الموضوع: موجة جديدة من الغلاء

المشاركة الأصلية كتبت بواسطة eslamrace

بعيدا عن الموضوع وبخصوص ازمه اليونان غالبا حتعمل تغيير فى السياسات الاقتصاديه فى كتير من الدول الغربيه وبالتالى مؤكد حتأثر على الاقتصاد العالمى لان الجميع مديون وفى حاله عدم اتخاذ اجراء رادع "ضد الحقوق الدوليه والانسانيه" اذا اعلنت اليونان امتناعها عن السداد حتخللى كتير من الدول تعمل نفس الاجراءات ولذلك الوضع صعب لانهم لا قادرين يسيبوهم ولا قادرين يتعاملوا معاهم كدوله عربيه "مسموح اى حاجه فيها " فالوضع هناك حيغير حاجات كتير فى الاقتصاديات الدوليه .

طبعا كل ما سبق هو رأي الشخصى واكيد يحتمل الخطأ قبل الصواب وعليه فاى جزء قد اكون اخطأت فيه هو قابل للتصحيح منكم .
تحياتى .

يا باشا اولا الحقوق الدوليه و الانسانيه اللى بتتكلم عليها دى اساسا المفروض تكون على اللى اخترعوا النظام المالى العقيم اللى الدنيا ماشيه عليه دلوقتى لانه يقوم على استعباد البشر

بالنسبه لليونان فهيا عماله تستلف بقالها سنين اشمعنى تسيبراس قرر يفوق الناس دلوقتى بالذات ؟
الوضع فى اليونان دلوقتى ان تسيبراس وقف قال للناس ان الوقت جه لنتخلص من عبودية الاتحاد الاوروبى و هو طبعا يقصد المانيا على وجه الخصوص
راح البنك المركزى الاوروبى ECB قالك طيب وقفلى بقا السيوله النقديه فى بنوك اليونان بس الموضوع ده عمل عليهم باك فاير , لانه خلى الناس بتغلى و كرهوهم اكتر و صوتو ب (لا ) للاستدانه مره اخرى
و صرح تسيبراس بان الديون اللى عليه للاتحاد الاوروبى غير شرعيه و انه اليونان مش هتدفعها
دلوقتى زى ما اليونان متضرره فالمانيا متضرره من نواحى كتير , حضرتك لو اخدت قرض من البنك بيخليك تسده بالفوايد , القروض بقا بفوايدها ضاعت على البنك المركزى الاوروبى اللى هو دلوقتى بيراهن فى ظل وقف العمل فى البنوك اليونانيه بحاجه من اتنين , اما تحدث حرب اهليه فى اليونان و اما يحدث انقلاب على تسيبراس
لكن على صعيد اخر ماذا لو حدث انقاذ لليونان من روسيا و الصين على سبيل المثال
ايطاليا و اسبانيا المتخمين بالديون للاتحاد الاوروبى هما كمان هيقولوا يا فكيك اهرب يا معلم و قل على الاتحاد الاوروبى السلام

هل اللى بيحصل فى اليونان ده له علاقه باعلان ال IMF - international monetary funds
عن عزمه اصدار عمله جديده تتكون من سله من العملات ينضم اليها اليوان الصينى و الذهب
فى رأيي المتواضع بالتأكيد.

احب اسجل اعجابى بمستوى الحوار. و انا كواحد لا يفقه شيء مطلقا فالاقتصاد . شايف انكم بتقولوا كلام جامد جدي

متابع حتى النخاع

المشاركة الأصلية كتبت بواسطة banzai

يا باشا اولا الحقوق الدوليه و الانسانيه اللى بتتكلم عليها دى اساسا المفروض تكون على اللى اخترعوا النظام المالى العقيم اللى الدنيا ماشيه عليه دلوقتى لانه يقوم على استعباد البشر

بالنسبه لليونان فهيا عماله تستلف بقالها سنين اشمعنى تسيبراس قرر يفوق الناس دلوقتى بالذات ؟
الوضع فى اليونان دلوقتى ان تسيبراس وقف قال للناس ان الوقت جه لنتخلص من عبودية الاتحاد الاوروبى و هو طبعا يقصد المانيا على وجه الخصوص
راح البنك المركزى الاوروبى ecb قالك طيب وقفلى بقا السيوله النقديه فى بنوك اليونان بس الموضوع ده عمل عليهم باك فاير , لانه خلى الناس بتغلى و كرهوهم اكتر و صوتو ب (لا ) للاستدانه مره اخرى
و صرح تسيبراس بان الديون اللى عليه للاتحاد الاوروبى غير شرعيه و انه اليونان مش هتدفعها
دلوقتى زى ما اليونان متضرره فالمانيا متضرره من نواحى كتير , حضرتك لو اخدت قرض من البنك بيخليك تسده بالفوايد , القروض بقا بفوايدها ضاعت على البنك المركزى الاوروبى اللى هو دلوقتى بيراهن فى ظل وقف العمل فى البنوك اليونانيه بحاجه من اتنين , اما تحدث حرب اهليه فى اليونان و اما يحدث انقلاب على تسيبراس
لكن على صعيد اخر ماذا لو حدث انقاذ لليونان من روسيا و الصين على سبيل المثال
ايطاليا و اسبانيا المتخمين بالديون للاتحاد الاوروبى هما كمان هيقولوا يا فكيك اهرب يا معلم و قل على الاتحاد الاوروبى السلام

هل اللى بيحصل فى اليونان ده له علاقه باعلان ال imf - international monetary funds
عن عزمه اصدار عمله جديده تتكون من سله من العملات ينضم اليها اليوان الصينى و الذهب
فى رأيي المتواضع بالتأكيد.

