الموضوع: مشورة ف موضوع زواج

انا مش عارف اروح منطقته اساسا معرفش طريقها ازاى
وكمان منعرفش نسئل ازاي
للاسف احنا ملناش تجارب ف حوار الزواج قبل كده :/

انا اتكلمت مع والدي النهاردة بخصوص ذلك الموضوع
وقولتله انا شايفه مؤدب وشكله طيب
فرد وقالي : يعنى هو من اول مقابلة بينكم وبينه هيبان عليه انه قليل الادب اكيد هيبين نفسه انه كويس
ده كان رد والدي عليا
واختى اديها بتصلي استخارة واكيد العريس هو كمان بيصلي استخارة
ربنا ييسر الامور ان شاء الله

لو فيه فارق اجتماعي كبير بلاش على طول
ماتنساش ان اخواته هايبقوا اخوال لاولاد اختك
ومش هاتعرف تتصاحب عليهم لو اقل منكم اجتماعيا وهاتبقى مستعر منهم وهاتحصل مشاكل

و الله انا من راي السيد الوالد, و الموضوع ليس كبر والعياذ بالله ,,, التجارب بتقول وقبلهم الدين ان لازم يكون في كفاءه بين الزوجين ,, و طالما حضرتك شعرت ان هناك فرق و في حاجه نشاذ في الامر و مش مستريح , يبقي لازم تمشي وراها و تشوف هي ايه ...انت بتقول ان السكن في منطقه لا تتفق معكم , وده شيء مهم , ان المكان اللي هتعيش فيه هيطبع عليك بالتالي لازم اسكن في مكان الاقي ناس زي دماغي و مستوي سلوكي متقارب و اولادك يلاقوا اولاد زيهم برضه و ده هينعكس علي حالتك النفسيه ودرجه حبك للمكان وانتمائك له والا هتعيش منعزل و سينظر اليك نظره المتعالي وهتتحول بعد فتره لعدو مش حبيب ,,, يا اما تكتسب سلوكيات الوسط اللي انت عايش فيه وتتخلي عن ثقافتك وسلوكياتك عشان تجاري الجو وتعرف تعيش وفي الحاله دي هتكره نفسك مع الوقت وهتبقي ممثل ,,, ده بالنسبه للسكن .. نيجي للشخصيه ,, لو فرضنا ان ممكن الشخصيه عايشه في مكان قد يكون متواضع و قد لا يتناسب هذا المكان مع مستواه الفكري والثقافي يعني مثلا ممكن تلاقي وكيل وزاره او قاضي عايش في منطقه متواضعه او عايش في قريه صغيره ومع ان النماذج دي نادره لأن ببساطه ممكن يكون راجل شريف و لم يعر للمستوي المادي اهتمام كاف واكتفي براتبه و حياته علي هذا الوضع ووضع جهده في عمله وتربيه اولاده .... في الحاله دي هتلاقي ولاده طالعين له ,,, يبقي لازم في الحاله دي تصنف الراجل المتقدم لكم لأنه ممكن يكون من نفس النوع السابق ,,,, وممكن يكون والده ظابط بحري ولما جه يتجوز من اسكندريه وقتها المنطقه اللي هي منها زوجته لم تكن عشوائيه في هذا الزمن ومع تطور الزمن تحولت لمنطقه عشوائيه واغلب الناس من النوع ده بيكونوا اجتماعيين و بيفضلوا الاندماج مع الناس و ما بيهتموش بالأمان المادي ... يبقي ده احتمال نمشي وراه عشان ما نظلمش ... بس برضه هنرجع لنقطه السكن زي ما قلنا قبل كده , بس ممكن لو هو شاري بنتكم ممكن التفاوض معه بخصوص تغيير السكن ,, اما اذا لو كانت هذه المنطقه مشهور عنها الفساد مثلا ,زي المخدرات مثلا او غير ذلك ,,,, فطبعا الرفض القاطع دون تراجع ,,,, يبقي عشان تحكم صح لازم تقعد مع الراجل وتعرف دماغه وبيفكر ازاي و تحاولوا تزوروا المكان اللي فيه شقته و تشوفوا اهله و تقعدوا معاهم و مفيش مانع انك تروح تزور اهل والده في كفر الزيات عشان الصوره تبقي كامله ,,,بالتوفيق .