الموضوع: عربيه على ادي ب١٠٠٠٠ج، ليه الناس بتعتبرها نكته؟!

المشاركة الأصلية كتبت بواسطة swimmer25

إنت كاتب شعر في النيفا!!

أبدا والله بس زي ما انت شايف اغلب الناس رشحوها ليا بحكم الظروف وانت لو تشوف الطريق عندنا عامل ازاي والناس والتكاتك والغباء اللي على الطريق هتخاف تركب عربيات زي 128 والكلام ده. والحال على الأد بردو وتقريبا هتصفى على 127 لأني اعرف انها امتن حبتين من ال128 وف نفس الوقت مبلغ ال10000 مش هيجيبوا الا حاجه زيها معقولة.

المشاركة الأصلية كتبت بواسطة swimmer25

عموما متقلقش..كلنا هذا الرجل ..لا تكتئب..أمال اللي الناس اللي بيموت أهلها وبيعتقلوا يقولوا إيه
كل شئ بقدر..الحمد لله على كل شئ

بالنسبة للإكتئاب والشعر ، أنا حد اتبهدل حبتين ، خد فكرة
http://mohamed-salama.blogspot.com/2...g-post_12.html
دي قصيدة بعتز بيها من شعري اللي بجد مش في النيفا :) وعلى فكرة انا كان عندي فرصة اكتب في جريدة رسمية مشهورة قبل ما يفصلوني من الكلية ف آخر سنة :(

المشاركة الأصلية كتبت بواسطة swimmer25

توكل على الله وهات 127 بس مش فاهم إشمعنى بابين
هات 5 باب عشان الأسرة تعرف تركب معاك

هيشكلها كده ، حتت اتنين باب متفرقش معايه لأني لوحدي واخواتي كلهم اتجوزا وانا كبرت شوية على موضوع الجواز ده فباب واحد يكفيني ، يعني لو الإسبور اقل في السعر 500 جنيه ، هشتريها اولى .

وربنا يسهل ..

الموتوسيكل موفر عليا كتير لكن بهدله ومش أمان والله ما انصح حد بيه يركبه نهائي على اد ما بيوفر على اد ما ممكن تضيع في لحظة ، انا توكتوك زنق عليا من 3 شهور لقيت نفسي طاير ونزلت على كتفي اتخلع وفضلت شهرين حالي واقف . اي عربية مهما كان اسمها عربية على الأقل لو الجو مطر تعرف تمشي .