اولا مصطلح غول ده اقل ما يصف الانسيجنيا لانها بقوتها وثباتها فعلا بتاكل الطريق وانا موافق صاحب الموضوع على حسن اختياره لهذا المصطلح
ثانياً التعديل اللي تم في 2014 مش تغيير بوجيهات وبس والا يبقي التوكيل بيضحك علي الناس لكن اللي تم هو تعديل سوفتوير وتغيير بوجيهات وعلشان كده مفيش حد من اللي عملوا التعديل اشتكي لا من رجة ولا كركرة وده يأكد ان التوكيل بيفكر في عملاؤه
ثالثاً 2015 نازلة بموتور مختلف تماما وبكود جديد ونشبة انضغاط مختلفة مع الحفاظ على نفس العزم والهورس باور وبرضه ده يأكد ان اوبل او GM مش بس توكيلها في مصر مهتمة بالعربية والمالك المصري والا كانت سابتهم زي فولكس ما عملت ومغيرتش الفتيس ال dsg
رابعا السكتة القلبية اللي جت لبعض العربيات (وبكرر بعض) نتيجة عيب بنزين يعني لو بنزين 92 مظبوط مكانش حصلت مشاكل من الاساس
خامسا انا من ملاك 2015 وعملت صيانة 5000 وبصراحة معاملة التوكيل كانت من احسن ما يكون ومش شايف فيها مشاكل لغاية دلوقتي مقارنة بباقي التوكيلات اللي بتعامل معاها علي مدار 20 سنة
المفضلات