5 in (1816 mm)
Height Wagon: 57.3 in (1455 mm)

نقلا عن wikipedia

[QUOTE=AmroSharafAldeen;499118]

المشاركة الأصلية كتبت بواسطة AmroSharafAldeen

الثلاث أنظمه بيتم عملهم من خلال four groups of sensor
4 wheel speed sensors
Lateral acceleration sensor
Yaw rate sensor
Steering wheel angle sensor
و السينسور الاخير هو اللي كنت بأقصد بيه إنه بيعمل مونيتور 140 مره فالثانيه على اوامر الفرامل و سرعة زاوية حركة الدريكسيون

كلامك سليم جداً عن أنواع الحساسات الموجودة ، بس عندي تعليق بسيط إن ال-steering wheel angel sensor بيقيس زاوية لف الدركسيون فقط و لا يقيس أداء الفرامل بالمرة ، و هو مهم في أنظمة الثبات لأن عن طريقه بيعرف إنت عايز تحود قد إيه و العربية محودة ازاي (عن طريق ال- Yaw sensor ) ، و يقدر نظام الثبات الإلكتروني يخمن إذا كان في حالة من الإنحراف من عدمها و بالتالي يتدخل عشان تعديل المسار .

المشاركة الأصلية كتبت بواسطة thunder_eagle

E90
Height Wagon: 57.3 in (1455 mm)
نقلا عن

Height 1,421 mm
The width in E90 - 316i
The width increases in E90 - 320i
the Width is 2013 mm

المشاركة الأصلية كتبت بواسطة thunder_eagle

اخي العزيز
اسمحلي اختلف معاك
مبدئيا العربية وزنها 1500 كيلو وده مش قليل
ثانيا الالكترونيات دي مبتتفصلش وفي نفس الوقت معظم السيارات الحديثة لازم تعتمد علي الالكترونيات في الثبات ده حتي الطيارات بتعتمد علي الالكترونيات عشان تطير :)
ثالثا بالنسبة للمتانة النهارده سرحت وريحت علي بيجو 504 الاكصدام بتاعه الوراني المعدن اتني ودخل لجوه وانا محصليش اي حاجة فاعتقد ان العربية متينة كفاية عشان تحمي الي راكبها
رابعا بالنسبة للوسع فهي اطول سيارة واعرضهم في الفئة الثالثة كلها و ده بينعكس علي المساحة الداخلية
انا ركبت الe90 والe46 وامتلكت الاتنين
طبعا الe90 لو مظبطش المقاعد صح هتاكل المساحة

عيبها الخطير انها واطية علي الارض فلازم تاخد بالك في المطبات
وكمان تحس انك قاعد علي الارض ورجليك قدامك , الوضع ده مبيعجبش ناس كتير
باالنسبة للعفشة فهي انشف من الي قبلها بس افضل من العفشة بتاعت عربيات تانية كتير موجودة في السوق وبصفة عامة دي ضريبة العفشة الرياضية وفي نفس الوقت صوت المحرك رياضي ومسموع بعد2000rpm برضه دي مسئلة اذواق
إن شاء الله هكتب تقييم عن العربية بعد مكمل بيها شوية واكتشف كل عيوبها ومميزاتها

أخي العزيز
اتفق معاك في جزء كبير جداً من كلامك خصوصاً الجزء الخاص بالوزن المقرب على طن و نصف (تحديداً ١٤٦٥ كجم ) ، و يمكن دة السبب الأساسي إن سحب ال-316i مش عالي قوي ، و مع ذلك تحس إن العربية خفيفة من قدام و سهل تعوم .
و لكن لي تعليق واحد على كلام حضرتك و هو بخصوص إلكترونيات الثبات ، لأن دي مش بتشتغل بس غير في حالة الطوارئ (ملف حاد جداً أو أرض زلقة ) غير كدة الأنظمة دي في حالة ترقب و تأهب فقط ، و كمان لو مش عايزها ممكن تبطلها (عشان تعرف تعمل شقاوة لو عايز :) :) ) ، و دة على مرحلتين الأولى توقف ال-DTC فقط عشان تعرف تفحط (تطلع أمريكاني ) ، و المرحلة التانية انك توقف ال-DSC كله عشان تعمل درفتات ولا حاجة ، لأنها في الحالة دي هتفتكرك بتواجه ملف خطر و مش عرف تواجهه و هتحاول تعمل فرامل على عجلات معينة عشان تثبيتك و كدة إنت ممكن تبوظ الفرامل ، فإنت بتوقف النظام لحد ما تخلص

المشاركة الأصلية كتبت بواسطة AmroSharafAldeen

Height 1,421 mm
The width in E90 - 316i
The width increases in E90 - 320i
the Width is 2013 mm

العرض 2013 دة بالمرايات مفتوحة و 1817 بالمرايات مضمومة
و الإرتفاع فعلاً 1421 ٬
و المقاسات دي واحدة لل-E90 كلها 316i، 320i ، 330i ، لأن كلهم نفس الشاسيه الفرق في تغيير الموتور فقط ، كأنك مسقط موتور على نفس العربية )

المشاركة الأصلية كتبت بواسطة farahat

أخي العزيز
اتفق معاك في جزء كبير جداً من كلامك خصوصاً الجزء الخاص بالوزن المقرب على طن و نصف (تحديداً ١٤٦٥ كجم ) ، و يمكن دة السبب الأساسي إن سحب ال-316i مش عالي قوي ، و مع ذلك تحس إن العربية خفيفة من قدام و سهل تعوم .
و لكن لي تعليق واحد على كلام حضرتك و هو بخصوص إلكترونيات الثبات ، لأن دي مش بتشتغل بس غير في حالة الطوارئ (ملف حاد جداً أو أرض زلقة ) غير كدة الأنظمة دي في حالة ترقب و تأهب فقط ، و كمان لو مش عايزها ممكن تبطلها (عشان تعرف تعمل شقاوة لو عايز :) :) ) ، و دة على مرحلتين الأولى توقف ال-DTC فقط عشان تعرف تفحط (تطلع أمريكاني ) ، و المرحلة التانية انك توقف ال-DSC كله عشان تعمل درفتات ولا حاجة ، لأنها في الحالة دي هتفتكرك بتواجه ملف خطر و مش عرف تواجهه و هتحاول تعمل فرامل على عجلات معينة عشان تثبيتك و كدة إنت ممكن تبوظ الفرامل ، فإنت بتوقف النظام لحد ما تخلص

علي فكرة العربية بتسحب احسن من الهوندا سيفيك بس يمكن ده راجع لانها مانوال مش اوتو وكمان دفع خلفي . ممكن الموديلات القديمة تكون افضل في السحب
بالنسبة للDTC فوضعه الطبيعي انه مش شغال ولما بتشغله بيسمحلك ان الكوتش يلف علي الفاضي في الثلج عشان يدي قوة دفع (ده الي مكتوب في الكتالوج) ولما بتطفي العربية وتشغلها تاني نظام الDTC بيقفل لوحده
بالنسبة للDSC هو الي ممكن توقفه عن طريق الصغط علي مفتاح الDTC لمدة 3 ثوان
موضوع التعويم ده محصليش خالص في ال320 , لكن مضغطش علي ال316 عشان اعرف