مقارنة بين الأفيو والفيرنا 1600 والنوبيرا والبريليانس Frv

**abou_ruqi** · 12-11-2008 08:56 PM

واللهي أنا معايا الأفيو بقالها 3.5 سنة وماشي بيها فوق الـ 70 ألف ومعرفش العيوب اللي حضرتك بتقول عليها دي فين؟

وبعدين لا تستهين بالتقفيل كأنه شيئ ثانوي , الفرق بين أي منتج جيد و أي منتج ردئ هو التقفيل
وبعدين مش معنى إن مصر بتقفل المرسيدس كويس يعني تشتري شاهين و تقوللي تقفيل مصري زيها
!!
لا لازم تميز بين المهرجين والمحترمين

وعلشان يكون في علمك , مفيش غير المرسيدس اللي بتتقفل كويس لأن مراقبة الجودة اللي هنا ألمان
ولا حتى البي ام المصري عدلة وأنا ليا تجربة في ذلك
لأنه لما عربية بعد عشر شهور من شرائها تسخن و تولع علشان عيوب في الخراطيم (مصري) و الكووليها (تقفيل عامل مصري) يبقي محدش يتكلم عن ان التقفيل حاجة هينة المهم أصل العربية
عارف العربية كانت إيه ؟؟ X3

لما تركب X3 موديل 2008 وتدخل الصحراء 600 كيلو والعربية مترجعكش واللي ترجع تويوتا لاند كروزر ياباني موديل 1980 , يبقي طز في إنها مكونات ألماني , المهم مين اللي ربط المسامير ؟؟؟ ومين اللي أشرف على عملية التربيط ؟؟؟؟

وللأسف اللي احنا فيه من تدني المستوى مانستهلوش ومش عيب في البشر ومنه لله اللي كان السبب وحط البلد في وضع لا يمكن تتحسن بسببه

المشاركة الأصلية كتبت بواسطة ahmed21015

على فكرة يا باشا انت قصدك تقول
الافيو كورى تقفيل كورى
البرليانس صينى تقفيل صينى
الفيرنا كورى تقفيل مصرى
النوبيرا كورى تقفيل مصرى
دى حاجة الحاجة التانية
احنا بنقفل مرسيدس فى مصر
هل معنى كدة الافيو احلى؟؟
وعلى فكرة التقفيل الكورى متفرحش بية اوى كدة لانو بينزل بعيوب رهيبة وانا قريت فى منتدى الشيفولية عضو جايب افيو كورى وتعباة جدا دة غير مشكلة الار بى ام
ياريت متحطوش فى دماغكو موضوع التقفيل المصرى دة لانة مش زى منتو فاكرينو زبالة او وحش احنا بنقفل مرسيدس وبى ام مش هتعرف نقفل دايو

**sherif_84** · 12-11-2008 10:04 PM

أستاذ ruqi
ماينفعش تقارن تقفيل الشاهين بتقفيل الفيرنا او النوبيرا لان الشاهين بتتقفل فى شركة قطاع عام يعنى بيظهر فيها عيوب تقفيل كتيرة واحنا واجهتنا المشكلة دى لما اشترينا الشاهين
انما غبور و ابو الفتوح توكيلات محترمة وماينفعش نقول انها بتقفل اى كلام دى مصانع كبيرة وبيشرف على المصانع دى خبرا من كوريا من الشركة الام والكلام ده اكيد 100 %
انا اعرف مدير فرع دايو موتورز ايجيبت المعادى وهو قالى على الكلام ده كله وبعدين احنا برضو معانا نوبيرا والعربية مافيهاش حاجة غلط الحمدلله بس الحاجة الوحيدة اللى ظهرت من عيوب التقفيل ان درج التابلوه مايقفلش الا لما ترزعه جامد بس هو ده العيب الوحيد غير كده مافيش
انا بس عايز اقولك ان التقفيل المصرى فى الفيرنا والنوبيرا محترم ولا يقل جودة عن تقفيل الافيو الكورى خالص

**MohabSaeed** · 12-11-2008 10:17 PM

بريليينس FRV

**احمد عز** · 12-11-2008 10:20 PM

الافيو ووووووووووووووووووو

**ahmed1_com** · 12-11-2008 10:28 PM

الصراحه مفيش غير البريليانس عربيه محترمه صينى بس عضمها وموتورها وشكلها اجمد من كل ده وكفايه البافاره هو الوكيل بتاعها يعنى احسن توكيل فى مصر

