كيف تضمن ثبات 12 فولت للمبات برغم ان الدينمو يزيد الفولت عند ضغط البنزين

**sayedafandy** · 22-06-2015 02:05 AM

علي ما اعتقد السليكونات لتوحيد خرج تيار الدينامو وجعله تيار مستمر فقط ولا علاقه له بثبات الفولت

**Mecha** · 01-07-2015 01:52 PM

المشاركة الأصلية كتبت بواسطة Abo_Mazen

تصدق فعلا سؤال مهم ..إيه اللي بيخلي الفولت ثابت بتاع الكهرباء وميخليهوش يزيد مع زيادة سرعة الدينامو ...المفروض فعلا لما العربية تمشي على سرعة 180 مثلا ..كل اللمض اللي في العربية تتحرق عشان الكهربا الزايده ..بس إستنى ...الكتاوت بيقوم بالدور ده ..كتاوت الدينامو هو اللي بيعمل الموضوع ده ...لإن لو عندك مشكلة في كتاوت الدينامو هتلاقي النور بيضعف مع السلانسيه ويزيد مع السرعه ..هو الكتاوت ياريس اللي بيعمل الموضوع ده ...لإن الكتاوت محول رفع ..بياخد كهرباء الدينامو القليلة ويقوم رافعها وفي حالة زيادة كهربا الدينامو عن حد معين يقوم الكتاوت يثبت الفولت عند حد معين ..يبقى هو الكتاوت

باشا مفيش محول رفع او خفض ,المسمي خطأ بكتاوت الدينامو هو voltage regulator او مثبت الجهد .مجموعة ترانزستورات بتخلي جهد الدينامو ثابت في حدود مدي معين .في اغلب السيارات 12-15 volt ,واحيانا بيلحق ديودات التوحيد.

**Mecha** · 01-07-2015 01:56 PM

المشاركة الأصلية كتبت بواسطة abo_mazen

..حضرتك ممكن تشيل البطارية والعربية شغاله عادي جدا ..جرب كده شغل العربية وإفصل البطارية مش هتلاقي أي مشكلة ..

باشا القصة دي اتهرست في موضوع سابق ,وتاني اللي مصدق ان دور البطارية بينتهي بعد الدوارة في الاتومبيلات الالكتروني ,ياريت يشيلها فعلا والبكا يبا علي راس الميت.

**Abo_Mazen** · 01-07-2015 02:00 PM

المشاركة الأصلية كتبت بواسطة mecha

باشا القصة دي اتهرست في موضوع سابق ,وتاني اللي مصدق ان دور البطارية بينتهي بعد الدوارة في الاتومبيلات الالكتروني ,ياريت يشيلها فعلا والبكا يبا علي راس الميت.

طيب ما أنا عندي شلت البطارية والعربية شغاله محصلش حاجه !!!!

**Mecha** · 01-07-2015 04:12 PM

المشاركة الأصلية كتبت بواسطة abo_mazen

طيب ما أنا عندي شلت البطارية والعربية شغاله محصلش حاجه !!!!

قصدك لما الكهربائي اسمو ايه كام بيجرب حاجه , لا شيلها خالص وامشي ودوس

**besso** · 03-07-2015 03:31 PM

اللى بينظم جهد الدينامو هو منظم الجهد وده بيبقى راكب جوه الدينامو
بيحافظ على تيار الدينامو فى حدود 12 ل14.5 و15 فى بعض العربيات وكمان بيحافظ على ان لو الدينامو شحنه قل لاى سبب جهد البطاريه مايروحش للدينامو زى فى حاله لو انت مبطل العربيه

وفعلا البطاريه دورها بينتهى بعد تدوير المحرك لكن فى العربيات الحديثه لو شيلتها العربيه فى الغالب بتبطل لان الكنترول اقلا بيراقب جهد البطاريه ويعرف هى مشحونه ولا لا وطبعا مجرد ماتشيل البطاريه العربيه تبطل
لانه بيبقى فيه طرف اسمه g بيبقى راكب فى القطاش السالب بيتحكم فى جهد الدينامو وطرف fr بيقيس جهد الدينامو وطبعا اللى بيوصله المعلومه هو pcm كنترول الموتور

+ اصلا جهد الحث اللى رايح للدينامو عشان يولد مجال مغناطيس لملفات العضو الثابت بيجى من البطاريه فى بدايه الدوران لكن بعد كده الجهد ده بيخرج من الدينامو بس مع زياده سرعه المحرك بيحتاج ان جهد الحث ده يزيد عشان يولد جهد اعلى فبياخد من البطاريه تانى لحد لما جهد الدينامو يعلى عشا كده لو شيلت البطاريه وفرضا ان العربيه فضلت دايره مع تزويد البنزين هتلاقى ان اى لمبه ولو صغيره ضوئها بيزيد ويقل مع rpm والكلام ده تشوفه فى الموتوسيكلات بتاعه زمان اللى مكانش فيها بطاريه

