بما انى مش جايلى نوم بالرغم انى مفروض أصحى بدرى قلت أقولكم الحكاية الرابعة اللى كان ليها تأثير كبير فى حياتى.
كانت فيه حالة لسيدة فى الأربعينات كنت أجهزها لأن هناك دكتور سيقوم بعمل عملية جراحية لها فى الفم فى امتحان الدكتوراة الخاص به.
كانت دوماً تأتى هذه السيدة بصحبة ابنتها و كانت دوماً ما تستند الابنة على يد أمها أثناء الرحيل و لكننى لم أُعر لهذا الأمر انتباهاً.
فى يوم كنت أعمل على هذه السيدة و ابنتها تجلس معنا فى العيادة و كنت أريد أن أرمى قطعة من القطن فى سلة المهملات فقلت للفتاة: لو سمحتى قربيلى السلة. فلقيت البنت عمالة تدور حواليها فقلتها :أهى قدامك. المهم انها قربتهالى
بعد أن انتهيت من العمل اذا بالأم تقول لى:دكتورة بنتى عامية مابتشوفش. ذُهلت لهذا الأمر لأن هذه الشابة الواقفة أمامى لا يُرى عليها أى أثر من فقدان البصر فعينيها لا تدور دون هدف أو انها لا ترتدى نظارة تخفي عينيها أو أشياء من هذا القبيل ثم استطردت الأم قائلة:بنتى يا دكتورة كانت من الأوائل على المحافظة فى الثانوية العامة و كان حلم حياتها تدخل كلية الطب ، بس بعد النتيجة كنا مسافرين و عملنا حادثة و حصلها اللى حصل و اضطرت تدخل كلية التربية.
و الله تأثرت من هذا الموقف كثيرا ، فعندما كانت تروى فانها كانت تروى بحسرة أى أم على ما ألم بابنتها من مُصيبة و ابتلاء شديد و لكننى رأيت فى عين هذه الفتاة ما لم أراه فى عين امها ، رأيت القوة و العزيمة و الارادة.
فاذا بى أنظر لهذه الشابة الواقفة أمامى و أقول لها:حبيبتى اعلمى أن هذا ابتلاء من عند الله ، و ليس هذا نهاية المطاف و لكنه بداية الطريق الى حياة أخرى ، ممكن أن يكون قد أخذ الله منكى البصر و لكنكى لو صبرتى و احتسبتى لأعطاكى البصيرة.....و أخذت أُصبرها بكلمات بسيطة.
أصبحت تأتى مع أمها فى كل جلسة و أصبحت أُصبرها بما تجود به الكلمات من معانى ، فاذا بوالدتها فى يوم من الأيام تأينى بصورة لابنتها وهى مخطوبة و تقول لى:شفتى يا دكتورة ديه صورتها ، كانت مخطوبة قبل الحادثة بس بعد اللى حصل خطيبها سابها. قلت:لاحول و لا قوة الا بالله.
حكاية هذه الفتاة قد أثرت فى كثيرا و نظرت اليها من نظرة أخرى ان الاعاقة الحقيقية ليست الاعاقة البدنية أو الذهنية و لكنها الاعاقة الروحية ، هذه التى تُعيق الروح عن الانطلاق و التقدم هذه التى تقول لك"مش هتقدر ، مش هتنجح ، مش هتنفع" هذه هى الاعاقة الحقة و للأسف يُعانى منها الكثير من الأصحاء.
فكم من أعمى و هو مُبصر و كم من أصم و هو يسمع و كم من قعيد و هو يسير هذه هى الاعاقة الحقيقية.
رحلت الأم و رحلت معها ابنتها الشابة و لكنها تركت فى نفسى أثراً و عُمقا غريباً لن تمحوه السنين ما حييت.
