الموضوع: مقارنة بين الأفيو والفيرنا 1600 والنوبيرا والبريليانس Frv

يا باشا و لا يهمك عادي فيها أيه لما تكون مجهولة بالنسبة لك ...و أحنا هنزعل ليه بس
أولا أنا بحترم الأفيو لعدة أسباب
سيارة جيدة ...... و إن كان سعرها مش عاجبني
تُعتبر سهلة في التصليح علشان فيها موتور اللانوس ........ يعني قطع غيار مشتركة مع عربية قعدت في السوق المصري 10 سنوات كاملين و مازالت بتبيع و دي ميزة لملاك اللوس وملاك الأفيو على حد سواء

بالنسبة للمشاكل اللي في النوبيرا مقدرش أفتيك علشان مش خبرة في مشاكلها

بالنسبة للجين 2 هي فعلا مجهولة لناس كتير و ده مقللش من العربية في حاجة
و فيه ناس كتيرة متعرفش حاجة عن السوباورا ........ و لا تعرف أسمها أساسا
هل معنى كدا أن السوباوا وحشة علشان الناس متعرفش حاجة عنها
طبعا لاءة ....... عربية مش منتشرة و لكن لها مميزات أخرى و نفس الكلام بينطبق على الجين 2 اللي بتشق طريقها بنجاح كبير في السوق المصري و كمان في السوق الإنجليزي و عاملة مبيعات محترمة

و أنا أجزم في خلال مدة قصيرة ......... سيعرف الناس جميعا معنى كلمة بروتون و قيمة سيارتها اللي بجد يقدر يقدرها اللي ركبها بس

و ربنا يباركلك في الأفيو الجميلة ( فعلا عربية لذيذة )


بس المهم أن كل الكلام كان على الثبات !!!!!! خرجنا في مشوار أحنا الأثنين على الشهرة

بالمناسبة برضه اللانوس كانت عربية مجهولة و محدش يعرف عنها حاجة ........ لغاية ما أثبتت نفسها و ماشية كويس في السوق لغاية دلوقتي

لازم الأذواق تختلف يا أستاذ أشرف علشان المصانع تشتغل و يبقى فيه منافسة
و إلا كان زمان كل الناس بتركب مرسيدس فقط على أساس أنها هي اللي أخترعت العربيات

المشاركة الأصلية كتبت بواسطة adwyy

معاك في النقطة دي
بس انا لية رأي في النوبيرا و الجين تو و ما حدش يزعل مني
و انا قولت رأي
النوبيرا شيك و ثبات و كماليات بس مشاكل العفشة لا تنتهي مرة مقصات و جلب
مساعدين و حاجات تانية مش بفهم فيها و فيها حاجة كمان هي بالنسبة ليا عيب
حجمها كبير زيادة عن اللزوم
الجين تو شيك و موتور قوي بس مش عارف ليه بعتبرها من السيارات مجهمولة الهوية
مع احترامي لكل الي مالكينها
بس لما حبيت اشتري ما حطتهاش في اختياراتي خالص لا هي و لا الفيرنا ( مش بعتبر الفيرنا عربية لا في السفر و لا في المدينة بعتبرها عربية سوق يعني تروح تجيب بيها حاجة و ترجع )
النوبيرا كانت موجودة هي و الافيو و ( فيكترا مستعملة 2000 سي سي ) في الاختيارات لما كنت بشتري
و في الاخر استقريت على الافيو و الحمد لله حتى الان أختيار موفق
__________________

رد ممتاز :k49:
بس أحب أضيف على كلامك بالنسبة للنوبيرا أن حجم النوبيرا الكبير ده غير مبرر لأن الصالون حجمه عادى و كمان العربية واطية على الأرض وبتحك فى مطبات كتير حتى لو راكب لوحدك والعربية مش بكامل حمولتها على العكس أنا معايا افيو 2006 كنا بنركب فيها ستة ومن الأحجام المتوسطة وكنت باخد المطب عادى مش بميل ولا حاجة وماشاء الله جميله جدا فى السفر و مفيش أي حاجة من قصة أن العربية مش ثابتة لأن كله بيشوف ان العربية عالية بيفتكر ان مفيش ثبات وده عكس الواقع
أما بالنسبه للجين 2 فهى جميلة ولكن الجلوس فى الكنبه الخلفية غير مناسب الا للطول المتوسط وكمان بحس انها عايزه استخدام خفيف بالنسبة للزراير الانتظار والزراير المحيطه به وعن كلام صديق لى مدير مبيعات باحدى الشركات الكبيرة الموزعة للسيارات انهم قبل ما يسلمو العربية الجين 2 للعميل بيبعتوها التوكيل عشان يشيكو على بعض الحاجات اللى زى دى.
أما الفيرنا و ال frv استبعدهم من المقارنة