**ahmed_eng2001** · 03-07-2015 11:03 PM

المشاركة الأصلية كتبت بواسطة besso

اللى بينظم جهد الدينامو هو منظم الجهد وده بيبقى راكب جوه الدينامو
بيحافظ على تيار الدينامو فى حدود 12 ل14.5 و15 فى بعض العربيات وكمان بيحافظ على ان لو الدينامو شحنه قل لاى سبب جهد البطاريه مايروحش للدينامو زى فى حاله لو انت مبطل العربيه

وفعلا البطاريه دورها بينتهى بعد تدوير المحرك لكن فى العربيات الحديثه لو شيلتها العربيه فى الغالب بتبطل لان الكنترول اقلا بيراقب جهد البطاريه ويعرف هى مشحونه ولا لا وطبعا مجرد ماتشيل البطاريه العربيه تبطل
لانه بيبقى فيه طرف اسمه g بيبقى راكب فى القطاش السالب بيتحكم فى جهد الدينامو وطرف fr بيقيس جهد الدينامو وطبعا اللى بيوصله المعلومه هو pcm كنترول الموتور

+ اصلا جهد الحث اللى رايح للدينامو عشان يولد مجال مغناطيس لملفات العضو الثابت بيجى من البطاريه فى بدايه الدوران لكن بعد كده الجهد ده بيخرج من الدينامو بس مع زياده سرعه المحرك بيحتاج ان جهد الحث ده يزيد عشان يولد جهد اعلى فبياخد من البطاريه تانى لحد لما جهد الدينامو يعلى عشا كده لو شيلت البطاريه وفرضا ان العربيه فضلت دايره مع تزويد البنزين هتلاقى ان اى لمبه ولو صغيره ضوئها بيزيد ويقل مع rpm والكلام ده تشوفه فى الموتوسيكلات بتاعه زمان اللى مكانش فيها بطاريه

معلومات جديدة و جميلة و مفيدة جدا

**Mecha** · 04-07-2015 04:16 PM

المشاركة الأصلية كتبت بواسطة besso

pm والكلام ده تشوفه فى الموتوسيكلات بتاعه زمان اللى مكانش فيها بطاريه

موتوسيكلات زمان شغاله بمجنيتو مختلف خالص عن الدينمو الحالي اللي 3 فاز.

**besso** · 04-07-2015 06:16 PM

كانت نفس الفكره بردو كل الاحمال شغاله على الدينامو
لما كنت تزود بنزين تلاقى النور بيشد
حتى مكنش حد بيعرف يركب حاجات اضافيه فيه زى كلاكس كبير مثلا

**amagroup** · 05-07-2015 11:01 AM

لاحظوا ان اثناء شحن البطارية ولما تقيس أي طرف موجب مع سالب هتلاقي الفولت ازيد من 12 فولت
وعشان كده انا بتوقع ان لو قست علي طرفي أي دوايه لمبه بين الموجب والسالب هتلاقي الفولت ازيد برده لانها في الأول وفي الاخر دائرة كهربيه واحده

إلا لو في حاجه بتاخد من البطاريه بعد كده وتعمل voltage regulator او تثبيت جهد لدخل البطاريه علي المكونات الكهربيه عشان تفضل علي طول 12 فولت ومتعرضش اللمبات للحرق

ومثال علي كده مره حصل معايا ان كتاوت الدينامو باظ وفضل يشحن البطاريه علي طول فطبعا البطاريه ضربت واعتقد لو كنت بالليل سعتها كان اللمبات اتحرقت لان الفولت فضل مثلا علي 15فولت عشان استمرار الشحن

ولا انا كلامي غلط!!!

الموضوع: كيف تضمن ثبات 12 فولت للمبات برغم ان الدينمو يزيد الفولت عند ضغط البنزين

LinkBack

أدوات الموضوع

عرض

-

-

-

-

-

-

-

-

المواضيع المتشابهه

دائرة تحويل كهرباء 12 فولت من خلال بطاريةالسيارة الى 220 فولت 600وات

عداد البنزين بعد ما فولت

البديل للمبات التونجسرام

فىن تتباع الأجهزة لتحويل 12 فولت إلى 220 فولت ؟

شـيفروليه فولت >> سيارة لا تذهب لمحطة البنزين‏

الكلمات الدلالية لهذا الموضوع

المفضلات

المفضلات

ضوابط المشاركة