الموضوع: فكرة لمشروع

بعد ما تعمل الاكياس بيكون عنزك اتفاق مع تجار جملة او لو الكميات بتاعتك صغيرة هتجيب 2 او 3 تريسيكل و مناديب توزع علي المحلات بنسبة او بمرتب علي حسب اتفاقك معاهم .. و بيكون التحصيل علي اسبوع .. في اغلب البلاد ..

الطن بيكلفك خامات في حدود 10000 و 500 عمالة و تصنيع و سعر البيع كاش 12000 و اجل 13000… تقريبا بس خلي بالك ان كل نوع ليه سعر و كل تخانة بسعر و الخامات تختلف من خامات بيور او خامات متعاد تصنيعها ..
كل حاجة و ليها تمنها ..
ماكينة البكر بتعمل متوسط 300 كيلو في اليوم و دي سعرها في حدود 80 الف الصيني و الايطالي الاستعمال برضه في الحدود دي و برضه ازمكن مختلف علي حسب التكنولوجيا و سنة التصنيع و الحالة .
انت ممكن تجيب مكن قديم و تجدده عندك لو عايز توفر او تجيب جديد لو عايز تريح دماغ.…

د/ احمد فينك وفين رواياتك
رأيي الشخصى شايف افضل مجال فى اللى انت قولتهم موضوع انك تشتري عربيه نقل وتشتغل فى مجال الفاكهه ليه بقى لان المشروع ده راس مالك يعتبر محفوظ فى العربيه لانك لو حبيت تبيعها حتجيبلك فلوس وفى نفس الوقت لو حبيت تشغلها كنقل مش حتقول لا فكأنك عملت مشروعين فى مشروع واحد بس حيبقى مشكلتك فى انك تلاقى سواق امين يشتغل معاك .

تانى افضل مجال ليك اظن الكار كير لان غالبا حيبقى فى مكان قريب من صيدليتك وحتكون عينك عليه وده عامل مهم فى اختيار المشروع ولكن المجال انت بتحبه واكيد علاقاتك فى منطقتك حتخليك تعمل زبون فى وقت اسرع .

بالتوفيق وربنا يكرمك بالاختيار الاصلح
تحياتى وفى انتظار تكمل الروايه الاخيره .

المشاركة الأصلية كتبت بواسطة mazagangee

بعد ما تعمل الاكياس بيكون عنزك اتفاق مع تجار جملة او لو الكميات بتاعتك صغيرة هتجيب 2 او 3 تريسيكل و مناديب توزع علي المحلات بنسبة او بمرتب علي حسب اتفاقك معاهم .. و بيكون التحصيل علي اسبوع .. في اغلب البلاد ..

الطن بيكلفك خامات في حدود 10000 و 500 عمالة و تصنيع و سعر البيع كاش 12000 و اجل 13000… تقريبا بس خلي بالك ان كل نوع ليه سعر و كل تخانة بسعر و الخامات تختلف من خامات بيور او خامات متعاد تصنيعها ..
كل حاجة و ليها تمنها ..
ماكينة البكر بتعمل متوسط 300 كيلو في اليوم و دي سعرها في حدود 80 الف الصيني و الايطالي الاستعمال برضه في الحدود دي و برضه ازمكن مختلف علي حسب التكنولوجيا و سنة التصنيع و الحالة .
انت ممكن تجيب مكن قديم و تجدده عندك لو عايز توفر او تجيب جديد لو عايز تريح دماغ.…

أظن يا هندسة حضرتك اتكلمت عن 3 ماكينات .. مقص وماكينة طباعة وماكينة تصنيع
80 ألف دا سعر ايه فيهم؟ والكلام كان في البداية عن مقص فقط.. ياريت توضيح علشان تهت :)
ممكن فكرة عن سعر ماكينة الطباعة على الاكياس؟ لونين

المشاركة الأصلية كتبت بواسطة أبو_يوسف

أظن يا هندسة حضرتك اتكلمت عن 3 ماكينات .. مقص وماكينة طباعة وماكينة تصنيع
80 ألف دا سعر ايه فيهم؟ والكلام كان في البداية عن مقص فقط.. ياريت توضيح علشان تهت :)
ممكن فكرة عن سعر ماكينة الطباعة على الاكياس؟ لونين

لا ده تمن واحدة منهم بس… انا كلامي عن ان المشروع كله علي بعضه دي المراحل بتاعته و لو تقدر تعملهم يبقي كويس و فيه ناس بتعمل مرحلة واحدة بس يعني بيشتروا ماكينة واحدة منهم و بيشتروا المتتج من المرحلة اللي قبلها و يقطع او يطبع و يبيع المتتج بهامش ربح اقل من لو عمل المشروع كله… لان كل مرحلة ليها تكاليف و ارباح ..
اسعار المكن مختلفة جدا علس حسب النوع و الصناعه و الحالة و كمية الانتاج… و جديد ولا استعمال .. مقدرش اديك رد محدد عشان كده .. لكن لو ناوي بندرس مع بعض ايه المتاح و السوق و المغدات الانسب لظروف المشروع ..

المشاركة الأصلية كتبت بواسطة بحار

بالنسبه لحضرتك يادكتور هاقوللك نصيحه من راجل فى السوق وقلتها لناس كتير
السوق دلوقت حالته مش بتاعة دخول فى مشروع جديد .. ياريت تستنى كام شهر لحد الوضع ده مايتغير ..
اما الاستاذ mazagangee
بقوله ياريت تشرح للناس بنفس الحماس ده : تشرح احوال السوق معاك ايه ومبيعاتك السنه
اللى فاتت كانت بنسبه كاهم فى الميه من المطلوب تحقيقة
والسنه دى كام بنفس الحسهبه
مع الوضع فى الاعتبار انك دخلت السوق ( بدأت مشروعك ) وهوه تعبان اصلا ..

فعلا السوق بشكل عام و الصناعه بشكل خاص زي الزفت لكن فيه منتجات الطلب عليها مش بيتأثر زي الفول و الطعمية مثلا لو خدنا الاكل كموال بعكس اللحوم الطلب عليها قل بشكل ملحوظ ..
برضه لو هناخد الصناعه كمثال هتلاقي صناعة مواد التجنيل مثلا الطلب قل عليها عن السنين اللي فاتت و اللي بيشتري بيدور علي البديل الارخص… و الاكياس البلاستيك الطلب عليها مش هيقل لانها منتج مكمل لمشترياتك او عشان تحط فيه الزبالة لكن ممكن تستغني غن مفرش السفرة .. و التعديل اللي حصل في الاكياس ان المصانع بقت بتستخدم الخامات المعاد تصنيعها بنسب اكبر من الاول عشان تقلل التكلفة علي حساب الجودة و بيفللوا السمك عشان عدد الاكياس في الكيلو يكون اكتر…

لكن دي صناعه مفيش ليها احصائيات لانها صناعات محدش بيعملها رخص ولا بتكون في مناطق صناعية