الموضوع: نقص زيت الموتور

المشاركة الأصلية كتبت بواسطة hany saad

احتمال وجود مشكلة موجود و لا ننفيه، الفيصل بتاعنا دلوقتى هو لو زاد النقص يبقى أكيد فيه مشكلة انما لو ثبت المقياس على كده يبقى هنتابع اكتر
نصحتى ليك دلوقتى، صور المقياس بالتليفون بتاعك علشان ده هيساعدك لو احتجت التوكيل و تابع
و لو نزل كوره واحده كمان صور المقياس برده و توجه مباشرة للتوكيل و الا لو لم يحدث تغيير هتفضل متابع لحد صيانة ال ٥٠٠٠ كم و ساعتها لازم برده تبلغهم سواء المشكلة زادت او لم تزيد
فيه حل تانى لو حابب:

بعد العيد روحلهم و بلغهم انها نقصت كورتين، هيغيرولك الزيت مجانى و يملوه للأخر حتى فوق ال ٦ كور بشوية علشان يضمنوا و هيقولولك نشوفك فى صيانة ال ٥٠٠٠ كم علشان نقيم الوضع.....ممكن برده تعمل كده لو حابب

تحياتى

ليه مش مهتمين بالقياس المانيوال ؟؟؟ هو ده الفيصل و الى حيبين مستوى الزيت الحقيقى ...
الديجيتال اوقات كتير بيكون خادع ...
تحياتى ...

المشاركة الأصلية كتبت بواسطة mario maged

طيب حضرتك في المقياس المانيوال المفروض بنستلم العربية و المستوى فوق ماكس ولا عند ماكس ولا فين؟
و ممكن صورة توضيحية؟

اعتقد بيختلف اختلاف بسيط من عربيه للتانيه لان يد اى واحد فى وضع الزيت مش مسطره :)
انا عن نفسى العربيه لما كانت عند ٣ الاف كم ... المقياس اليدوى كان فوق ال max بحاجه بسيطه ...
ثم عند ال ١٠ الف كم كان وصل لل ٣/٤ ... و عملت صيانه ال ١٠ الاف كم ...
اليوم حوالى ١٥ الف كم و تحت ال max حاجه بسيطه ..

الموضوع سهل و بسيط جدا جدا ... و بياخد فقط دقيقتين و حتعرف الى عايزه و تتطمن :)
حضرتك ابحث عن مكان المقياس اليدوى وطلعها ... حتلاقيه فيها خطوط مربعات فى اخرها ...
امسحها جيد باى منديل ورق ... و دخلها و طلها ... الطبيعى فى حالتك ان يكون اثار الزيت عند ٣/٤ اى تحت ال max شويه ..
و يمكنك افتح الكتالوج حتلاقى شرح بالصور ...و يستحسن تكون العربيه بارده بايته من الليل ...

تحياتى ...

المشاركة الأصلية كتبت بواسطة batman372

ليه مش مهتمين بالقياس المانيوال ؟؟؟ هو ده الفيصل و الى حيبين مستوى الزيت الحقيقى ...
الديجيتال اوقات كتير بيكون خادع ...
تحياتى ...

على فكره يا باشمهندس صفوت . الديجيتال مش خادع خالص ده مظبوط و حساس جدا و عن تجربه و اختبار شخصى . الراجل ما عندوش مشكله. الكلام ده حصل معايا و شرحته بالتفصيل و حتى المهندس هانى كان متابع معايا على الخاص .

كل سنه و انت طيب :) .

يا جماعه للمره المليون . الزيت المفروض فوق ال max و قبل المنطقه المتعرجه العليا فى المانيوال . المنطقه دى لوحدها نص كيلو زيت و بكورتين على الديجيتال . العربيه بتنزل الزيت فى المانيوال على على علامة ال max بالظبط يعنى ناقصه نص كيلو و حاجه بسيطه تحت ال max بيبدأ يطير فيها الكورتين . الموضوع بسيط و مش عارف ليه همه مصممين ينزلوها ناقصه نص كيلو زيت و تعمل وجع الدماغ ده كل شويه
نزل الويت اللى فى العربيه و حط 4.300 كيلو زيت بالفلتر هاتلاقيها على المانيوال فوق ال max . المهندس هانى عارف الكلام ده و صوره .

المشاركة الأصلية كتبت بواسطة yasser100

على فكره يا باشمهندس صفوت . الديجيتال مش خادع خالص ده مظبوط و حساس جدا و عن تجربه و اختبار شخصى . الراجل ما عندوش مشكله. الكلام ده حصل معايا و شرحته بالتفصيل و حتى المهندس هانى كان متابع معايا على الخاص .

كل سنه و انت طيب :) .

ياسر بيه .. كل سنه و انت طيب و بخير :)
انا اقصد ان الحساس فى بعض الحالات لو المانيوال مظبوط ممكن جدا يكون به عيب deffect ... و حصلى فى بى ام قبل كده و غيرته فى الضمان ...
و زى ما حضرتك قلت .. غالبا صاحب الموضوع ليس عنده اى مشاكل ...
تحياتى ...

المشاركة الأصلية كتبت بواسطة Amr Montasser

هو حاجة من الاتنين يا الزيت بينزل ناقص يا زيت الفابريكه تبخيره عالى. بس الموضوع ده حصل مع كام واحد اعرفه عموما لحد ما تغيره فى 10000 يا تزويده good will فى التوكيل يا لو فيه مشكلة فى بلف التبخير بيتغير فى الضمان. انا كان نزل عندى كورة مرتين و كورتين مرتين لحد ما غيرته على حسابى من ساعتها منزلش عندى تانى. لو مش عايز وجع دماغ انصحك تغيره و خلاص. و اسف للاطالة

ده اللى حصل معايا بالظبط فى ال 1200 كم و روحت نزلت زيت الفابريكه ده و حطيت موبيل 5w30 و بعدها و ﻻ الهوا ﻻ ديجيتال و ﻻ مانيوال و غيرته تانى مره كمان بعد ما عدى سنه و كل حاجه فى العربيه الحمد لله زى الساعه . ده جننى يا راجل . يوم كوره تنقص و بعدين ترجع و بعدين ينقص اتنين و يرجعوا و تمشى شويه ينقصوا تانى . ليه التوكيل مصمم يتمشى على زيت الفابريكه 10000 كم مش فاهم اى سبب . انا خلصت منه بنقصه بصوت الموتور الخشن بسحب الموتور المنيل . هو 1000 كم كفايه على زيت الفابريكه .