بالنسبه للشق الخاص بالموضوع
اولا : بالفعل الاسعار حتزيد بس خللى بالكم ان الموضوع مش بس علشان الدولار ولكن فى اكتر من سبب منها اتجاه الحكومه لرفع الدعم اتجاه الجميع لرفع الاسعار لزياده الارباح منها كمان رضاء المستهلكين بالاسعار الجديده وعدم التقليل من الاستهلاك او الضغط على التجار والشركات لعدم استغلال المواقف سواء السياسيه او الاقتصاديه لتحقيق ارباح وكثير من الاسباب الاخرى وللعلم ده حال كافه دول العالم بلا استثناء ارتفاع معدلات التضخم دايما بيكون اوضح فى الدول الاستهلاكيه ولكنه موجود فى كل دول العالم وده بسبب نظام اقتصادى عالمى قايم على الفوائد والاستغلال .
ثانيا :ارتفاع الاسعار مش حيكون بشكل بشع كما هو متصور وليس له اضرار بلا فوائد ولكنه خليط معقد على الحكومات "الحكيمه" استغلاله لتقويه اقتصاداتها ولكن واقع الامر "دائما" انالحكومات المتعاقبه فى بلدنا لا تستغل الوضع بشكل امثل بل فى كثير من الاحيان تضغط على الشعوب اكثر لتحقيق ارباح لجهات معينه
السؤال ازاى مش حيكون بشكل كبير على المنتج النهائي اقولك اللى المفروض يغلى بسبب ارتفاع الدولار السلع المستورده وبما ان مصر من اكتر الدول استهلاكيه ونعتبر بنستورد من الابره للصاروخ فالوضع عندنا كالتالى عندك سلعه مستورده جودتها من متوسطه لسيئه اللى مخليها مكتسحه المنتجات المصنوعه محليا ان سعرها منافس بالنسبه لجودتها ولكن انت كمستورد لما تلاقى الحاجات اللى داخله البلد سعرها حيكون عالى جدا عن انك تنتجها فى مصر بنفس الجوده وتبيع بنفس السعر القديم او اغلى شويه ومتتحملش خطوره النقل وباقى مخاطر الاستيراد حتتوجه تلقائيا للانتاج المحلى لان الموضوع ملهوش علاقه بالمستورد او المحلى الموضوع له علاقه بالربح
وبالتالى الاسعار حتزيد ولكن فى بعض السلع اللى ممكن يتم انتاجها محليا مش حتزيد وحنتفرج على سلع منتجه محليا وحتتباع على انها مستورده ومش حيتلاحظ الفرق لان الجوده قريبه والسعر قريب ولكن فى بعض السلع اللى مستحيل تنتج محليا دى اكيد سعرها حيزيد وملهاش حل
الفكره فين الفكره ان الحكومه عليها دور تشجيع الانتاج المحلى وتيسيره على المستوردين اللى اهم حاجه عندهم الربحيه ولو الحكومه معملتش كده فحيحصل حاجه من الاتنين اما المستورد حيجيب شحنات من بره باسعار عاليه ويضطر ينزلها بالاسعار دى او انه يوقف استيراد ويشوف مجال اخر يستثمر فيه سواء فى مصر او بره مصر
وللعلم فى كتير من المجالات حاليا بقى المنتج المصري موجود فى السوق وبيباع على انه مستورد او فرق سعره عن المستورد وقرب جودته مخللى الناس متجهه ليه من المجالات دى صناعه الملابس والمنتجات الغذائيه وبعض مجالات الالكترونيات "خاصه الاجهزه الكهربائيه " وبالتالى زى مقولت اى مستثمر فى مجال الاستيراد الاهم عنده الربح وعلى فكره كل واحد فى السوق عارف ان رفع السعر مش فى مصلحته وبالتالى بيدور على الطرق اللى تخللى منتجه يفضل بنفس الجوده والسعر علشان يحافظ على زبونه
يبقى النهايه ان الموضوع ممكن يكون له سلبيات ولكن الحكومه لو فكرت بحكمه اكيد حتخلق فرصه ايجابيه تستفاد منها ولكن حتى اذا الاسعار مرتفعتش بسبب زياده سعر الدولار فاتجاه الحكومه لرفع الدعم "بغض النظر عن رأيي " غالبا حيؤدى لزياده الاسعار تدريجيا حتى الرفع النهائي .
معلومه: سعر الدولار داخل السوق المصري مش السعر العادل امام الجنيه ولكن الاجراءات المتبعه من قديم الازل دايما بتدى الجنيه دعم "زائف" امام الدولار فالوضع اصلا مش وردى لا على الحكومه ولا على المستثمرين ولا على المجتمع والضغوطات العالميه والتحديات اللى بتظهر كل يوم مش مديه فرصه لاى شعب او حكومه سواء فى المنطقه العربيه او غيرها انهم يحجموا زياده الاسعار
بعيدا عن الموضوع وبخصوص ازمه اليونان غالبا حتعمل تغيير فى السياسات الاقتصاديه فى كتير من الدول الغربيه وبالتالى مؤكد حتأثر على الاقتصاد العالمى لان الجميع مديون وفى حاله عدم اتخاذ اجراء رادع "ضد الحقوق الدوليه والانسانيه" اذا اعلنت اليونان امتناعها عن السداد حتخللى كتير من الدول تعمل نفس الاجراءات ولذلك الوضع صعب لانهم لا قادرين يسيبوهم ولا قادرين يتعاملوا معاهم كدوله عربيه "مسموح اى حاجه فيها " فالوضع هناك حيغير حاجات كتير فى الاقتصاديات الدوليه .
طبعا كل ما سبق هو رأي الشخصى واكيد يحتمل الخطأ قبل الصواب وعليه فاى جزء قد اكون اخطأت فيه هو قابل للتصحيح منكم .
تحياتى .