الموضوع: مقارنة بين الأفيو والفيرنا 1600 والنوبيرا والبريليانس Frv

المشاركة الأصلية كتبت بواسطة prisdent

يمكن الكلام اللى هقوله غريب شوية بس لعلم حضرتك دى غلطة سواق !!
فى ناس متعودة انها تسوق عربيات واطية (ارتفاعها قليل عن الأرض) زى النوبيرا و الجين 2 لما بيجو يركبو عربية عالية عن الأرض زى الأفيو أو الكورولا مش بيعرفو يتحكمو فيها (ده مش تقليل من مستوى سواقتك أو احترافك للسواقة) بس هى مسألة تعود فبركوبهم العربيات العالية عن الأرض بيحسو انها مش ثابته علشان كدة لازم العربية تقعد معاك شوية تتعود عليها و بعدين تحكم على الثبات بتاعها

كلام حضرتك مردود عليه
أولا الأحساس بالثبات ملوش دعوة بالسواق نهائي
أنا و أنا قاعد في الجين 2 أو النوبيرا أو الأوبل فيكترا مثلا
قاعد فيها و حاسس ان العربية ماسكة نفسها في كل اظروف

إنما لما أنزل منهم و أركب عربية أقل في الثبات و أحس بكدا
ما أعتقدش أن ده عيب في السواق

إنما لما حضرتك تتعود على ثبات عربيتك دي حاجة و لما تركب أقل منها حاجة تانية

يبقى أنت اللي أتعودت على العربية كدا
مش أنا أو غيري اللي مش عارف يتحكم فيها

و السلام عليكم

المشاركة الأصلية كتبت بواسطة tutankhamoun

كلام حضرتك مردود عليه
أولا الأحساس بالثبات ملوش دعوة بالسواق نهائي
أنا و أنا قاعد في الجين 2 أو النوبيرا أو الأوبل فيكترا مثلا
قاعد فيها و حاسس ان العربية ماسكة نفسها في كل اظروف

إنما لما أنزل منهم و أركب عربية أقل في الثبات و أحس بكدا
ما أعتقدش أن ده عيب في السواق

إنما لما حضرتك تتعود على ثبات عربيتك دي حاجة و لما تركب أقل منها حاجة تانية

يبقى أنت اللي أتعودت على العربية كدا
مش أنا أو غيري اللي مش عارف يتحكم فيها

و السلام عليكم

أوعى تفهمنى غلط فى كلمة حضرتك دى أنا قصدى بيها كل احترام و الله مش اكتر من كدة !
و لنكن كما كنا أصدقاء فى المنتدى خصوم فى القضية ماشى؟

المشاركة الأصلية كتبت بواسطة ruqi

مع احترامي لكلام حضرتك بس وجهة نظرك عن الأفيو غلط تماما

العربية تسارعها وحش تحت 2500 لفة وبعد كده طلقة
وإن كان المعيار ليس السرعة فوق أو تحت الـ 100 زي ما حضرتك بتقول إلى إني أقدر أقولك إن الـ 100 التانية بتجي أسرع من الـ 100 الأولى

موضوع إستهلاك البنزين وموضوع العفشة , أنا مش فاهم هو المنتدى عاوز يطلع العربية بتستهلك بنزين بالعافية ؟؟؟ وعاوزين تطلعوا العفشة وحشة قهراً ؟؟

ماحنا معانا العربية من سنين و مشينا بيها ألاف الكيلو مترات في كل شوارع الجمهورية و معندناش شكاوي !!!! أنتوا حتعرفوا عن العربيات أحسن من اللي ركبنها ؟؟ ما انا ماشي بيها أكتر من 70 ألف كيلو ما أخدتش بالي ازي تفتكر من العيوب دي ؟؟ انا وكل اللي ركبينها !!!

بدون شخصنة , أنا بحترم كلامك عن تجربتك مع الجين 2 , فلو سمحت ما تصدرش أحكام على عربية أنت مركبتهاش قبل كده

وبمناسبة طريق الواحات , أنا رحت بيها سيوة العيد اللي فات (ليا موضوع عن الرحلة دي) و السرعة ما نزلتش عن 165 واتمسكت ردار في العلمين و معايا الوصل مكتوب فيه السرعة , أشوف اسكانر و أرفعلكم الوصل

علشان محدش يتكلم عن ثبات الأفيو فوق الـ 100 تاني

طبعا الكلام لغير ملاك الأفيو , وعلى فكرة محدش عنده أفيو اشتكى , كل اللي اشتكوا من ثبات الأفيو , هم اللي عمرهم ما ركبوها

