نسافر و لا نقعد في مصر!!!!!

**ali ashraf** · 07-05-2015 01:13 AM

رأيي في الغربة هو ان تكون فترة محددة لتحويش الاموال لهدف محدد .. ولكن في الغالب كل من يدخل دوامة الغربة لا يعرف ان يخرج منه
حضرتك جبت مربط الفرس ....صعب جدا الخروج من دوامة الغربة ....و أعتقد دى أكبر ضريبة بيدفعها المغترب ...و الأحساس بعدم الآمان فى بلده الأم ....ويفقد الشعور بالقناعة ...ويبقى الموضوع زى ما فيه اغنية بتقول "مش عيب تخاف من الموت بس العيب الخوف يموتك"
رغم كدة اقول للاستاذة hh توكلوا على الله و سافروا و حكاية الجو الحار و الخروج الخ مسائل مقدور عليها المهم يكن زوجك مرتاح فى شغله فى البنك هو ده المحك الوحيد و المهم.
يبقى شئ أخير هو مش ممكن يأخذ اجازة بدون مرتب من البنك قبل السفر؟ لو ممكن يكون افضل.....مع تمنياتى لكم بالتوفيق.

**mr_sese** · 07-05-2015 11:18 AM

احسبيها بالعقل

لو دخلك هنا مثلا 1000 جنية يبقى لازم يكون هناك مرتبك مش اقل من 10 اضعاف للاسباب الاتية:

1- الحياة هناك غلية جدا جدا لاتقارن بمصر
2- المدارس نار بمعنى الكلمة

يبقى لازم اشوف ثمن الغربة هايبقى فرق فلوس قد ايه؟ او عى تتنازلى عن 4 اضعاف ماتتقاضية هنا طبعا بعد حساب الاكل و الشربو الهدايا و الطيران و كل شئ حتى ضرائب الوظيفة

انا عارف ناس كانو سافرو على مبالغ ضخمة جدا و مش عارفين يوفرو علشان يعيشو فى نفس مستوى مصر

**احمد فهمى** · 07-05-2015 01:26 PM

ان شاء الله لو سافرتو هتقررو مترجعوش تانى بأي شكل ﻷن مفيش اسؤ من الشغل فمصر والعيشه الخليج للأسف تحضرونظام وكل واكد واخد حقو فعملو بشكل محترم الواحد كان بيسافر اوروبا وينبهر لكن الصدومه كانت سفري للخليج اكتشفت ان مصر راحت ومش هيفهم كلامى غير اللي سافر

**رحالة** · 07-05-2015 08:40 PM

المشاركة الأصلية كتبت بواسطة amr011111

لو انا مكانكم مش هسافر
لان السفر له ضريبه تانيه
الحاجه التانيه شغلتكم هنا ما شاء الله هتخليكوا تقدورا باذن الله تعملوا اللى هتعملوه لما تسافروا بس على مدى اطول شويه وبالتوفيق

وغير كده اللي بيسافر بيفوت على نفسه فرص كثير في مصر
اقصد للاستثمار والدخل الاضافي

**ahmed1981** · 10-05-2015 12:37 AM

سنكوا مش صغير
وفي منتصف التلاتينات ؟!!!!!!!!
يا مدام بلاش الكلام اللي يحطم المعنويات ده

نص التلاتينات يعني شباب

أنا هضيف نقطة مهمة

الجيل الأول من المصريين اللي إشتغلوا في الخليج كانوا بيبقوا رايحيين كام سنة يحسنوا وضعهم ويرجعوا يستقروا في أم الدنيا

الجيل الأول ده الآن في السبعينات من أعمارهم

الجيل التاني اللي هما زيكم كده
الفكر إتغير
هما بيسيبوا أم الدنيا ... اللي هي مصر طبعاً :)
ورايحين يعيشوا وبكرر تاني يعيشوا في بلد قريب مننا ظروفه الإنسانية والآدمية أفضل من مصر
هيعيشوا حياتهم سواء وفروا أو موفروش
طالما الوضع أحسن يبقى هما عايشين
أم الدنيا ينزلوها أجازات لزيارة الأهل والأقارب وتغيير الجو

الجيل التاني ده بيروح دول الخليج مثلاً يلاقي نص اللي بيتعامل معاهم في شغله ومدرسته والفسح وكل حاجه نصهم عرب مغتربين وأغلبهم مصريين

يعني مجتمع نضيف إنساني راقي متعلم متحضر فيه فلوس وأهم حاجه فيه آدمية
وبرضه فيه مصريين

زي ما في زميل وضح قبلي

إنتوا لو سبتوا مصر فإنتوا رايحيين تعيشوا في بلد تانية بظروف أحسن من مصر
تعيشوا
مش رايحين فرقة صاعقة ولا مأمورية تقشف على الناشف

فرق كبير قوي بين الجيل الأول
والجيل التاني

ده كله متوقف على إن الوضع هناك هيكون أفضل في أغلب الأمور
لكن لو أسوأ

مصر قريبة على رأي .............