فكرتينى بمشكلتى وهى ليست مشكلة فى الواقع فانا رزقت بابنتى الاولى وهى الان عمرها 12 سنة ولخطأ دكتورة الاولادة ولمشيئة الله كانت الابنة تحتاج ان تدخل الحضانة فور ولادتها ولكن الدكتورة قالت انها لاتحتاج فما كان من هذا الخطأ المهنى الجسيم ان اصيبت ابنتى بتلف فى بعض خلايا المخ نتيجة عدم وصول الاكسجين للمخ كانت نتيجته انها ستكون طفلة طوال حياتها وتعانى من نوبات تشنجية تتعالج منها المهم مش دى المشكلة المشكلة فى نظرة المجتمع للمعاق نظرة العطف تارة ونظرة الشماتة تارة وللاسف تلاقى الشماتة ممن كنا نظنهم اقرب الناس لنا واسمع بودنى ان ده عقاب ربنا ليهم ههههههههه مع انى والحمد لله ربنا رزقنى وقدرت اعتمر اكثر من 9 مرات وحجيت حجة الاسلام وبحاول اربى اولادى تربية دينية سليمة على قد ما اقدر ورضيت امى الله يرحمها فاريت الناس تغير نظرتها للمعاق ترحم اهله من نظراتهم
تعرفى يادكتورة دى شجاعة كبيرة منك بحييكى على الموضوع الجميل دة وياريت تستمرى
عاوز اقولك ان حكاية زميلك الانانى الغشاش دة فكرتنى بتجربة مش ممكن انساها
وانا فى الكلية جالى حصوة على الكلى وبعدين استقريت انى اعملها فى المستشفى الجامعى عشان ليا تأمين طبى هناك .طبعااا الاطباء استقرو على انى اعملهااا بالمنظار .وانا فى غرفة العمليات وبعد ماأخدت حقنة البنج فى منتصف الظهر متخدرتش وكنت واعى لسة فالدكتور بيسأل الممرضة هو انتى جبتى الحقنة دى منين .فقالتلو ان الدكتور مدير المستشفى امر اننا نستعمل الحقن دى ونخلصهااا عشان خلاص دى expired قالتها كدة بالانجليزى عشان مفهمش والدكتور بس اللى يفهم طبعااا .اللى مكنش حد عارفو انى انا اصلا تجارة انجليزى وفهمت بس من كتر الصدمة متكلمتش واستسلمت بكل هدوء مكنتش عارف هو انا اصلا المفروض اعمل اية.وفكرت انى انا دلوقتى بين ادين ربنا .طبعااا الدكتور ادالى جرعة تانية واللى اعرفو ان دة غلط لانى كدة اخدت ضعف الجرعة ودة مخدر مش اسبرين !!!
الموقف التانى
بعد العملية درجة حرارتى ارتفعت جدااا وكانت فوق الاربعين لمدة اسبوع او اقل قليلااا ودة كان بسبب ان المنظار كان ملوث وانا اخذت عدوى والدكاترة مكنوش عارفين ينزلو درجة الحرارة والعملية طبعاا فشلت المهم بعد ما الاطباء النواب احتارو ومش عارفين يعملو اية جة الدكتور الكبير عشان يشوف حالتى وطبعااا انا كنت نايم وهما واقفين حواليا بيتكلمو بالانجليزى ويتشاورو
انا كنت فاهم الكلام بس فية مصطلحات طبية طبعااا انا مش عارفهااا بس اللى فهمتو ان الدكتور بيقولهم جهزوه بكرة للعمليات عشان نعمل عملية نحط فيهااا حالب صناعى عبارةعن انبوب بلاستيك يقوم بتصريف البول الخارج من الكلى والذاهب الى المثانة طبعااا العملية دى انا مكنتش محتاجهااا هما هيعملوهااا بدون سبب عشان الدكاترة الحلوين يتعلمو مش مهم على حساب مين كلو يهون عشان الغرض الاسمى ... وبعدين فية نائب بيقلو ودرجة الحرارة دى يادكتور هينفع يدخل العمليات فرد قالو مش مشكلة نديلو مخفضات للحرارة لحد مانظبط الحرارة وندخلو العمليات ومش مشكلة لو كانت الحرارة زايدة شوية طبعااا دة غلط انا سألت بعد كدة دكتور تانى عن كل اللى حصلى مرضيش يرد !!!
طبعااا انا مبتش فى المستشفى هربت وزجاجة الجلوكوز ماسكها بأيد والايد النانية فيها الكولونة موصولة بالزجاجة
تعرفى (سقوط الالهة) هو دة كان احساسى
الدكانرة دول كانو حاجة كبيرة قوى بالنسبالى حاجة كدة فوق فى السمااا دلوقتى هما بقو فى سابع ارض وانا بجرى هربان من المستشفى كنت بفكر فى الناس الغلابة اللى لسة هناك اللى بيعاملو الدكاترة بتقديس واحترام شديد اكنهم الهه كنت عاوز اقولهم اهربو بجلدكم اجرو دول هيموتوكو دول بيجربو فيكم ...