**ahmad--ezzat** · 13-11-2008 12:37 AM

المشاركة الأصلية كتبت بواسطة sherif_84

أستاذ ruqi
ماينفعش تقارن تقفيل الشاهين بتقفيل الفيرنا او النوبيرا لان الشاهين بتتقفل فى شركة قطاع عام يعنى بيظهر فيها عيوب تقفيل كتيرة واحنا واجهتنا المشكلة دى لما اشترينا الشاهين
انما غبور و ابو الفتوح توكيلات محترمة وماينفعش نقول انها بتقفل اى كلام دى مصانع كبيرة وبيشرف على المصانع دى خبرا من كوريا من الشركة الام والكلام ده اكيد 100 %
انا اعرف مدير فرع دايو موتورز ايجيبت المعادى وهو قالى على الكلام ده كله وبعدين احنا برضو معانا نوبيرا والعربية مافيهاش حاجة غلط الحمدلله بس الحاجة الوحيدة اللى ظهرت من عيوب التقفيل ان درج التابلوه مايقفلش الا لما ترزعه جامد بس هو ده العيب الوحيد غير كده مافيش
انا بس عايز اقولك ان التقفيل المصرى فى الفيرنا والنوبيرا محترم ولا يقل جودة عن تقفيل الافيو الكورى خالص

+11111111111
دة اللى انا عايز اقولو التقفيل المصرى مش وحش وكويس جدا انا معايا نيسان صنى ونوبيرا مظهرش فيهم اى حاجة وحشة
والتقفيل 100 100

**Rafraf** · 13-11-2008 01:09 AM

briliamce 3shan shklaha a7la

w sabtha 7asb klam as7abha fo2 el wasf

w sor3tha w wes3aha wel 5amat gaida

ya3ni a7sn mn shkl el nubira w verna w aveo

bs aloh a3lam ba3d sana wla etnen eh el hi7sal feha

**ahmedfouad** · 13-11-2008 01:37 AM

المشاركة الأصلية كتبت بواسطة Rafraf

briliamce 3shan shklaha a7la

w sabtha 7asb klam as7abha fo2 el wasf

w sor3tha w wes3aha wel 5amat gaida

ya3ni a7sn mn shkl el nubira w verna w aveo

bs aloh a3lam ba3d sana wla etnen eh el hi7sal feha

يعنى ايه علشان عينى وجعانى؟:k41:

**muslem** · 14-11-2008 12:00 AM

انا برضوة مش عارف ايه اللى دخل البريلينس فى المقارنة عربية محدش يعرفها حد فى العالم غير مصرتقريبا والصين طبعا و الناس بتقول عضمها جامد طيب جامد ازاى و مفيش كراش تست علشان نعرف الكلام ده صحيح ولة لا
غير ان متورها صيني يعني مش متجرب من مدة علشان نتاكد من مستواه
يعني الخيار طبعا للعربيات الجديدة خصوصا ان يكون المتور محترم
يعني المواتير المحترمة هى
نوبير
افيو
فيرنا
و فى الاخر بريلينس التى كيف تقارن بينم اصلا!!

**tutankhamoun** · 14-11-2008 05:25 AM

أفضل أختيارات هنا
نوبيرا و فيرنا في المقام الأول

و بعدين أفيو

العربية الصني شكلها و إمكانيتها الحالية ممتازة و لولا أنها صيني و غير مجربة نهائي كنت حاطيتها في الأول مع النوبيرا و الفيرنا

بالنسبة لموضوع المصري

و الله العظيم يا رجال مصر الأعزاء
العربيات اللي بتتجمع في مصر عربيات كويسة بس اللي بيخاف من العفريت بيطلعله
و أنا واحد قريبي معاه الأفيو المصري و مبسوط بيها جدا أكتر من سنة دلوقتي و مفيش أي مشاكل غير أن واحد مصري أصيل دخل في الشنطة و أضطر يروح يعملها في التوكيل سمكرة و دوكو
و النيسان صني المصري أكثر من ممتازة
هي بس عقدة الخواجة اللي معقدة أغلبية المصريين بسبب صناعة القطاع العام في السبعينيات و الثمانيات اللي أعطت انبطاع سئ عن صناعتنا و إمكانيتنا

بالنسبة للأستاذ مسلم
حضرتك راكب عربية BYD ....... و بتقول أن البريليانس محدش يعرفها في العالم غير مصر و الصين !!!!!!!!!
طيب مين يعرف BYD ؟؟؟؟
على الأقل البريليانس بتبيع في ألمانيا الموديلات الغالية و ليها تعاون مع بي ام دبليو ...... و الناس بتشكر في الجالينا .......

مشاهدة نتائج الإستطلاع: أيهم تفضل ولماذا ؟

الموضوع: مقارنة بين الأفيو والفيرنا 1600 والنوبيرا والبريليانس Frv

LinkBack

أدوات الموضوع

عرض

-

-

-

-

-

المواضيع المتشابهه

مقارنة بين اللانوس والفيرنا

مقارنة بين اللانوس والنوبيرا

مقارنة بين الاوبترا والنوبيرا !!!!!!!!!!!!!!!!

مقارنة بين الاوبترا والنوبيرا.......

الكلمات الدلالية لهذا الموضوع

المفضلات

المفضلات

ضوابط المشاركة