الموضوع: الفرامل المدعومة abs

يا استاذ محسن اسمحلي اختلف معاك

يا باشا الإختلاف هو اللي بيخلي الحوار له معني و هدف. :)

يعني انا شتيف انه مش منطقي نقول ان الفايده الوحيدة للايه بي اس التقليل من تآكل الكاوتش

.....بص يا سيدي.....

الهدف الأساسي من إختراع الABS أصلاً هو إعطاء السائق القدرة علي المناورة عند التوقف المفاجئ.....لأن الفرامل العادية بتعمل Wheel Lock للعجل الأمامي فوش العربية بيروح في حتة و ضهرها في حتة تانية لو حاولت تفادي اللي قدامك...

علي الطرق المسفلتة الABS أحسن و بيديلك 3 مزايا......

1) زمن توقف أحسن.
2) قدرة علي المناورة.
3) بيقلل تاكل الكاوتش.

أما على الطرق الزلقة (مياه,حصى و خلافه), فالميزة الأولي بتروح و بتتحول الي عيب حيث يكون زمن التوقف أطول من الفرامل العادية في حدود 22% :shock: و ده معناه ان لو فيه عربية جنبك و مش حتعرف تاخد غرزة يبقي بالسلامة :)
و هو ده اللي حصلي فعلاً و خلاني أقول

عن تجربة شخصية أنا مبحبش الABS

و حتي لو علي الأسفلت و بتجري بسرعة مفيش حاجة حتنفعك و افتكر اللي حصل للأميرة ديانا في 97 و كانت راكبة شبح S280 فيها كل حاجة.

و ده اللي خلاني أقول

سوق بالراحة أرخصلك

:)

و شكراً