الموضوع: الموخر و الشبكه

مش كتير اوى
الفصال فى كل حاجة عادى
المؤخر هتدفعه هتدفعه--المؤخر جزء من المهر

خلى بالك ان زى مانت باصصلهم هم باصين لك و مراتك هتفتكرلك انك اتخانقت عند الصايغ او عند الامضاء على القائمة
و زى ما حركات منهم هتعتبرها حركات نقص هم ايضا سينظرون لبعض حركاتك على اساس ذلك
خايف--اعمل شبكة و كتب كتاب--بس انت متردد و ممكن تندم
هتسيب الذهب معاك او هتتخانق عشان تاخد الفاتورة هتبان انك بتخونهم
هو الجواز كده يا صحبى--واحده هتأأمنها على عرضك لو ضحكت عليك فى 20 الف قل الحمد لله

دلوقت يا جماعه اخر تطورات
الناس اتصلوا قالوا انهم وافقوا علي كل حاجه بس عايزين الشقه تبقي في مكان معين علشان المكان اللي انا بقول عليه بعيد
اعتقد اني لازم اشرح تفاصيل قعده الاتفاقات اكتر
احنا لما اتكلمنا علي الشقه الراجل قال و علي مكانها الراجل قال موافق بعد كده في وسط الحديث والدي ذكر موضوع الشقه تاني فالراجل قال ما معناه انه موافق لو في نيه في التغيير في المستقبل قام والدي قاله لا مفيش نيه للتغيير
للمعلومه انا والدي طبيعته في الكلام ان اسلوبه حاد شويه و محدد و هو كان بيهدف بالكلام المحدد انه متحصلش مشاكل
بعد كده في وسط الكلام ام العروسه كانت بتتناقش مع والدتي علي الشقه و كده و عايزينها في حدود كام فلما عرفت المبلغ قالت ما ده ممكن تلاقوا بيه هنا قريب بس شقه اصغر و احنا مش هنبقي زعلانين انها اصغر
المهم والتي قالت ليها بجد طيب متشوف كده و لو لاقيتوا يبقي تمام
الجمله دي اللي ست علقت عليها كلامها النهادره في الرد لما قالت موافقين علي كل حاجه بس عايزين الشقه قريبه مش بعيده
المهم البنت كلمتني و قالتلي عايزه اكلمك و دي مكالمه سر و يعني فهمتني ان ابوها حس من رد ابويا بموضوع ان مفيش نيه لتغيير مكان الشقه في المستقبل ان ابويا مش مقتنع بالجوازه و قالتلي والدك يعني كان اسلوبه حاد معانا و مفهمناش قصده انه عايز يقول ان عايز يبقي قد كلامه و ميوعدش بحاجه ميعملهاش
البنت صعبانه عليا جدا
انا النهارده في المكالمه قولت للبنت اللي ربنا كتبه هيكون بس حاسس انها بدأت تنكسر
ابويا رأيه ان المكالمه كان بعلم اهلها و انهم كانوا بيسخدموها ورقه ضغط
و الموضوع متعقد لأن ابويا متضايق من انها قالت عليه انه اسلوبه كان حاد
و انا في حيره اعمل ايه
ارد اقول كل شئ قسمه و نصيب و لا اعرض عليهم تاني موضوع الشقه البعيده و اشوف رأيهم
والدي رأيه انهم لو عرضت الشقه البعيده هيقبلوا لأنه شايف انهم بيحاولوا يساوموا الاول نفع ماشي منفعش يقبلوا بالاقل
انا في حيره و تعبان و مش عارف انام و الساعه عدت سته و نص و انا مش قادر انام
مش عارف اعمل ايه يا جماعه و مش عارف اقيم الموضوع في مجمله
خايف اظلم البنت و خايف اظلم نفسي برضه
بس اعتقد ان الموضوع داخل في سكه dead end
و مش قادر اغامر و اقول البنت كويسه لأن الكلام ده من كام مقابله و كام مكالمه تليفون و ممكن ميكونش صحيح
و ساعتها هبقي شربت مقلب
الموضوع ده من اول بدايته و هو كده بيمشي بس بصعوبه
ساعدوني يا جماعه و ياريت من غير مهاجمه
انا محتاج رأي

