فى حالة وانت تسير بالسيارة ووجدت فجأة لمبه الدينامو نورت

يبقى بنسبة كبيرة جدا ان السير تبع الدينموا اتقطع او وقع من مكانة
لو انت قريب من ميكانيكى والمشوار بتاعة حوالى خمس الى عشر دقائق وحرارة السيارة لا ترتفع - توجهه الى الميكانيكى فورا لتصليح السير

بينما الخطورة انك ممكن تكون فى طريق صحراوى مسافر او فى منطقة نائية

- ولو مشيت بالسيارة قليلا الطلمبة تبع المياه لا تحرك المياة فالموتور هيسخن وهيجيب وش سلندر
- اذا كانت الطلبمة لها سير مخصص لها فان المشوار الطويل سيقضى على البطارية خاصة ان كانت جافة ولو كان طريق سفر ممكن البطارية تتحمص

الحل انك تقف بالسيارة وتركب سير جديد

طب ازاى؟

1- لازم يكون معاك سير احتياطى فى السيارة حتى لو كان قديم تم تغيرة بجديد فلا ترمية وضعه فى كيس فى شنطة السيارة فهو بمثابة وسيلة انقاذ ستعرف قيمتها يوما من الايام ولازم يكون معاك مفتاح 13 ومفك طويل

2- تركب السير الاحتياطى وتركيبة سهل (لازم تشوف ميكانيكى وهو بيركبة عشان تتعلم تنقذ نفسك)

الخطوات:
1- تقوم باطفاء محرك السيارة وتتاكد انك راكن فى منطقة امان
2- تقوم بكسر العجل كلة شمال (من جهه الواقف امام السيارة) وتقوم بفك مسمار شداد الدينامو
3-تجيب السير وتتنيه وتنزله على الطمبورة الاولى السفلية الخاصة بالموتور وبيلف حول طامبورة طلمبة المياه (فى بعض الانواع طلمية المياه لها سير خاص ) ثم اخيرة تلفة حول طمبورة الدينمو
4- فى حالة صعوبة لفة على الطمبورة السفلية تنزل بجوار العجلة الشمال وتركبة من اسفل - عشان كده قلتلك لف العجل شمال.
5- تشد الدينامو وتعيد ربط الشداد مرة اخرة بصورة جيدة - باستخدام مفك كبير يوضع بين جسم اسطوانة الدينامو والموتور ويتم الضغط على الدينمو قليلا . (برضة لازم تشوف ميكانيكى بيركبة عشان تتعلم اكتر)
6- فى حالة انك مش متاكد من الشد للسير اذهب لاقرب ورشة يشدلك الشداد كويس


الموضوع ده مهم جدا ولا تستهتروا بيه وتعلمة مثلما تتعلم طريقة تغيير الكاوتش الاستبن


شوف الصورتين دول يوضحوا لك شوية
13_11218820776.jpg

maxresdefault.jpg