الموضوع: نسافر و لا نقعد في مصر!!!!!

و الله انا شاكرة ليكوا جميعا نصايحكم الغالية. ربنا ييسر الحال يا رب

هو لو ربنا اراد و الموضوع مشي، مش متوقع انه يسافر قبل تلات اربع شهور و طبعا مش قبل شهرين تلاتة كمان علي ما يبعت لنا يعني غالبا حتبقي المدارس في نص السنة. هل معني كدة اننا لازم نستني الولاد يخلصوا مدارس و لا ممكن ننقلهم في نص السنة ان شاء الله؟

زى ما قلت انا هنا فى الكويت من شهرين بس.
ودى ملخص تجربه الشهرين:
1. السكن
انا اخدت سكن فى السالميه. بوجه عام السكن فى الكويت غالى و فى السالميه غالى اكتر لكن ميزه السالميه انها مكان كويس ومعظم اللى فيها مصريين ولبنانيين واوربيين وتقريبا ما فيهاش كوايته والهنود والفلبينيين شويه.
هى على الخليج. بوجه عام هى مكان كويس واعتقد انك حاتستريحى فيها كتير.
2. المدارس
حسب انتى بتفكرى فى اى نوعيه مدارس لو مدارس انترناشيونال موجود الأميركان والبريتش ومصاريفها غاليه جدا جدا ومش ينفع تفكرى فيها الا انك يكون شغل زوجك بيقدم بدل تعليم للاولاد.
والمدارس الباى لانجويتش ودى نسيبا غاليه وزى مدارس اللغات فى مصر وفيها اختيارات كتير وتفاوت بردو كتير فى المصاريف ودى ممكن تقدمى لأولادك فيها حتى لو مش فيه بدل تعليم من شغل زوجك
اخر حاجه موضوع ان الاولاد يمتحنو فى السفاره المصريه فى اخر السنه الدراسيه واثناء الدراسه بيكون فيه اماكن بتدرس المنهج المصرى لكن زى ما وضحت الأمتحان بيكون فى السفاره المصريه فى شهر ابريل التيرمين مع بعض.
3. النظام الأدارى
نظام سىء جدا وروتينى جدا عامل زى مصر بالظبط يعنى كمثال انا يا دوب لسه واخد البطاقه المدنيه بعد شهرين بالمقارنه بالسعوديه انا اخدتها فى اسبوع
وهنا بتسمعى نفس الكلام اللى بنسمعه فى مصر واسطه وكوسه وغيره
4. الحياه اليوميه
بتحسى انك فى مصر كانك فى القاهره فى مدينه نصر او نيو كايرو شوارع زحمه جدا ترافيك
تدخلى اى ماركت تلاقى السيلزمان مصرى تكلمى الكول سنتر لأى شركه نلاقى اللى بيرد عليكى مصر
تدخلى اى اوتيل او مطعم تلاقى اللى بيقابلك مصرى. هنا المصريين كتير جدا بصوره اول مره اشوفها فى الخليج
علشان كدا قلت لحضرتك انك مش حاتحسى انك سيبتى مصر او تحسى بالحنين للوطن.
اتمنالك كل خير ويا ريت يكون شغل زوجك فى بنك hsbc
لأنى عامل حساب فى بنك nbk وعاوز اكنسله واعمل حساب جديد فى بنكى المفضل hsbc