مش عارف

بص انا كنت حقولك ان المكالمة بنسبة 90 في المية بمعرفة اهلها
خصوصا ان مفيش علاقة بينك وبينها اصلا قبل الخطوبة
وقد تكون بضغط منهم اصلا وكويس ان والدك مصحصح
ثانيا متقبلش اي كلمة اطلاقا على اهلك حتى لو مش واضحة
عن طريق انك تصلحها باسلوب لطيف
حضرتك دلوقتي ممكن تقلب الكفة لمصلحتك
ممكن تتصل بيهم وباسلوب حلو تقولهم حاضر حشوف شقة في المكان ده
وياريت تسيبوني اسبوع او اسبوعين على ما انزل واشوف المنطقة
ومتتصلش بيهم إطلاقا في الفترة ده
اولا هم حيتصلوا اكتر من مرة سواء منهم او من خلال بنتهم
قولهم انك لسه حتدور ومفيش جديد ومنين ما الاقي حتصل بيكم
هنا حيتمنوا انهم مكنوش طلبوا الطلب ده من الأساس
وبعد الفترة ما تخلص تقولهم انك ملقتش وقت تنزل تتفرج
وشوفوا رأيكم ايه وبكده انت رميت الكرة في ملعبهم

وياريت متخدش الموضوع على قلبك
وياريت متتعلقش بالبنت لحد ما النقط تتحط فوق الحروف
لانك لو اتعلقت بيها حتسمع كلامهم في كل حاجة

على فكرة انا مش مع التعامل ده واللف والدوران
لكن لا يفل الحديد الا الحديد
ومع انك تقولهم اللي في عقلك بصراحة
حتى لو عن طريق بنتهم
وتحكيلها اللي في عقلك كله "عقلك مش قلبك"
حقولها تاني عقلك مش قلبك
يعني متقولهاش انك ميال ليها او انك حبيتها
ولكن انك حاسس انها بنت حلال وعاقلة
انا ذكرت نقطة محددة من مجموعة نقاط حتظهر غصب عنك في حوارك معاها
قولها مثلا انه كتر الشروط مش حتبارك اي بيت
وكم واحدة كاتبة قايمة وجالها شبكة كبيرة وجوزها مطهقها وتاعبها
وان أي عريس مبيحبش كذا وكذا

المشاركة الأصلية كتبت بواسطة مُصْطٓفٓى

بص انا كنت حقولك ان المكالمة بنسبة 90 في المية بمعرفة اهلها
خصوصا ان مفيش علاقة بينك وبينها اصلا قبل الخطوبة
وقد تكون بضغط منهم اصلا وكويس ان والدك مصحصح
ثانيا متقبلش اي كلمة اطلاقا على اهلك حتى لو مش واضحة
عن طريق انك تصلحها باسلوب لطيف
حضرتك دلوقتي ممكن تقلب الكفة لمصلحتك
ممكن تتصل بيهم وباسلوب حلو تقولهم حاضر حشوف شقة في المكان ده
وياريت تسيبوني اسبوع او اسبوعين على ما انزل واشوف المنطقة
ومتتصلش بيهم إطلاقا في الفترة ده
اولا هم حيتصلوا اكتر من مرة سواء منهم او من خلال بنتهم
قولهم انك لسه حتدور ومفيش جديد ومنين ما الاقي حتصل بيكم
هنا حيتمنوا انهم مكنوش طلبوا الطلب ده من الأساس
وبعد الفترة ما تخلص تقولهم انك ملقتش وقت تنزل تتفرج
وشوفوا رأيكم ايه وبكده انت رميت الكرة في ملعبهم

وياريت متخدش الموضوع على قلبك
وياريت متتعلقش بالبنت لحد ما النقط تتحط فوق الحروف
لانك لو اتعلقت بيها حتسمع كلامهم في كل حاجة

استاذ مصطفي انا عايز انوه ليك عن حاجه
والدي فعلا اسلوبه حاد شويه و ده رأي كل الناس فيه
فأنا مش قادر الومها علي انها قالت كده لأني زي اللي علي راسه بطحه
بس اللي والدي بيفكر فيه ان الموضوع خد منعطف مش حلو و شايف ان الدنيا ممكن متبقاش ظريفه بعد كده ( و مش عايز يلزمني بالرأي ده)
رأي حضرتك بتاع البحث عن الشقه انا محترمه بس في الاخر انا شايف ان دلوقتي كده لما هرمي الكوره في ملعبهم ممكن تترد ليا تاني و يتقالي موافقين
انا اللي بسعي ليه اني عايز نصيحه في تقييم الموقف ككل علشان لو الدنيا باينه انها مش حلوه يبقي الموضوع ممكن يتنهي بدري بدل ما يتنهي قدام
او لو الموضوع انا متحامل فيه عليهم يبقي مظلمش البنت و اكمل معاهم
انا حاولت اعرض الموضوع بمنتهي الامانه و الحياديه
فعلا الراجل كان موافقنا علي كل شئ لحد ما جه موضوع المؤخر و قال هنا هتكلم 20 الف زي اختها و ساعه الشبكه قال تعلي شويه تقل شويه والدي قاله لا الشبكه 20 الف بالظبط علشان منختلفش
و الشقه زي ما شرحت لحضرتك موقفها
انا خايف يكون الراجل حس ان ابويا بيبيع و يشتري فيها مثلا فدافع عن نفسه بالكلام اللي حصل ده و ده احتمال وارد
او انه يكون فعلا من هواه الفصال و لو عرف يجيب حاجه زياده يبقي تمام معرفش يوافق بالمعروض
فعلا اعتقد ان البنت أثرت عليا بصوره او بأخري مخلياني حاسس انها صعبانه عليا
برضه مش قادر احدد هي ممثله قديره و لا بنت غلبانه و علي نياتها فعلا
و كنت متخيل ان الموضوع ده هحدده في خلال فتره الخطوبه
بس دلوقت بقي في عامل الاهل و دخل في التقييم
و بقي فيه شك فيه و في نيتهم يا تري هي ايه
ده اللي عايز نصيحه حضرتك فيه لأن انا متهيألي اني عليا تأثير نفسي من البنت مخليني مش عارف اوزن الامور
علي فكره الراجل مطلبش قايمه و قلنا له مش هنكتب قايمه قال موافق في يوم الاتفاق

