الموضوع: تقرير عن الفلوانس بعد 1000 كيلو (الحلقه الاولى)

انا حبيت اني اقول انطبعاتي بعد 1000 كيلو عن الفلوانس وهكتبها في شكل نقاط من اول الاستلام لحد ال 1000 كيلو عشان الناس تستفاد
1-العربيه جميله جدا و تقفلها حلو جدا ياخد 90% ليه. مش 100%لان انا قبلت مشكلتين بساط الاولى ان لمبه الشماسه مفروض بتنور اوتوماتيك مع فتح غطاء المرايا لاكن النور احيانا بينور ونا بفتح الشماسه من غير مفتح غطا المرايا ويقفل تاني لوحده كان السلك ملمس وده طبعا عيب من فريق الشركه المختص بالكوالتي وتجربه و مراجعه هذه الاشياء قبل خروج السياره من المصنع ال المشكله الثانيه ان الستاره الخاصه بزجاج البربريز الخلفي فيها ارتخاء من ناحيه واحده عن الناحيه الثانيه هو ارتخاء بسيط جدا لا يلاحظ إلا من شخص دقيق جدا مثلي وده ناتج عن حاجه من 2 اما المسطره الركبه عليها الستاره ركبه بميل شويه ملي مترات يعني او ان قماش الستاره نفسه في جنب اطول من التاني ب ميلي مترات بردو
2-عفشه العربيه مريحه جدا جدا يمكن تكون فعلا انعم عفشه في فئه ال160 الف ل230 الف
3-ثبات العربيه رائع جدا بالنسبه للفئه السعريه يمكن الوحيده الممكن تكون اعلى منها شويه في الثبات الفورد فوكس
4-استهلاك البنزين رائع فولت مرتين و لسه انا في نص التفويله التانيه وعملت الف كيلو التنك 60 لتر
5-العربيه طلعتها مش تقيله ولا حاجه عاديه جدا ولا بطه ولا بتنط تطير يعني طلعه مقبوله جدا
6-موضوع الفتيس والتسارع والكلام ده عشان اجبلكو النهيه من الاخر عشان ال لسه هيشتري العربيه ديه مفهاش كيك داون ولا تقولي اكبس و اشيل و ادوس تاني ولا الكلام ده من الاخر احسن تسارع هتخده
من العربيه انك تكبسلها وحده وحده بالتدريج يعني متنزلش بكل رجلك مره وحده لحد اخر الدواسه لو قلبتها على المانويل هيكون فيه كيك داون وتسقط وكده بس باردو مش ال في دماغك مش زي الفتيس الاوتو العادي بس في الكابس التدريجي تجمعها احسن من اي فتيس اوتو وسريع جدا
7-الكاسيت صوته حلو جدا
8- الكراسي مريحه اوي
9-الوسع الخلفي حلو جدا يمكن بس السيرتوا اوسع منها. والتويوتا اوسع عنها بحاجه بسيطه اوي
10-الباور رائع مش تقيل و مش خفيف وده احسن حاجه بالنسبالي. يعني مش خفيف زي الالنترا كائنك سايق عربيه في الملاهي
في المجمل انا راضي جدا والعربيه اضل من العربيات الكوري بسنين ضوئيه انا كا معي سيراتو 20115وهاكون راضي جدا جدا لما احل المشاكل البسيطه ال انا قلت عليها لو فيه اي حد عايز يعرف اي حاجه انا في الخدمه

السلام عليكم جمعيا و على الفوانسية بصورة خاصة انا بقالى شهريين بدور على عربية جديدة و لسه لم آخذ قرار بعد و كنت عاوز عربية عالية , فكرت فى نوعسة suv و كانت السبورتاج و الهيونداى الاختيار الاول و لكن موضوع المحركات gdi خليتنى ابعد عنها ثم قرأت كلام جميل عن السوباروxv و خوفنى من توكيلها ابو غالى و ان العملاء غير مرتاحين بالمرة معه اضافة الى شح قطع الغيار و الحقيقة انا بالنسبة لى متهمنيش حكاية التسارع فى كام ثانية و لا السرعة الشديدة لانى عمرى مزودت عن 120 كم/س بفكر الان فى الفلوانس أو سوزوكى sx4
2384