المشاركة الأصلية كتبت بواسطة adwyy

ساعات بشوف ناس بيشتكوا من ثبات الفيرنا مثلاً و بيقولوا بعد 140 ما فيش ثبات
طيب لما تبقى عربية 73000 و بعد 140 مكلبشة في الارض

على فكرة ثبات الفيرنا و ثبات الأفيو مفيش فرق كبير بينهم

الأفيو لغاية 140 و مكلبشة في الأرض ؟؟
يبقى حضرتك مركبتش حاجة تانية مكلبشة في الأرض فعلا
لأن أنا ركبت الأفيو و سوقتها كتير
العربية مش ثابتة لو قارنتها بالنوبيرا مثلا
يعني تركب الأفيو في مشوار ........ و تنزل تروح بالنوبيرا نفس المشوار
هاتطلع بإحساس واحد ......... إن الأفيو مش ثابتة
ده اللي أنا حسيته جدا في العربية و أي حاجة عالية وواطية في الطريق بتجيب العربية و توديها
لكن على الطرق المستوية .... كويسة جدا
و في المنحنيات أيضا ....ضعيفة لو هاتخد المنحنيات على سرعات عالية ( 100 مثلا ) بتحس ان العربية خرجت عن سيطرتك و ده راجع لتصميمها

بُص كل الكلام ده مش عيوب و لكن هي العربية كدا و تصميمها كدا

و بكرر تاني يا أستاذ أشرف
علشان تحس بالكلام ده .......لازم تسوق حاجة تانية زي النوبيرا مثلا

المشاركة الأصلية كتبت بواسطة tutankhamoun

على فكرة ثبات الفيرنا و ثبات الأفيو مفيش فرق كبير بينهم
العربية مش ثابتة لو قارنتها بالنوبيرا مثلا
يعني تركب الأفيو في مشوار ........ و تنزل تروح بالنوبيرا نفس المشوار
هاتطلع بإحساس واحد ......... إن الأفيو مش ثابتة
ده اللي أنا حسيته جدا في العربية و أي حاجة عالية وواطية في الطريق بتجيب العربية و توديها
و في المنحنيات أيضا ....ضعيفة لو هاتخد المنحنيات على سرعات عالية ( 100 مثلا

يمكن الكلام اللى هقوله غريب شوية بس لعلم حضرتك دى غلطة سواق !!
فى ناس متعودة انها تسوق عربيات واطية (ارتفاعها قليل عن الأرض) زى النوبيرا و الجين 2 لما بيجو يركبو عربية عالية عن الأرض زى الأفيو أو الكورولا مش بيعرفو يتحكمو فيها (ده مش تقليل من مستوى سواقتك أو احترافك للسواقة) بس هى مسألة تعود فبركوبهم العربيات العالية عن الأرض بيحسو انها مش ثابته علشان كدة لازم العربية تقعد معاك شوية تتعود عليها و بعدين تحكم على الثبات بتاعها

المشاركة الأصلية كتبت بواسطة adwyy

معاك في النقطة دي
بس انا لية رأي في النوبيرا و الجين تو و ما حدش يزعل مني
و انا قولت رأي
النوبيرا شيك و ثبات و كماليات بس مشاكل العفشة لا تنتهي مرة مقصات و جلب
مساعدين و حاجات تانية مش بفهم فيها و فيها حاجة كمان هي بالنسبة ليا عيب
حجمها كبير زيادة عن اللزوم
الجين تو شيك و موتور قوي بس مش عارف ليه بعتبرها من السيارات مجهمولة الهوية
مع احترامي لكل الي مالكينها
بس لما حبيت اشتري ما حطتهاش في اختياراتي خالص لا هي و لا الفيرنا ( مش بعتبر الفيرنا عربية لا في السفر و لا في المدينة بعتبرها عربية سوق يعني تروح تجيب بيها حاجة و ترجع )
النوبيرا كانت موجودة هي و الافيو و ( فيكترا مستعملة 2000 سي سي ) في الاختيارات لما كنت بشتري
و في الاخر استقريت على الافيو و الحمد لله حتى الان أختيار موفق
__________________

بعد ازنك
يعنى اية النوبيرا كبيرة زيادة عن اللزوم هو اية اللزوم مهيا كبيرة عشان موتور قوى وكبير وعشان شنطة واسعة وعشان واسعة من جوة الصالون ودة بيديها ثبات عن الافيو والفيرنا طبعا
وبعدين اعتقد النوبيرا افضل من الافيو والفيرنا