الموضوع: انطباعات عن الفلوينس الفيس ليفت فى رحله للغردقه

ده esp .. يراقب حركه الدركسيون ليتعرف على نيه السائق ( رغبته فى الاتجاه ) .. يراقب العزم على العجلات

و هناك حساس يحس بدوران السياره حول المحور الرأسى و هذا هو اهم ما فى الموضوع .. ( المحور الرأسى هو خط وهمى من الاسفلت الى السماء )

عندما تأخذ ملف شديد جدا او غرزه عنيفه جدا و مفاجئه .. يزيد عزم القصور الذاتى و يبدأ بجعل السياره تنزلق ( المؤخره مثلا ) .. بمعنى ان السياره بتلف حول محور رأسى

يبدأ ال esp عمله لايقاف هذا الدوران حول المحور الرأسى عن طريق تعديل العزم فى الاربع عجلات ( فرمله العجلات بطريقه معينه ) .. و يكون التعديل بناء على حساس حركه دوران الدركسيون ليعلم رغبه السائق التى كان يريد تنفيذها ( مثلا يفهم ان السائق كان يريد الاتجاه يمين مثلا )

و دى بعض الفيديوهات البسيطه للتوضيح

[youtube]https://www.youtube.com/watch?v=L1qt84c2KN0[/youtube]

[youtube]https://www.youtube.com/watch?v=Y2uXzp2HzKg[/youtube]

فيديو آخر
[youtube]https://www.youtube.com/watch?v=Y2uXzp2HzKg[/youtube]

المشاركة الأصلية كتبت بواسطة yasser100

شكرا لمرورك الكريم , بس يا باشا الفلوينس ما فيهاش esp :) , علشان كده انا ما فهمتش ايه اللى حصل .

فعلا مفيهاش ( انا افترضت انه موجود بسبب الرد الاول لمنسق قسم رينو )

و حبيت بس اوضح طريقه عمله لانها لم توضح جيدا فى الردود

و فى موقع رينو مصر لقيت الجمله دى يمكن يكون ليها علاقه ( هل دى حاجه تانيه غير ال Anti Roll Beam ) خاصه بنوعيه المساعدين ؟؟
Reinforced suspensions + high body + reinforced tyres

تحياتى

المشاركة الأصلية كتبت بواسطة Amr Gamal 01

حمد لله على السلامه يا ياسر بيه تقرير جميل من شخص اجمل الاجابه لفزوره التقرير هي(electronic brake distribution اي نظام توزيع قوه الفرامل على العجلات و الحصل مع سعدتك اغلب الظن هو السيناريو ده سعدتك دخلت على الملف على 150 فوجئت ان الملف عاصي والعربيه لعبت رد فعل تلقائي دوست فرامل عشان تلم عربيتك هنا اشتغل ال EBD عمل ايه الABD اده قوه فرمل قويه على الجنب ال انت كاسر عليه الدريكسيون لان انت مايل عليه و اده قوه فرامل اقل على الجنب التاني عشان العربيه متعرضش يعني بل الملخص ان النظام ده بيدي قوه فرامل على حسب الوزن الواقع على كل فرده العشان العربيه متخرجش عن مسارها هتيجي تقولي يعني ده يعتبر زي الESP هقول لك لا النظامين بيكملو بعض يعني لو فرضنا نفس الظروف ديه تاني ونفس الملف وكل حاجه ونفس رد فعلك مع اضافه ان الطريق كان علي رمله هنا يشتغل الesp مع الebd يعمل ايه يقلل قوه الحركه في كل فرده عن التانيه عشان العربيه متتزحلقش وتعرض يعني ال esp نظام تحكم الكتروني في اتزان العربيه عن طريق التحكم في قوة الدفع في كل عجله والebd نظام تحكم الكتروني في قوه الفرامل طبقا للوزن الواقع على كل عجله وكفا المؤمنين شر القتال

انا عندي تعليق بسيط بخصوص موضوع ال EBD
ممكن اكون انا فاهم غلط بس حوضح المعلومة اللي عندي و مصدرها تعريفات IIHS لانظمة سلامة السيارات
ال EBD ملهاش اي علاقة بتوازن او منع انحراف ، كل الحكاية انه نظام بيقيس مستوى التحميل على المحورين الامامي و الخلفي و بيوزع قوة الفرامل طبقا لتوزيع الاحمال .
بمعنى انه لو العربية مفهاش غير 2 ركاب قدام بتلاقى النظام بيدي 70% قوة كبح على العجلتين اللي قدام عشام عليهم تحميل اعلى و بالتالي traction اعلى و 30% على المحور الخلفي ، لكن لو مثلا مركب 3 ورا و محمل الشنطة جامد النظام حيزود تحميل الفرامل على المحور الخلفي لكن يمين و شمال و كل عجلة لوحدها ده ESP
و ده فيديو بيوضح فكرة عمل نظام ال EBD
https://www.youtube.com/watch?v=NwlEslInxyE&app=desktop