اى استفسار او سؤال بخصوص بريليانس انا فى الخدمه

**hfarouk76** · 09-11-2015 07:56 PM

السلام عليكم..
أنا معايا fsv 2015 أوتوماتيك و فى صيانة ال20 إشتريت البوجيهات الاريديوم اللى حضرتك قولت عليها الطقم ب 350 جنيه بس بعد تركيبها حسيت العربية صوتها عالى شوية و فى رجه فى الموتور زيادة عن الأول سألت مهندس أحمد سيد اللى فى البشاير 6 أكتوبر و عنده كمبيوتر العربية قالى إنها مش عاملة مشكلة بس يفضل للعربية دى البوجيهات تكون بلاتينيوم فأنا الحقيقة محتار و مش عارف كلام مين أصح مع كل الإحترام طبعا لحضرتك و مهندس أحمد فياريت تفيدنى فى الموضوع ده و ألف شكر لحضرتك وآسف على الإطالة.

**Mokhtar Hammad** · 14-11-2015 06:29 PM

عندي بريلينس جالينا 2009 و الفرامل مهربة على الآخر و وديتها التوكيل ظبطوها بس بعد أول مشوار رجعت تاني لازم ادوس آخر الدواسة عشان يبقى في فرامل...... انا شاكك في الماستر .....ارجو الافادة

**احمد نور الدين** · 16-11-2015 02:51 AM

السلام عليكم اولا احب اشكر حضرتك لان المشكلة - جالينا 2012 - طلعت في حساس الكامة وغيرته والعربية تمام شكرا مرة تانية

ليا سؤال انا معايا جالينا 2012 وواحد صاحبي معاه 2007 لما بنشد ع الطريق بيطلع مني بسهولة غير ان عربيتي ماتزودش عن سرعة 180 غير بالعافية وعربيته ما شاء الله بتجيب 220 - 230 كم بالمرتاح

ممكن اعرف ايه سبب المشكلة دي وحلها

وشكرا لاهتمام حضرتك

**tarek zedan** · 16-11-2015 03:14 AM

هااااام جدا

اولا : عاوزين نعمل جروب على الفيس للجالينا
ثانيا : عاوزين نضم العضو المحترم الفانتادور لانه هيفيدنا كتير
ثالثا : ليا عندك استفسارين
١- هل الجالينا افضل ام الليجانزا ولماذا ؟
٢- هل فعلا احسن موديلات هى ٢٠٠٦ و ٢٠٠٧ والا لا ؟

**seso_king** · 07-12-2015 11:14 PM

المشاركة الأصلية كتبت بواسطة avantador

السلام عليكم جميعاً . بعد شغلى فى التوكيل لمده سنتين اقدر اساعد ان شاء الله فى حل اى مشكله ميكانيكا او كهرباء وباذن الله اكون عند حسن الظن

عربيتى بريليانس كروس 2010 ماشيه 75 الف كيلو
لما باجى اديها الخامس على 120 ك الغيار الخامس بيرد مبيسبتش فى مكانه
لازم افضل ماسك عصايه الفتيس عشان ميردش تانى
ايه الحل يا رجااااااااااااااااله
وشكراااااااااااااااااا

**hanyfathy2000** · 10-12-2015 09:16 PM

العربية ولعت جالينا 2010 ومحتاج طابلوه وضفيرة داخلية وطقم العدادات

**احمد نور الدين** · 11-12-2015 05:31 AM

المشاركة الأصلية كتبت بواسطة hanyfathy2000

العربية ولعت جالينا 2010 ومحتاج طابلوه وضفيرة داخلية وطقم العدادات

اسال عند ماستر اللي في الحي السابع وفي واحد عنده استيراد في الحرفيين شارع مرسيدس وواحد تاني عن الشبراوي اللي في الحرفيين

بس سؤال ايه سبب الحريق

وربنا يعوض عليك يارب

**hanyfathy2000** · 11-12-2015 07:55 AM

جهاز الانذار تقريبا هو السبب لان العربية ولعت وهي واقفه في الجراج وكان جهاز الانذار بيعلق

**emadhamdi89** · 24-12-2015 09:12 AM

السلام عليكم

شكرا جدا للمعلومات و انا معايا frv 2009 1600 و كنت عاوز اعرف ايه البدايل لقطع الغيار ديه :
1) تيل الفرامل امامي و خلفي
2) الكبالن
3) بلى العجل
4) جلب المقاصات
يا ترى كلها لانسر 2007 ولا ايه ؟

و فى حاجة انا وانا ماشى عالسريع و قافل الزجاج بسمع صوت جاى من الشنطة فهل ده بلى العجل الخلفى ولا ممكن يكون ايه ؟

ولو ممكن اماكن برا التوكيل نقدر نشترى منها يبقا كتر خيرك....

**emadhamdi89** · 27-12-2015 09:26 AM

السلام عليكم
دلوقتى انا لما بجرى بالعربية مش بتجيب ال 100 خالص و لو جابتها بيكون صوت الماتور عالى و عداد ال rpm بيزيد قوى و حتى فالطلعة على كوبرى مثلا او كده بدوس بنزين و عداد ال rpm يعلى قوى و استجابة العربية للسرعة بطيئة جدا

هل ده اربة فتيس ولا ده ممكن يكون ايه ؟