اى استفسار او سؤال بخصوص بريليانس انا فى الخدمه

**mohamedali8588** · 16-09-2015 12:20 AM

انا عندي مشكلة لوحة العربية بتاعتي fsv مسجل فيها ان العربية تصنيع عام ٢٠٠٩ ، وموديل عام ٢٠١٠ ، رغم ان الرخصة بتاعتها مكتوب فيها انها موديل ٢٠١١ واشترتها مستعملة علي هذا الاساس ، كمان ازاي اتاكد من رقم موتور العربية لان الرقم اللي في الرخصة مش عارف اوصله فين في العربية مع العلم ان رقم الشاسيه مظبوط ومطابق اللي في الرخصة .، ارجو الافادة

**mohamedali8588** · 16-09-2015 10:28 PM

متابع الرد

**ahmed_seif** · 18-09-2015 01:52 PM

المشاركة الأصلية كتبت بواسطة hamada_lovemsg

لو سمحت انامعايا frv 2009 لسا شاريها قريب عاملة ١٢٠٠٠٠ كيلو
كنت عايز اعمل صيانة كاملة للعربية تنصحني اروح فين وهتكلفني كام
وايه اهم الحاجات الي لازم اعملها صيانة عشان لسا شاريها وعايز اعملها صيانة كاملة
وشكرا

كنت عاوز اعرف رأيك فى العربيه frv 2009 لانى بفكر اجيبها مستعمله برده وخايف بصراحه فياريت تقولي رأيك فيها خصوصا لو مستعمله وياترى جبتها بكام ...

**avantador** · 20-09-2015 12:37 AM

بص يا باشا ممكن تستغرب كلامى بس هو ده اللى اكتشفته فى العربيات دى والكلام ده من على لسان مدير الضمان
مصنع بريليانس مبيصنعش عربيات كل سنه هو صنع كميه عربيات وكل كميه بتنزل مصر بيتحط عليها تاريخ تصنيع السنه اللى نازله فيها والدليل حاجتين مفيش فرق نهائى فى اى موديل fsv من 2010 ل 2014 واتحدى اى حد يطلع مسمار زياده .
الجالينا كانت بتتجمع عندنا هنا فى اكتوبر واتوقف تصنعها فى 2011 وسبحان الله نزل منها 2012 و2013
ال s30 لما نزلت تست درايف نزلت بعلامه جانبين ولما قررو يبعوها نزلت بعلامه بريليانس

وحاجه تانيه الناس فاكره ان اموتور ميتسوبيشى يابانى لا هو تصميم ميتسوبيشى بس صناعه صينى من a-z

واخر حاجه لو حضرتك عايز تعرف رقم الموتور هو موجود بين داير الفتيس والموتور من ناحيه الصدر

**bigheart852000** · 10-10-2015 08:38 PM

لو سمحت كنت عاوز اعرف اية بديل طقم الدبرياج لل FSV 1500cc ياريت لان في ناس قالت بتاع اللانسر يركب عليها

**mohamedali8588** · 14-10-2015 12:05 AM

انا سمعت ان حساس شكمان الشاهين ٢٠٠٥ وما بعد يركب علي البريليانس بعد تعدل الفيشة هل دا صحيح وهل فيه بديل للكوبلن الخارجي ينفع مع fsv

**Maged 2000** · 16-10-2015 09:18 PM

لو سمحت انا معايا بريايانس جالينا 2008 كان عندي مشكلة في الموتور وغيرته بموتور هو هو يس ميتسوبيشي جالانت ياباني استيراد .. الموتور اشتغل معايا تمام حوالي شهر مع العلم لمبة check منورة بعد الشهر دة العربية بقت ماشية 3 سيليندر ممكن اعرف اية السبب ورقم حضرتك للتوضيح وشكرا

**m0105538** · 17-10-2015 12:53 PM

المشاركة الأصلية كتبت بواسطة maged 2000

لو سمحت انا معايا بريايانس جالينا 2008 كان عندي مشكلة في الموتور وغيرته بموتور هو هو يس ميتسوبيشي جالانت ياباني استيراد .. الموتور اشتغل معايا تمام حوالي شهر مع العلم لمبة check منورة بعد الشهر دة العربية بقت ماشية 3 سيليندر ممكن اعرف اية السبب ورقم حضرتك للتوضيح وشكرا

تنحصر المشكلة في
١- عطل في فيشة الرشاش او السلك الموصل
٢- عطل في الرشاش نفسه
٣- مشكلة في البرمجة او عطل في وحدة الكنترول نفسها cpu

**Maged 2000** · 17-10-2015 06:06 PM

انا كشفت علي البوجيهات مرتين اول مرة كان بوجيه واحد مهبب وفاطع غيرته و محصلش تغيير تاني مرة كشفت عليهم تاني لاقيت نفس الجيديد الركبته مهبب برده الميكانيكي قالي الغرفة بتاعت البوحية قاطعة وكدة المشكلة مشكلة صباب اية رايك في الكلام دة