ـ

**gade2** · 10-05-2015 05:26 PM

ربنا يرزقكم الخير

**aif** · 10-05-2015 08:57 PM

انتي لم تذكري اهم نقطة
الاولاد واعمارهم ومدارسهم
اعتقد لازم تعرفي اولادك ح يدخلو مدارس ايه وبكام
ده ممكن يكون عامل اساسي في قبول او رفض العرض المقدم لكم
المدارس
السكن
العلاج
دول اهم نقاط في السفر
واكيد زوجك لازم يسافر لوحده الاول عشان يظبط مواضيع السكن والمدارس وبعدين حضرتك والاولاد تسافرو بعد ما يكون ظبط الدنيا شوية في ما يتعلق بالسكن والمدارس ورخصة القيادة بالذات
بالتوفيق ان شاء الله

**horas3000** · 11-05-2015 11:13 AM

شوفي حضرتك
انا من مواليد الكويت اصلا
و عايش فيها طول عمري و مكنتش بنزل مصر الا في الاجازات و للجامعه
و اول ما اتخرجت رجعت الكويت و اشتغلت هناك

و في 2011 والدي قرر انه كفايه كده و نزل مصر نهائي و انا حصلته بعدها بسنه
و احب اقولك مصر اديتني احلي و اقوي مقلب خدته في حياتي
و اديني رجعت بقالي كام اسبوع اهو بس بعد ما خسرت كتير للاسف
بس هقول ايه غير الحمد لله

بالنسبه للكويت في من الاخر و بكل صراحه تقدري تعتبريها معسكر عمل
بس معسكر فخم شويتين تلاته
لو ربنا سهل و اشتغلتي مش هتلاقي وقت اصلا للفسح و الكلام ده و علي فكره مصر بقت كده اساسا

غير كده البلد منظمه الي حد كبير
الحياه اسهل من مصر بكتير
التعامل اكتر ادميه طبعا
لو زي ما بتقولي المرتب كويس فالاكيد انكم هتعيشوا عيشه انظف من مصر بكتير و خصوصا انك بتقولي وضعكم في مصر كويس و ده غالبا معناه ان عندكم شقه و عربيه و كده فمش محتاجين تحوشوا ليهم و ده هيخلي قابليتكم انكم تصرفوا اعلي و ده هيريحكم كتير

الفسح و الخروج اغلبها كافيهات و مطاعهم و مولات و لو الجو كويس في جناين و نوادي و كده

العيوب بقي

الجو و تقلباته الشديده و اعلمي حسابك ان اغلب السنه حر و تراب

الكوايته و زي ما البعض قال اغلبهم فيهم عنصريه و عجرفه خصوصا للي من اصول بدويه و بالمناسبه هما نفسهم درجات و بيعاملوا بعضهم بنفس الطريقه بس طالما الواحد حافظ كرامته و ادبه معاهم يبقي خلاص

طبعا الحياه اغلي من مصر بفرق محترم بس بحساب قوه العمله و الاقتصاد فالفرق بيتقلص حبه و اكتر تكلفه الوافد بتحملها هي الايجار و يليه المدارس غير كده كله يهون

اكبر مشكله ممكن تقابليها هنا هي للاسف الشديد التعامل مع المصريين
للاسف الاغلبيه وجه غير مشرف و تعامل سيئ و البعد عنهم غنيمه
بس ولاد الناس بيبانوا و بيدوروا علي بعض

ده كده اللي في بالي حاليا
و انا تحت امرك في اي استفسار و لو اي اضافه جت علي بالي هضيفها باذن الله

-

الموضوع: نسافر و لا نقعد في مصر!!!!!

LinkBack

أدوات الموضوع

عرض

-

-

-

-

-

-

المواضيع المتشابهه

الى احلى اعضاء تعالو نقعد مع بعض شوية ....(موضوع جديد)..

ايه فايده اننا كل كام شهر نقعد نغير الساعه توقيت صيفي و شتوي ؟؟

حد سافر الصين قبل كده ممكن يساعدني بخبرته؟ أو حد عاوز يسافر قريب نسافر مع بعض؟

الكلمات الدلالية لهذا الموضوع

المفضلات

المفضلات

ضوابط المشاركة