الموضوع: العربية بتسخن جداً

ثرموستات الكوع راكبه ولا لأ ..إكشف على الريداتير ..أنا قاري كذا مشاركه لكذا واحد هنا كانوا بيحلفوا إن الريداتير سليم ونضيف وجميل وإنهم غسلينه كذا مره ..وفي الآخر يطلع الريداتير فيه مواسير مسدوده وإنهم إكتشفوها صدفه ..الريداتير يطلع ويتسيخ ..هو ده التنضيف اللي أنا أعترف بيه

المشاركة الأصلية كتبت بواسطة ayman20100

هعدي على بتاع ريداتير يوم الاجازة واخليه يفكه ونشوف
انا كل شكي في ضعف المروحة او الريداتير مش مظبوط
الترموستات شغالة والمايه موجودة والزيت تمام ولله الحمد
ترموستات الكوع مش موجودة فديه كمان استبعدها

خلاص يبقى الريداتير يطلع ويتسيخ ...يتسيخ ..يتسيخ ..أنا عمال أعيدها عشان والله العظيم أنا لما عملت جوان وش سلندر غسلت الريداتير وهو راكب مكانه وبعدين لقيت العربيه بتمسك حرارة ..ما بتسخنش بس بتمسك حرارة ..ودي عرفتها لما لقيت المروحة بتشتغل مدة طويله عن وقتها ..رحت للميكانيكي قعد يكتشف ويجرب وفي الآخر قالي هات إيدك ..وبعدين حطيت إيدي على الخزنه بتاعة الريداتير من فوق لقيت نصه الشمال بارد ونصه اليمين سخن مولع ..طبعا قالي إطلع على بتاع ريداتير كويس وقوله ..سيييييييخ الريداتير ..يعني يفك الخزنه ويتسيخ ..وفك الريداتير وطلع الخزنه وألاقي المفاجأه ..الزيت متجمع في نص الخزنه من فوق ومليس كده وعامل زي الأسمنت ..وكان سادد نص الريداتير ..طبعا نظفه والعربيه ما شاء الله زي الفل ..وفي هنا في المنتدى بتاع مشاركتين لناس معرفوش إن المشكله في الريداتير غير لما إتفك وإتسيخ ..مع إنهم كانوا زي بيحلفوا إن الريداتير مغسول ومفيهوش حاجه ..ده حتى واحد منهم إكتشف منهم بالصدفه إن الصدأ سادد مواسير عنده لما الخزنه اللي فوق بتاعة الريداتير فرقعت وشاف بعينه ..جرب وشوف