اظن مصر حاليا المفترض تقيم مواقفها بشكل كبير وتتصرف بحكمه عاليه جدا لان بالرغم ان تأثيرات الاتفاق مش حتـأثر علينا بشكل مباشر الا اننا لازم نستغل الفرص داخل الاتفاق ده بحيث نحافظ على مصالحنا مع الخليج "لانهم حلفاء وواجب علينا نحافظ على حلفائنا ومصالحهم " وكمان نستغل انفتاح ايران اقتصاديا بعد انتهاء العقوبات بما يحقق مصالحنا ورغباتنا الاقتصاديه الحاليه "ودون الاضرار بمصالحنا"
اظن الخارجيه المصريه عليها دور كبير دلوقتى وغالبا لازم القرارات تكون مدروسه بشكل كويس جدا لأن الموضوع معقد واى قرار حيكون له تبعات وطبعا فى حاله تعارض مصالحنا مع ايران مع مصالحنا مع حلفاءنا فى الخليج اكيد حناخد صف الخليج وحينتهى اى بوادر اتفاقات بيننا واظن ده اللى مأخر تعليق الخارجيه على الاتفاق لحين توحيد الرؤى ووجهات النظر
اظن الموضوع ده حيكون اختبار كويس لقدرات الخارجيه المصريه نقدر نقييم على اساسه دور القائمين على الدبلوماسيه المصريه خلال الفتره الحاليه
تحياتى .
المفضلات