كيف توفر الوقود من خلال الهيدروجين drycell او wetcell

**rotanamasoud** · 20-04-2017 09:27 PM

انفرتر يعنى فقد طاقه للتحويل وانت عايز افضل حجم غاز باقل تيار
خلاصه الكلام افضل حجم غاز باقل تيار يعنى تجارب وابحاث ومصاريف حتى الوصول لافضل نتيجه

**mena_2** · 21-04-2017 03:42 AM

المشاركة الأصلية كتبت بواسطة rotanamasoud

انفرتر يعنى فقد طاقه للتحويل وانت عايز افضل حجم غاز باقل تيار
خلاصه الكلام افضل حجم غاز باقل تيار يعنى تجارب وابحاث ومصاريف حتى الوصول لافضل نتيجه

منا عشان كدة بسال عشان مقعدش اجيب من الاول مش مهم المصاريف بس لما اكون بكمل من اخر ما وصل الية الى جربو

**abdo body** · 07-07-2017 07:14 PM

من فضلك هل فى تعديل بيتعمل على حساس الاوكسجين او map sensor

**abdo body** · 10-07-2017 10:10 AM

من فضلك هل فى تعديل بالنسبه لحساس الاكسجين او اى حساس اخر او كمبيوتر السياره عند تركيب خلية الهيدروجين

**haaw** · 16-07-2017 02:00 PM

صنعت 12 قطعه 2مم استانلس 12×10سم منهم 3قطع اطراف التوصيل +الجوانات فهل ممكن شرح تجميعهم علشان مش فاهم مسمى النتورال والسالب والموجبولكم تحياتى

**haaw** · 19-07-2017 12:38 AM

هو محدش عايز يردعليا ليه لوسمحتم

**samirk** · 20-07-2017 08:29 AM

فكرة المشروع ممتازة

**Ma7.Shalkam** · 04-07-2018 01:04 PM

السلام عليكم و رحمة الله و بركاته على جميع اعضاء المنتدى الكرام ...

انا قريت كامل الموضوع من اول ما عيني وقعت عليه لمدة اربع ساعات متواصلة ... و فعلا الواحد ما يملكش الا كل الحب و التقدير لكل الاعضاء اللي شاركوا فيه و المجهود الضخم اللي بذل في الموضوع ناس زي استاذ ياسر ابراهيم و اخوانا اخونا احمد مسعود ... فعلا مجهود ضخم ضخم لم يتكرر في اي حتة عديت عليها سواء عربي او انجليزي ...

و اسمحولي اضيف بعض الاضافات البسيطة من واقع بحثي .. لعل تكون فيها افادة و لو بسيطة لكامل الموضوع ... و هحاول يكون في نقاط لسهولة وصول المعلومة للجميع عشان يستفيدوا زي ما انا استفادت ..

هل خلايا الهيدورجين بتوفر في الوقود ؟
نعم خلايا الهيدروجين هتوفر في الوقود .. و ده ﻷنه بتاخد جهد زائد من الموتور عن طريق الدينامو و بتوجه للتحليل الكهربي للماء .. و اللي بيروح على دائرة الاحتراق و يتحرق مع البنزين .

هل كمية التوفير ضخمة ؟
في ابسط الاحوال هتكون عشرة في المية ... اللي هي الناتج الخام من وقود الاوكسجين و الهيدروحين ...

لكن هناك جوانب اخري للتوفير ... زي
1-المحافظة على الماكينة و عمرها الافتراضي .. بازالة الشحوم و الكربون المحترق من اجزاء الماكينة الداخلية و خروجها مع العادم و كأن السيارة على ماكينة تنظيف ذاتي 24 ساعة .. و ده هيحافظ على الاجزاء الميكانيكية و الحساسات في نفس الوقت .
2- تقليل الحمل الحراري على الاجزاء الداخلية ... و ده ﻷنه بخار الماء المتكون ليه حرارة نوعية عالية و بالتالي مع خروج العادم اللي بيحمل 70 % من الحمل الحراري من الحرارة الزائدة المتكونة اثناء الاحتراق ... ممكن لرفع الكفاءة التبريدية للعادم ل 80% او اكتر .. و بالتالي الحمل الحراري على دائرة التبريد المتمثلة في بلوك الموتور و الرادياتير هتتعامل مع كميات حرارة اقل ... افضل من انه تتعامل مع حرق مركبات الهيدروكربون من بنزين او ديزل او غاز طبيعي . و ده شيء مهم جدا لينا كسكان مناطق حارة سواء في مصر او الوطن العربي اللي بنعاني فيها من السخونة الشديدة للماكينة و تآكل الجوانات و الاجزاء المطاطية البلاستيكية و السيلكونية بسبب الحرارة.

3- النقطين اللي فوق هيؤدوا الى مشاكل ميكانية و استهلاك ماكينة اقل و بالتالي الماكينة هتفضل بحالة الزيرو على طول و كانها طالعة من المصنع لسه ... و ده بيفسر ليه موقف مصنعي السيارات سلبي من الخلية الهيدروجينية ﻷنه ببساطة العربية مش هتبوظ و مش هيبيع .. و هو عايز يبيع حرق افضل للوقود بكل انواعه ﻷنه عندك ماكينة زيرو على طول الوقت بكفاءة عالية و اجزاء داخلية لن تتآكل او تتلف الا بعد عمر طويل ان شاء الله .

