كيف توفر الوقود من خلال الهيدروجين drycell او wetcell

**nodey** · 13-12-2016 11:46 PM

المشاركة الأصلية كتبت بواسطة ياسر ابراهيم

شوف يا اخي انا هوضح ليك و للاخوة المتابعين.... كل الخلايا اللي عملتها بنفسي منها اللي معطنيش النتايج اللي عايزها و منها اللي نجح وفي منهم خلية بالنسبة لكل الخلايا اللي شوفتها عاليوتيوب و اللي عملتها بنفسي الي حدما كويسة لانها مابتسحبش امبير ولا تسخن و بتدي حوالي 1.5 لتر في الدقيقة و مكنونه من 21 شريحة 15×15 ولذلك ركبتها عالعربيةو نظرا لان عربيتي ديزل و مشاويري الاسبوعية معروفة و حاسب العربية بتاكل كام لتر ديزل بالظبط لان سعر اللتر هنا غالي 1.20 يورو ....قبل الخلية كانت تاكل في المدينة 9 لتر في 100كيلو و الطريق الدولي 5.5 ..بعد تركيب الخلية اول شئ لاحظته دخان العام تقريبا مفيش صوت المتور انعم و الشدة زادت فقررت افوول 50 لتر و صفرت العداد عشان اتابع النتايج والنتيجة ال50 لتر عملو 1000 كيلو داخل و خارج المدينة...بالنسبالي في تحسن ملحوظ ...
و فعلا الناس هنا بيعملوها بنفسهم لاغراض كتير ومش مكلفة ولا اختراع ولا حاجة كل ما فيها روحت لورشة استناليس و طلب المقاس و عدد الشرايح و اشتريتهم جاهزين و متر gasket وابتديت اخرم و اقطع الكاوتشوك و شوية اكسسورات وعملتها و هكذا.....
وحاليا بعمل وحدة اكبر ان شاء الله هتكون اكبر وهجربها علي عربية بنزين تحت التجارب للاستفادة باكبر قدر ممكن

ما شاء الله عليك
متابع اعرف نتيجه تركيبها عي سيارة بنزين مشكورا وياريت تدعمنا بفيدو

**maka** · 19-12-2016 08:40 AM

.up

**Colin Chapman** · 20-12-2016 04:06 AM

المشاركة الأصلية كتبت بواسطة maka

.up

ياسر ابراهيم للتواصل حتي على الاقل لتبادل المعلومات للمهتم بخلايا الهيدروجين و حاليا هو بيجرب في خلية 61 شريحة علي 35 فولت / 200امبير
موبايل فايبر 0037060686495

**Colin Chapman** · 20-12-2016 10:37 PM

اسلام الحلواني

**اسلام الحلواني** · 23-12-2016 01:42 PM

المشاركة الأصلية كتبت بواسطة Colin Chapman

اسلام الحلواني

**rotanamasoud** · 23-12-2016 07:58 PM

استاذ اسلام الحلوانى حرد عليك على العام لتعم الفائده
(انا اتكلمت مع واحد من تامنصوره بيعمل خلايا 10 * 10 وعدد شرائح 11 و بيقولي انها كده كفايه و انا مش مقتنع بكلامه
انا شايف ان لو كبرت الشريحه الي 15 15 و كبرت تانك االمياه عدد شرائح 21 شريحه عيمون عندي كميه غاز اكبر منتجه و بكده اوفر اكثر)
الموضوع نسبه وتناسب يعنى طلعت 10 لتر غاز ب10 امبير مثلا لوزودت الحجم او الشرائح وطلعت 20 لتر ب20 امبير
فانت استهلكت قدره متوازيه للانتاج
عشان تعمل بنفس الطاقه ليترات اكبر هو ده السر ومحتاج ابحاث وتجارب وتصميمات ثوريه
موضوع كفايه 11 وانت مش مقتنع بكلامه له تفصيلتين
الاولى انت ممكن بنفس عدد وحجم الخلايا تطلع ضعف او اضعاف الانتاج بزياده الهيدروكسيد بس حيترتب امرين الامبير حيزيد والحراره فحتحتاج تبريد للخليه وبكده تعمل خليه صغيره وانتاجها كبير شرط التبريد الجيد عشان عمرها وانتاجها
التفصيله التانيه عمليا وبالتجارب وحتختلف من موتور وعربيه لاخرى (دى تعرفها عملى على عربيتك)
يعنى ممكن عربيه ب10 لتر غاز توفر مثلا 25% وبعشرين لتر غاز توفر 25% لانها تشبعت واكتر من كده محتاجه تعديلات فنيه تخفض الوقود مقابل الغاز
اخر معلومه خطيره خدتها من واحد صحبى شغال فى شركه الكهرباء ان عندهم مولد هيدروجينى فى الشركه بيستخدمو الهيدروجين لتبريد التوربينات وقالى انهم بيستخدمو ميه مقطره بدون اى اضافات ودى افضل طريقه تخلى الخلايا نظيفه جدا وتطول فى عمرها الافتراضى
ازاى نعمل خليه بالماء النقى او المقطر وتطلع انتاج جيد
من خبرتى فى عاملين مؤثرين فى انتاج الخليه لو ابتعدنا عن المحفذ (الهيدروكسيد)
عدد الشرائح الغير موصله باقطاب وسمك المطاط المستخدم
يعنى عمل خليه انتجها 4 لتر والشرائح الغير موصله 4 ممكن تخلى انتاجها 8 لو قللت الشرائح ل2 بس بنفس العدد (حتزود الشرائح ال+ وال-)

**tasaka** · 23-12-2016 08:43 PM

انا شوفت كذا فيديو .. بيتكلم على ان الافضل الخليه تكون مستطيله .. بمعنى الارنفاع يصبح اقل .. و ان ده افضل فى الكفاءه لنفس المساحه من الشكل المربع

و كمان بيعملوا فتحات علويه اضافيه حول فتحه خروج الهيدروجين

**Colin Chapman** · 27-12-2016 09:40 PM

المشاركة الأصلية كتبت بواسطة tasaka

انا شوفت كذا فيديو .. بيتكلم على ان الافضل الخليه تكون مستطيله .. بمعنى الارنفاع يصبح اقل .. و ان ده افضل فى الكفاءه لنفس المساحه من الشكل المربع

و كمان بيعملوا فتحات علويه اضافيه حول فتحه خروج الهيدروجين