تمام متفق معاك تماما ولكن اليونان اعلنت افلاسها حسب معلوماتى 4 مرات قبل الانضمام للاتحاد الاوروبي وحاليا خرجت تقارير بتؤكد ان التقارير اللى اليونان دخلت بيها الاتحاد الاوروبي كلها غير صحيحه "السؤال تفتكر اوروبا بكل اجهزتها متأكدتش من وضع اليونان قبل اعلان الاتحاد الاوروبي ؟" وحسب معلوماتى كمان ان القروض اللى الاتحاد الاوروبي منحها لليونان كلها بفوايد بنسبه اعلى من الطبيعى "حتى كونها دوله متعثره" كل ده بيخللى الواحد عنده احساس ان الموضوع مترتبله او على الاقل فى طرف كبير مستفيد من اللى حاصل "مين هو الطرف ده انا مش عارفه الى الان "

اللى بتكلم عليه عن ان الحقوق الدوليه والانسانيه دى عادى جدا ممكن نجنبها فى حاله ان النزاع مع دوله عربيه لان ساعتها كل الادوات المشروعه والغير مشروعه حتدى الدول اصحاب القروض حقها
ولكن الوضع فى اليونان تعقيده ان اليونانيين دلوقتى رفضوا خطه التقشف ورفضوا سداد الديون القديمه والاقتصاد اليونانى شبه منهار حاليا وده معناه ان الناس مش حتلاقى تاكل والحل حيكون التوجه للشرق ناحيه الروس او الصينيين ولكن تخيل اللى حصل لما القرم راحت ناحيه الروس والتطورات الحاليه والكلام عن عوده الحرب البارده فتخيل كمان اليونان تتجه للروس "وطبعا حاليا روسيا على استعداد لعمل اى حاجه ترجعها كما كان الاتحاد السوفيتى" فالوضع حيشتعل اكتر

الوضع حاليا داخل فى سكه سد ولكن بالرغم ان ده الواضح الا ان دايما بيطلع خيار مش موجود بوضوح على الساحه ويكون هو الوضع القائم كما الحال فى الازمه العراقيه ايام صدام والازمه السوريه والازمه الليبيه والازمه الاوكرانيه وازمه كوريا الشماليه وغيرها دائما النتائج عكس التوقعات

الغموض سيد الموقف
تحياتى .

المشاركة الأصلية كتبت بواسطة volociximab

خروج اليونان كارثة:
اولا: ستصبح علامة على تفكك الاتحاد الاوروبى و انه ليس بالتماسك الكافى ليكون له عملة موحدة
ثانيا:ستسعى دول اخرى للهروب من جحيم الديون بالخروج من الاتحاد و اعلان الافلاس
ثالثا:اليونان جزء من اوروبا و ليس بمقدور الدول الغربية معاملتها ببلطجة مثلما تعامل العرب
رابعا:ظهور نعرات دولية خارجة على النظام القائم هو نذير شؤم فى قارة يعتبر الهدوء فيها استثناء تاريخى فهذه الدول لها تاريخ دموي طويل مع بعضها البعض
ما اعرفه ان معظم دول الاتحاد تعانى اقتصاديا ربما باستثناء المانيا و بالتالى الفرنسيون سيحنون للفرنك و الاسبان سيحنون للايام الخوالى و كذلك الايطاليون و سترفض المانيا بل ستعجز عن مواداة هذا و ملاطفة ذاك و التساهل مع هذا

بالرغم اننا ابتعدنا عن الموضوع الرئيسي ولكن اسمحللى تأكيدا على كلام حضرتك وحسب المعلومات المتوفره ان دول البرتغال واسبانيا وايطاليا كمان الديون عندها تكاد تقترب من نسبه الدين للناتج القومى فى اليونان وبالتالى كلهم مستنيين يشوفوا ما سيحدث فى ازمه اليونان وإن كانت العواقب محتمله وباستطاعتهم تحملها قطعا حينهار الاتحاد الاوروبي فى اسابيع قليله
خاصه وان الاداره الالمانيه "بلسان الشعب الالمانى " ذكرت ان من حق اليونانيين تحديد مصيرهم ولكن عليهم صياغه مقترحات دقيقه حول ديونها كى تستمر فى منطقه اليورو بمعنى اعملوا اللى انتم عايزينه بس بعيد عن الفلوس وده طبعا مش منطقى لان الشعب اليونانى رافض خطه التقشف اللى بنودها بتتمحور حول اقاله اعداد غفيره من موظفين الحكومه وزياده الضرائب وبيع قطاعات كامله لمستثمرين وده معناه ان اليونان مش حتبقي لليونانيين وحتتحول لملكيه خاصه لدول الاتحاد

الفكره هنا ان اليونان كمان مديونه لدول خارج الاتحاد الاوروبي وكمان منظمات دوليه يعنى تخيل ان اليونان قالت مش دافعين والناس دى مأخدتش حاجه تخيل كام دوله "فى ظل الظروف الاقتصاديه المترديه فى العالم" حتطلب تتعامل بنفس الشكل والطريقه وساعتها حنتفرج على انقلابات وحروب ولان ساعتها الاقتصاد مش حيكون له الصوت الاعلى فى الموضوع وبالطبع اظن ان معطيات الامور والتجارب الاخيره بتقول ان الموضوع استحاله يوصل للمرحله دى ولكن حتظهر بدائل اخرى تاخد الموضوع فى اتجاه تانى

ما علينا سوى الانتظار ومشاهده ما تؤول اليه الامور .
تحياتى .