الموضوع: ما هى الأسباب الممكنة لتوقف الموتور عن العمل تماما

السلام عليكم و رحمة الله و بركاته

عندى كريستالة 97 مانيوال و الحمد لله إمبارح على الدائرى بدأت تفصل موتور لما أدوس دبرياج و أرجع أدور و تمشى و تفصل تانى مع الدبرياج فى رابع أو خامس مرة إبتديت أشم شياط و أسمع تكتكة و بعدين الموتور فصل و مرضيش يدور تانى كلمت الميكانيكى جه بص على سير الكاتينة سليم و و الكربراتير و عمود التاكيهات بس لقى العربية مسربة المياه كلها مع إن أمبير الحرارة معليش بس كان فى خرطوم داخل للكاربتير فاصل
المهم شال العربية على ونش و خدها قال احتمال تبقى البساتم قفشت بس لما يفتح و يشوف و كده حتبقى داخلة فى عمرة
طبعا إنهاردة الأحد و مبيشتغلوش بس كنت محتاج أخد رأيكم هو ينفع الموتور يقف كده مرة واحدة و يحتاج عمرة مرة واحد مع إن كبسه كان تمام و مفيش مشكلة و إيه اللى يخلى الموتور ميرضاش يشتغل خالص كأنه مش موجود أصلا

و لكم جزيل الشكر