عدنا
بما ان مفيش حد رد عليا يبقى أعتبر انكم عايزنى أكمل
طيب انتوا فاكرين كانوا بيقولولى ايه عشان يخلونى أقلع النقاب
مش هتتعينى
انتى كدة دمرتى مستقبلك
المهم اتخرجت و جت سنة الامتياز و خلصتها و جه وقت التعيين و كنت بالفعل من اللى اتعينوا
بس من ضمن مصوغات التعيين جواب الأمن بيجى من أمن الدولة و فيه حالات كتير انه رفض يعينوا ناس ملتحيين أو بنات منتقبات بس رجعوا بعد كدة اتعينوا بقضايا رفعوها
المهم انا المادة بتاعتى اكلينكية يعنى بنتعين على درجة طبيب مقيم أو النيابة و بعد سنتين بنتثبت و نبقى مُعيدين
المهم كان الكل بيقولى الأمن هيرفضك و مش هتتعينى
ألاقى مفيش أى حاجة حصلت و ربنا يسر الأمر و اتعينت طبيب مقيم
قالولى يبقى مش هيثبتوكى
يقوم يحصل ايه
سبحان الله زى ما اتعينت طبيب مُقيم فى الأول اتعينت مُعيدة و اتثبت و الحمد لله مفيش اى حاجة حصلت
حقا من يتقى الله يجعل له مخرجا و يرزقه من حيث لا يحتسب
الغريب فى الأمر انى سمعت الأمر ده من صديقة لى فى القسم قالتلى مرة:أنا ماكنتش مُتخيلاكى كدة
قلتلها: كدة ازاى
قالتلى: كنتى فاكرة النقاب هيكون عائق ليكى فى الشغل بس أنا عمرى ما حسيت معاكى كدة
انتى بتتعاملى عادى خالص و شايفة شغلك كويس
قلتلها: يا سبحان الله ، انتى بتقولى كدة أمال الناس التانية تقول ايه
و أقولها بملئ فمى
ما كان النقاب عائقا لى فى مزوالة أى نشاط اعتدته فى حياتى
فأنا أعمل و أخدم المرضى و أرعى مصالح عائلتى
و رب الكعبة ما غطيت جزءا من جسدى الا و زاد احترامى لنفسى و شعرت بمدى عزتنا كمسلمات
و الحمد لله على جميع نعمائه على
كفاية عليكم الحكاية لغاية كدة
عشان أنا طولت عليكم النهاردة
المفضلات