الموضوع: مش فاهم ومحتاج توضيح لو سمحتو

المشاركة الأصلية كتبت بواسطة Amr Montasser

صباح الفل انا دايما لما ببص على المقياس الديجيتال ببقي جايب "P" و اظن ان العربية مش بتدور غير و الفتيس على "P" أساساً. انا كذا مرة ادور على "D" مترضاش و تتطلعلى رسالة انى اجيب الفتيس "P".

بالنسبة للتوكيل مجربتوش بس الأعضاء هنا بيقولوا عليه كلام كويس. و اعتقد لو العربية ناقصة زيت حضرتك لو رحتلهم بيزوده على حسابهم لو طلع ناقص ده اللى قريته هنا من كذا حد ايام مشاكل الزيت فى 2014.

انا العربية عامل بيها 1200 كم و مرة واحدة بس كان ناقص كورة على الديجيتال ممكن ساعتها الكمبيوتر كان مهيس او تقريباً عشان الديجيتال يبقى مظبوط لازم تتساب فترة واقفة مش شغالة ده اللى سمعته بس عشان مش متاكد ممكن حد من الناس القديمة واللى عندها خبرة يفيدنا فى القصة دى. و بردوا عندى واحد صحبى المقياس عنده نزل كورتين بعد 3000 كم و تانى يوم لاقاه كورة واحدة و كده كده حجزنا احنا الاتنين فى التوكيل الاسبوع الجى احنا التنين حنغير زيت الفابريقة و هو حيكشف على موضوع الزيت ده.

الكتالوج انجليزى و مفيش عربى

التكيف بيشتغل "Dual Zone" لواحده فى زرارين زى بعض عليهم سهمين فوق و لتحت باللونين الأحمر و الأزرق فى اقصى يمين و شمال زراير التكييف كل واحد بيظبط درجة حرارة النص بتاعه اليمين الهواية اليمين و الهواية اللى فى النص يمين و كمان الفى النص ورا لو موجودة عند حضرتك و نفس الكلام فى الشمال ده لو انا فهمت سؤال حضرتك مظبوط.

بالنسبة لاستلام العربية هى مسمعتش هنا ان فى شكاوي غير فى عربية استاذ احمد ذكى و يمكن عربية تانية بس و الناس القديمة منى ادرى بالموضوع ده و استفتى قلبك و توكل على الله تعالى.

و اسف على الإطالة

كلامك كله صح . لا عندك و ﻻ عند زميلك مشكله . كل الموضوع زى ما انا قلت زيت الفابريكه نازل ناقص من المصنع نص لتر و المفروض المقياس المانيوال يكون فوق ال h بشويه . الشويه دول بدايرتين على الديجيتال .
العربيه بتستلمها المانيوال واقف على ال h بالظبط يعنى بالنسبه للديجيتال انت فى اخر الدايرتين علشان كده اول ما تمشى شويه تقريبا الف كم بتلاقى دايره طارت و وراه التانيه بشويه صغيرين . ﻻنه البهوات فى المصنع بينزلوها نص كيلو نقص و هنا بتحصل اللخبطه عند الناس . بعد شويه لما تركن العربيه تلاقى دايره رجعت من الدايرتين لانه الزيت بيكون نزل من جميع اجزاء الموتور و لو استنيت اكتر هاتلاقى الاتنين رجعوا . كل ده حصل معايا و كتبته . ما فيش عندك مشكله و ﻻ عند صاحبك . كل الموضوع بيزودوا لك النص كيلو الناقص و على حسابهم .

اللخبطه بتيجى علشان وجود العداد الديجيتال و تطبيقه مع المانيوال و على فكره الديجيتال حساس جدا و بيهيسش و ده اللى اكتشفته برضه .

انا عن نفسي على الالف كيلوا رميت الزيت كله و ريحت دماغى و كله تمام و ﻻ بينزل و ﻻ بيطلع و سافرت مشاوير طويله من الساحل للغردقه . و ﻻ الهوا ديجيتال و مانيوال .

المشاركة الأصلية كتبت بواسطة govoni

استاذ meemoo2104 من فضلك سعر الفئه الاولي كام انا احترت في تفاوت كبير في الاسعار بين المواقع
ارجوا النصيحه

الأخ الفاضل سعر الفئة الأولي أوتوماتيك كان 155 ألف من أيام قليله وأصبح الأن 158500 بعد الزياده الأخيره علي كل فئات الرينو
أنا أستلمت الفئه e3s بمبلغ 177 ألف ولكنها أصبحت الأن 184 ألف جنيه

المشاركة الأصلية كتبت بواسطة mamer1983

لحد دلواتي مش عارف اجيب مفسات الزيت الديجيتال بدوس علي الزازير اللي في جنب دراع المساحه ومش بيجيب مقاس Oil level فعل من مجيب ويلريت الخطوات بالتفصيل ولو عملتها و موضختش بردو هل دسه تعير مشكله في سيستم العربيه ولا ايه ؟

هاتدخل الكارت فى ال slot و من ما تشغلش العربيه . هاتلاقى الكومبيوتر ادامك بيعمل تشيك على كل حاجه . اول ما يخلص التشيك مباشرة تدوس على زرار من اللى فى دراع المساحات . هايطلع لك المقاس الديجيتال لثوانى عباره عن 6 دواير .

المشاركة الأصلية كتبت بواسطة mamer1983

حاجه غريبه انا عملت كل اللي حضرنك قولت عليه ومجبليش خالص Oil level وهي العربيه لازم تكون علي انهي وضع P ولا ايه ولو مجيش المعلومات بتاعت الزيت اعمل ايه

احسن يكونوا لغوه علشان يريحوا دماغهم . هههههههه . اصلها العربيه الوحيده اللى كانت نازله بالموضوع ده و عملهم صداع .

اه طبعا ﻻزم تكون على ال p و انت كده او كده ما تقدرش تنزل و العربيه مش على ال p لانها بتدي لك انذار .