هل يمكن تسيير سيارة بالهيدروجين بنسبة 100% ؟

مستحيل مستحيل مسحيل ... و ده ﻷنه القانون الثاني للديناميكا الحرارية بيقول انه الطاقة لا تفني و لا تستحدث من عدم ... و جميع الفيديوهات اللي شوفتوها او هتشوفوها بتبقا نصب ... دا لكذا سبب ...
1- محرك السيارة محرك بتصميم من اواسط القرن ال 18 و شغالين بيه لحد دلوقت و بيعتمد على مبدأ " الاحتراق الداخلي " ... لو عايزين نمشي عربية على هيدروجين هيبقا تصميم العربية مختلف تماما و دي خطوة عملتها تويوتا بتصميم عربية تستخدم الهيدروجين لتشغيل مولد كهربي يضخ كهربا لمحرك كهربي امامي و خلفي زي تسلا كده ... بمعنى اصح هيكون خلية وقود الهيدروحين بدل للبطاريات في عربية تسلا مش اكتر ... و بدل ما تشحن العربية .. تحط هيدروجين من اي بنزينة ..
2- في حالة الخلايا الهيدورجينة التوفير بتم عن طريق تنظيف الماكينة من الشوائب - تحسين الاحتراق ... كفاءة موتور الاحتراق الداخلي اللي لا تزيد عن 35% في احسن الاحوال لن تتغير" يعني " يعني موتور الاحتراق الداخلي بيدي 35% طاقة حركية و كهربية و 70% طاقة حرارية مهدرة !!!" .. حتى مع استبدال الوقود بنوع وقود تاني سواء هيدروكربون او غيره .

طب ايه هوا التطبيق الامثل لخلايا الهيروجين ؟
في وجهة نظري المتواضعة التطبيق الامثل لابد من
1-اعادة تصميم محرك الاحتراق الداخلي الموجود في كل عربياتنا من اول و جديد ... من اول دوائر العادم و التبريد مرورا بالدينامو و الدائرة الكهربية للعربية انتهاءا باالحساسات و الكونترول ...
2- حرق الوقود بتهجين الوقود الهيدروكربوني مع الهيدروجين في خلية وقود كهربي و ليس محرك احتراق داخلي اللي عفا عليها الزمن .
3- في حالة عدم القدرة للوصول للتغييرين دول .. الاكتفاؤ بالهيدورجين و الاكسجين الناتيجين من الخلايا كمبرد للسيارة و مطيل عمر ﻷجزائها و محسن للاحتراق الداخلي ...

صورة اوسع لاستخدام الهيدروجين ...
اذا كان زي ما قولنا مافيش حاجة اسمها طاقة من عدم او وهم overunity engines ... هناك صورة مشرقة ممكن نطبقها و نتبانها ...
هوا انه خلايا الهيدوجين حلت مشكلة تحويل الكهرباء لوقود ...
بمعني انه كافة تطبيقات الكهرباء كانت محصورة في استخدامات الملفات الحرارية و المحركات الكهربية و الدوائر الالكترونية ...
وجود اختراع زي الخلايا الكهربية يفتحلنا مجال اننا نستخدم المية كوقود .... بمعنى استخدام زي استخدام كبديل للبوتاجاز و ماكينات اللحام ...
حاجة كانت هتغطيها الكهرباء بصورة معقدة مش متوفرة لكل الناس ...
يعني موجود اه بوتاجاز كهربي بيشتغل على ملف حراري لكن كفائته ضعيفة جدا مع استهلاك كهربا عالي بيضيع في مقاومة الملف و اشعاع الملف حراريا في الهواء ..
و اه ممكن نلحم لاكهرباء عن طريق plasma arc بس مين معاه فلوس انه يحط مبلغ يتعدى مئات الالاف في ماكينة صيانتها مكلفة جدا و تحتاج لكهرباء مصانع ذات جهد عالي ...

هل تعلم انه اكبر مصدر للطاقة هوا طاقة الشمس ... هل تعلم حسب اخر احصائية انه انتاج الطاقة الشمسية في مصر لا يتعدى1% .. هل تعلم انه بوقود الهيدروجين .. بامكان المحافظة على المصانع اللي بتحتاج وقود احفوري و مدها بالهيدروجين اللي بيعتمد في تكوينه على الطاقة الكهربائية المولدة من الطاقة الشمسية اللي معندناش اكتر منها .. هل تعلم انه اختراع زي كده هيحطم سوق الطاقة على مستوى العالم ؟

اخيرا اتمنى انه لو ضفت و لو اضافة بسيطة للموضوع و كامل الشكر لكل الاعضاء و السلام عليكم و رحمة الله و بركاته :)

**Ibraheem131** · 06-08-2018 10:51 PM

السلام عليكم ورحمة الله.
اخواني عندي عدة تجارب في انتاج الهيدروجين من الخلية السائلة والجافةوقد عملت خلية جافة مقاس ٢٥*٢٥ سم.من السنستيل ٣٠٤.گمااستخدمت هيدروكسيد البوتاسيوم بنسبة ٨غرام لكل لتر ماءمقطر.والخلية انتجت الهيدروجين وقد اختبرته فهو سريع الاشتعال مع فرقعة قوية جدا.الى انه لم يؤثر في تخفيض استهلاك البنزين عندما استخدمته في السيارة.علما بان سيارتي سلفارادو شفرليت موديل ٢٠٠٧.ماهو سبب عدم استجابة السيارة للهيدروجين