ارجو ان تعذرنى لان ردى سيكون صعب شويه .. علشان انا شفت مواضيع بدايتها كده .. و النهايه كانت سيئه جدا

على فكره .. يظهر ان انت من الناس اللى ما بتستريحشى الا لما تؤذى نفسها و تعذب نفسها .. دى معادله شخصيه .. لكل انسان طبائع لا تتغير

موضوع ربنا موقفه .. و انت عمال تزق فيه .. و بعدين تقول اللى كاتبه ربنا حيكون .. ما هو ربنا عمال يضع العقبه تلو العقبه

الم تسمع حديث .. من يمن المرأه الصالحه .. قله صداقها و سرعه زواجها ؟؟


و بعدين من ناس ما تعرفهمشى .. بتبرر لهم يغلطوا فى والدك من دلوقتى ؟؟ ( ده بدل ما تقول ان والدها لم يلتزم بكلام الرجاله و الاتفاق ؟ ) .. و ان والدتك غلطت علشان اتكلمت كلمتين مع والده البنت

و على فكره انت متردد جدا فى الموضوع ده .. و فى الجوازه دى ..

الانطباع الاول هو الاخير .. و هو الذى سيعاود الظهور لاحقا بعد الزواج .. مع تكرار تصرفات نسايبك

السؤال .. هل انت داخليا و نفسيا مرتاح للناس دى ؟؟

نصيحه لوجه الله .. اجل الخطوبه شويه

( و بكرر لك للمره الالف .. مفيش جواز علشان صعبانه عليه .. نصيحه عن تجربه شخصيه ) .. الا ان كنت عايز تتعلم الدرس The Hard Way

و اسف لو ردى ضايقك .. و عموما لن ارد فى هذا الموضوع مره اخرى .. و اختر لنفسك

انا شايف ان كل الامور اللي حضرتك شرحتها مفيش فيها أي مشاكل اطلاقا
مجرد تناوش بيحصل في اي مشوار زواج واستحالة يكون سبب معتبر للفشكلة
الاهم انك تكون واضح وصريح في رفض طلباتهم الخارجة عن امكانياتك وبشكل لطيف
.. زود الشبكة .. لا مش حزود مش عشان معكش ولكن عشان فيه اولويات
.. زود المؤخر .. لا لانه كده في حدود المعقول في وجه نظرك انت
.. الشقة .. لا لانك شايف ان المكان المحدد مناسب ليك انت والزوجة بتروح اي مكان مع زوجها حتى لو حيسافر اسوان
الكلام ده تزوقه وتقوله لاهلها وبكل بساطة خصوصا ان مفيش تعنت منك
وفي النهاية انت بتعرض نفسك عليهم بامكانياتك وبقناعاتك وبحدودك
والآن عليهم الموافقة او الرفض لا قدر الله
لا ترهق نفسك بكثرة التفكير وتأكد ان التنازلات تبدأ بتنازل
حتى لو قلت لنفسك انك حتنازل مرة واحدة فقط وحمسك نفسي في اللي جاي
كان غيرك اشطر لان التنازل مرة حيفهمهم انك بالضغط حتتنازل عادي
خلي ليك خط ماشي عليه ومش مشكلة انك تلتفت ليهم وانت على طريقك
يعني خد منهم طلباتهم وشوف مناسبة ليك ولا
مناسبة يبقى وافق عليها ولو مش مناسبة ارفض عادي
وبالطريقة ده انت بتعمل دستور لما بعد الزواج ان شاء الله