الموضوع: نقص زيت الموتور

المشاركة الأصلية كتبت بواسطة mario maged

انا معايا فلوانس 2015 e3 اخر مرة طلعت بالعربية كان من 3 ايام و من ساعتها راكنها في الجراج و النهاردة قبل ما اشغلها قلت اشوف اخبار الزيت لاقيتها ناقصة كورتين و العربية كانت مركونة و باردة
العربية عاملة 2600 كم بس ..
اتصل بالتوكيل و لا اعمل ايه؟؟
ياريت تنصحوني بجد بسرعة عشان انا قلقان

قبل ما تركنها كانوا ال ٦ كور مليانيين؟
لو الإجابة ايوه يبقى روح التوكيل بعد العيد

انما لو مش متأكد يبقى تابع تانى و شوف هل النقص بيستمر؟

المفروض يكون التحرك فى حدود كوره واحده على المقياس الديجيتال بالنقص او الزياده عن ما انت مستلم عليه العربية

الخلاصة: مش مشكلة الكور تكون ناقصة لو انت مستلم العربية كده او فيه كوره واحده بتنقص و ترجع تزيد تانى كل ده طبيعى
انما لو حضرتك مستلم العربية مليانه ٦ كور و دلوقتى بقوا ٤ كور يبقى ابتدى اخد بالى و يفضل زيارة التوكيل بعد العيد لو امكن
تحياتى

المشاركة الأصلية كتبت بواسطة mario maged

قبل ما اركنها كانت ناقصة كورة واحدة و زادت تاني لكن يعد ماركنتها لاقيتها نقصت كورتين و النهاردة بصيت عليها تاني لاقيتها بردو ناقصة كورتين
اتصل بالتوكيل ولا اروحلهم على طول ولا استنى لحد ال 5000؟

لأ كده مفيش مشاكل عندك ان شاء الله
لأن المستوى اللى انت مستلم عليه العربيه كان ناقص كوره واحده من الأساس و طالما التحرك فى حدود كوره واحده فقط صعوداً و نزولاً فوق المستوى الأساسي يبقى ده طبيعى
يعنى حضرتك العربية عندك كانت مظبوطه على ٥ كور و دلوقتى علشان اتركنت كتير بقوا ٤ كور لان كل الزيت نزل لتحت فده طبيعى جداً
و زى ما قال ياسر بيه لو كان فيه مشكلة كانت بانت جداً عند 2600 كم و مكنتش هتقف عند كورتين نزول فقط

نصحتى ليك، تابع العربية لغاية صيانة ال ٥٠٠٠ كم، لو فيه كوره واحده كمان نزلت ( يعنى بقوا ٣ كور) يبقى بالتأكيد فيه مشكله عندك، انما لو فضل المستوى عند ٤ كور لغاية لما تعمل ٥٠٠٠ كم يبقى بالتأكيد معندكش اى مشكلة

ان شاء الله خير

و كل سنة و حضرتك طيب

تحياتى