طبعااا دلوقتى اى دكتور بتعامل معاة مبسلمش بكلامة على طول بقعد اقولة لية وازاى وممكن تشرحلى اكتر اصلى مش مقتنع طبعااا فى دكاترة بيدايقو جدااا من الموضوع دة طبعااا اصلهم مش فاضيين حد يناقشهم وممكن يوصل الموضوع عندى انى ادى اتخن دكتور قلمين على وشو لو معجبنيش طريقة كلامة وتعاملة معايا انا بصراحة خلاص مبقتش احترمهم ولا هحترمهم تانى خلاص
معلش طولت عليكم بس عاوز اسألك سوءال هو لية كتير جدااا من الدكاترة مبقاش عندهم ضمير مع انهم احسن وضع اجتماعى واحسن معاملة من الناس ليهم توصل لدرجة التقديس واحسن دخل مادى من مهن كتير فى المجتمع عاوزين اية تانى !!!
خالص تحياتى
اخوكم احمد
مع ان مشاركتكم قديمة بالتاريخ لكن المواضيع فعلا تستحق القراءة وبمناسبة اخطاء الاطباء ابى الله يرحمه كان بيحكى لى قصة انه واثناء تغيير استبن السيارة فلت الكوريك والسيارة وقعت على رجله وذهب للقصر العينى (الكلام ده تقريبا فى اواخر السبيعينات ) وقاله الدكتور ان رجله لازم يتعملها عملية بتر ههههههههه ابى قام ومعه العكاز بتاعه وقاله امشى يا ابن ال.......... اللى هيقرب جنب رجلى هموته وابى عاش لعمر 68 ومتوفى وهو يمشى على رجله والحمد لله
مع ان مشاركتكم قديمة بالتاريخ لكن المواضيع فعلا تستحق القراءة وبمناسبة اخطاء الاطباء ابى الله يرحمه كان بيحكى لى قصة انه واثناء تغيير استبن السيارة فلت الكوريك والسيارة وقعت على رجله وذهب للقصر العينى (الكلام ده تقريبا فى اواخر السبيعينات ) وقاله الدكتور ان رجله لازم يتعملها عملية بتر ههههههههه ابى قام ومعه العكاز بتاعه وقاله امشى يا ابن ال.......... اللى هيقرب جنب رجلى هموته وابى عاش لعمر 68 ومتوفى وهو يمشى على رجله والحمد لله
ههههههههههههههه الله يرحم والدك الدكتور قال بدل مايتوجع لا نريحه منها خالص حسبى الله ونعم الوكيل
يا ترى فيه حد بيقرأ الحكايات ديه و لا أنا بأكتبها لنفسى
سيدتى الدكتورة
عايز اقولك ان العمل الصالح ممكن يقعد حتى لولاد ولادة وهو من اعمال الصدقة الجارية ,,,,احب اوضحلك انا كنت متابع المنتدى دة من عام 2007 وماكنتش بتدخل على المنتدى الاجتماعى دة خالص وانقطعت فترة طويلة عن المنتدى كلة عدة سنوات ودلوقتى احنا فى 2014 وبالصدفة بعمل (search) طلع الموضوع بتاعك وبقالى 3 ايام كل يوم اقرأ مجموعة صفحات حسب وقت شغلى بس صدقينى انا مش عارف حكايات مأثرة جداااا معايا وبدعيلك يكون فى ميزان حسناتك انتى واولادك ,,,,,وعاوز اوصل للصفحات الاخيرة بسرعة علشان اعرف انتى لسة بتكتبى ولا توقفتى وربنا يكثر من امثالك وشكرا
سبحان الله وبحمدة,,,,,,,, سبحان الله العظيم
ahmed1900 سابقا
يا ترى فيه حد بيقرأ الحكايات ديه و لا أنا بأكتبها لنفسى
سيدتى الدكتورة
عايز اقولك ان العمل الصالح ممكن يقعد حتى لولاد ولادة وهو من اعمال الصدقة الجارية ,,,,احب اوضحلك انا كنت متابع المنتدى دة من عام 2007 وماكنتش بتدخل على المنتدى الاجتماعى دة خالص وانقطعت فترة طويلة عن المنتدى كلة عدة سنوات ودلوقتى احنا فى 2014 وبالصدفة بعمل (search) طلع الموضوع بتاعك وبقالى 3 ايام كل يوم اقرأ مجموعة صفحات حسب وقت شغلى بس صدقينى انا مش عارف حكايات مأثرة جداااا معايا وبدعيلك يكون فى ميزان حسناتك انتى واولادك ,,,,,وعاوز اوصل للصفحات الاخيرة بسرعة علشان اعرف انتى لسة بتكتبى ولا توقفتى وربنا يكثر من امثالك وشكرا
سبحان الله وبحمدة,,,,,,,, سبحان الله العظيم
ahmed1900 سابقا
المفضلات