شيئ عيب

:k49::k49::k49::k49::k49:
:k32::k32::k32:

لا صوت يعلو فوق الأفيو

المشاركة الأصلية كتبت بواسطة ruqi

العربية تسارعها وحش تحت 2500 لفة وبعد كده طلقة
وإن كان المعيار ليس السرعة فوق أو تحت الـ 100 زي ما حضرتك بتقول إلى إني أقدر أقولك إن الـ 100 التانية بتجي أسرع من الـ 100 الأولى

قصد حضرتك ان بعد ال 100
العربية بتجيب 200 اسرع من 0 ل 100 الاولى؟
طب انا اتحداك ان فى افيو يقدر يقفل عداد ودة لان الموتور مش هيجيب
هيجى عند سرعة ويقف بالضافة للثبات السىء
انا مش ضد الافيو لا طبعا عربية محترمة
بس بحدود

السلام عليكم يا أستاذ روقي ruqi
أولا تحياتي

يا أستاذي الفاضل أنا تكلمت عن حاجتين في الأفيو و لم أتكلم عن غيرهم
أولا قلت التسارع لغاية 100 حلو قوي و بدون أي مجهود على الموتور

و معلقتيش تاني و مقولتش هو شكله أيه بعد 100 و لكن حضرتك بدأت تدافع عن شئ أنا لم أقوله

بالنسبة للنقطة التانية اللي أتكلمت فيها كانت عن الثبات
و قلت أن ثباتها معقول

و أنا بتكلم عن تجربة و تجربة كتير
لأني العربية مع واحد قريبي و تقريبا لو خرجت معاها أنا اللي بسوق مش هوه
يعني سوقتها كتير و عارف العربية كويس و مش بتكلم عن سمع
و لما أتكلمت عن الأكسنت ........ قلت تجربة واحد صاحبي علشان أنا مسوقتهاش


طيب هاعلق تاني و بتفاصيل أكتر علشان الموضوع يكون فيه موضوعية أكتر

أنا سوقت العربية الأفيو كتير و متكلمتش عن موضوع استهلاك البنزين
طيب ايه اللي أنا حسيته من الأفيو لو قارنتها بأختها الكبيرة النوبيرا ؟؟؟
أن الأفيو خفيفة خالص في الجري و علشان تحس بكدا لازم تركب النوبيرا

العربية تجميعها حلو جدا تحت 100 و بعد كدا تجميعها قوته بتقل عن ما هو تحت 100
يعني العربية تجيب معاك لغاية 100 بكل سهولة
إنما بعد كدا بتجيب و كل حاجة ........ بس مش زي تحت 100
و ده طبيعي جدا نظرا لتصميم الموتور من نوع SOHC
و ده مش عيب في العربية زي ما حضرتك متصور أن أنا بتكلم عن عيب
هو تصميم الموتور كدا ........ غير المواتير DOHC

العربية خفيفة و تجميعها حلو جدا لغاية 100 و ثباتها معقول و عربية محترمة للمدن بالأساس
و العربية عيوبها قليلة و تقفيلها حلو

ده كل الكلام اللي أنا قلته في المداخلات السابقة لو حضرتك قرأت الكلام كله الخاص بي فقط

إنما من ناحية الثبات و التسارع ......... النوبيرا تأكلها ..... و ده طبيعي علشان حجم الموتور و تصميم العربية و مش عيب في الأفيو خالص

ياريت حضرتك تفهمني و تفهم قصدي اللي جاي عن تجربة مش كلام مسموع من هنا و هناك

وتحياتي لك و لكل الأعضاء

يعني سحب الأفيو أحسن من سحب الوحش اللي بيقولوا عليه

إنما رغم كل ده حتلاقي برضه كل المواضيع اللي بتتكلم عن الفيرنا بيقولولك ان موتورها وحش (بتسكين الحاء) , أما الأفيو فموتورها وحِش (بكسر الحاء)

والأغرب إن ولا واحد جرب الأفيو , كله سمع عنها , زي الفيلم بتاع وردة زمان اللي محدش شفه وكله سمع عنه

حاجة غريبة قوي بصراحة

بُص يا أستاذ روقي بالنسبة للمقارنة بين سحب الأفيو و سحب الفيرنا
بصراحة مفيش مقارنة خالص بينهم و الفيرنا سحبها جامد جدا و بتقطع عربيات كتير و منهم عربيات أقوى منها في المحرك في القوة الحصانية

الفيرنا على فكرة 105 حصان و الأفيو حاجة و ثمانين حصان

و برضه الكلام عن تجربة مش كلام سمع و خلاص و أرجوا أن حضرتك متزعلش من الكلام ده و أدينا بنتناقش