الموضوع: شراء شقة في الزقازيق

المشاركة الأصلية كتبت بواسطة ahmed_morsy

احنا اشترينا فی الزهور بحوالی 500 الف وشارع 10 متر وانا حاليا مقيم فيه
واشترينا شقة تانية فی الغشام شارع 8 متر 160 متر ب 440 الف تقسيط علی سنتين
https://www.google.com.eg/url?sa=t&s...yglfrdnmmhprda
ده اللينك بتاع الزراعة ممكن حضرتك تتواصل مع المعلن
وای استفسار تانی تحت امرك وان شاء الله تشتری حاجة كويسة

انا متشكر جدا ليك و ان شاء الله لو احتجت اي معلومة أثناء عملية البحث اكيد هرجعلكم.

المشاركة الأصلية كتبت بواسطة michohat

الزقازيق بصفه عامه اسعار العقارات فيها مغال في ثمنها بشكل كبير لزياده الطلب وانخفاض المساحه المتاحه للسكن فيها

منطقه الحناوي دي منطقه واقعه ما بين شارع فاروق والزراعه وجنب منها ارض كليه الزراعه اللي حاليا بقت مباني
الحناوي منطقه هاديه في بعضها ولكن يسؤها قربها من مناطق شارع فاروق و مجاورتها لمساكن الفواخير

الغشام متوسط اسعار الشقق فيه الرينج اللي انت حاطه بس نقطه الادوار المخالفه دي لازم تاخد بالك منها

ممكن تحسبها اكتر هل شراء شقه افضل ولا تأجير شقه فتره الاجازه وده اللي هيحدده طول مده اجازتك
تأجير شقه في الاول ممكن يعرفك انهي منطقه انسب لك لو ناوي تشتري

انا بنزل شهر في السنه و هيكون صعب ان أأجر شقة علشان شهر واحد. كمان عندي بنتين صغيرين و اكيد لما يكبروا هيكونوا عايزين مكان كويس يقعدوا فيه لما يروحوا لاهل مامتهم علشان كده انا بفكر في شراء شقة قبل ما الاسعار تزيد و تخرج بره امكانياتي.

اكيد انت عارف ان الزقازيق مفيش مكان للخروج فيها ولا انديه يتعمل فيها اي نشاط غير نادي الشرقيه واحمد عرابي

المناطق الواعده في الزقازيق طريق الغشام ( حاول تكون الشقه على الطريق نفسه الشوارع الجانبيه ضيقه )

الحناوي فيها مباني جديده بتطلع في منطقه ارض الزراعه اللي كان زمان اسمها ارض عنتر

تقسيم المُعَلمين

معظم ان لم يكن كل الشقق والعمارات من غير جراج فانت اعمل حسابك لو معاك عربيه انك تشوف هتركن فين

المشاركة الأصلية كتبت بواسطة hilal

عاوز تشتري في الزقازيق؟
أدعوك للتفكير جيدا قبل اتخاذ القرار
محافظة بها شعب طيب ،
ولكنها بدون خدمات حقيقية
ولا تختلف عن أي قرية سوى في شوية ابراج سكنية لا معنى لها
وزحام لا يطاق بالشوارع بدون سبب حقيقي
فلا توجد بها أماكن ترفيهية ولا سياحية ولا تسوق ولا جامعات محترمة أو مستشفيات حديثة
وكل من أعرفهم من الزقازيق يسافرون القاهرة لشراء احتياجاتهم لعدم توافر محلات محترمة

انصحك كما ورد باقتراح أحد الزملاء بتأجير شقة مفروشة فترة الاجازة ، واستثمر فلوسك في مدينة أخرى

انا زي ما اوضحت في بداية الموضوع، الغرض من الشقة هو اننا نستخدمها اثناء فترة زيارتنا لاهل زوجتي و ليس للاستثمار و لو كان الغرض هو الاستثمار اكيد ما كنتش هفكر في الزقازيق.

كل الحاجات اللي حضرتك ذكرتها من اماكن ترفيهية او تسوق او جامعات لا تعنيني في شئ لان انا عندي شقتي في القاهرة و الحمد لله متوفر فيها كل كده. و الغرض من شراء شقة في الزقازيق هو اني مش عايز اقعد عند حد اثناء فترة زيارة زوجتي لاهلها.

المشاركة الأصلية كتبت بواسطة michohat

اكيد انت عارف ان الزقازيق مفيش مكان للخروج فيها ولا انديه يتعمل فيها اي نشاط غير نادي الشرقيه واحمد عرابي

المناطق الواعده في الزقازيق طريق الغشام ( حاول تكون الشقه على الطريق نفسه الشوارع الجانبيه ضيقه )

الحناوي فيها مباني جديده بتطلع في منطقه ارض الزراعه اللي كان زمان اسمها ارض عنتر

تقسيم المُعَلمين

معظم ان لم يكن كل الشقق والعمارات من غير جراج فانت اعمل حسابك لو معاك عربيه انك تشوف هتركن فين

ان شاء الله هدور علي الاماكن اللي الاخوة اشاروا بيها زي حي الزهور و تقسيم المعلمين
بالنسبة للعربية فده امر سابق لاوانه لاني لسه معنديش عربية في مصر ولما اشتري ان شاء الله هشوف جراج اثناء فترة اقامتنا في الزقازيق.

قرات خبر قطع الكهرباء عن المبانى المخالفة فى الاسكندرية
شكلها ممكن تقفل على المبانى المخالفة
ساعتها نصف الزقازيق هيبات فى الشارع