الموضوع: رساله من الغول الألمانى....*** أوبل إنسيجنيا ***

المشاركة الأصلية كتبت بواسطة abdo taha

اكيد more safety ، كده كده الموتور اللي في 2014 كان تكنوجلوجيا عالية جداً و لكن نسبة انضغاطه كانت عالية نسبياً

لأن ممكن يكون حصل مشكلة في بعض البلاد برضو زيينا او ان كان في حاجة محتاجة تحسين اصلا

من وجهة نظري احسن موتور تربو و مناسب لمصر الموتور بتاع الاسترا تربو ال 180 حصان

نسبة تنضغاطه قليلة 8.8:1 و ملاكها مشتكوش من البنزين زي اللي معاهم الاسترا العادية

بس ال 2015 ان شاء الله بنسبة كبيرة جدا مش هتسمع عنها مشاكل

للأسف فى صديق لنا من الاعضاء اول واحد اشترا ىسترا تربو وكانت اخر واحده فمصر بعد وقف استيرادها وجابت متور بعد ما وقفت عند منصور 3 شهور بيحاولو يحلو المشكله والراجل اشتكى فحماية المستهلك وجي ام والعربيه مكملتش 10 آلاف كيلو ممكن ابعتلك رقمو على الخاص تسمع القصه كامله واللى مزعلنى ان اوا اللى اقنعتو يشترى العربيه دى بالأخص كانت اخر واحده ولونها احمر وهو كان عايز فضى وانا اقنعتو ومعلش كانت نيتى خير

المشاركة الأصلية كتبت بواسطة ali ashraf

استاذ احمد حقيقى انا بقيت محتار اكثر من الاول , مش كلنا عندنا خبرة و معلومات زي حضراتكم فى ميكانيكا المحركات و التربو و معامل الانضغاط الخ ياريت ببساطة و بدون دخول فى تفاصيل يعنى انا مثلا ( بالنسبة لسنى) مش محتاج عربية بمعدل تسارع عالى و اقصى سرعة لى لا تزيد عن 110ك/س , عاوز عربية مريحة فى السفر ( علشان عندى دسك فى ظهرى) و بنزين 92 (موصى به مش ممكن استعماله و الافضل 95) و صيانة قليلة و اعلى معدل امان و ثبات على الارض و لو على حساب الاوبشن الاخرى يمكن يكون افضل لو فيها مثبت سرعة و اموبليزر بالمناسبة العربية هتكون لفردين فقط .بالنسبة للبدج لحد 250 الف . تشور بأيه و ياريت كمان متنكوش تربو من اصله لو امكن .

مش عارف رأيي هيعجبك والا ﻷ بس طلبك يتلخص فى نيسان جوك او ماذدا 3 الجديده العربيتين 5 نجوم وسائل امان ودي اعلى حاجه او حاجه كروس اوفر زي السبورتج او i35 وكل دول بيحققو طلبك