كل مايتعلق بالسيارة كينبو فان 8 راكب الجديدة

**السيد رشيد** · 06-09-2016 05:07 PM

الف شكر ليك يا استاذ محمدرشوان على هذا المجهود الرائع _ ___ بس انا عندى سؤال وارجو الرد عليه __ اولا موضوع التوكيل اللى حضرتك اتكلمت عليه مفيش له حلول انا من الغربيه وممنوع ترخيص الفان نهائى لو فيه اى حلول ممكن حضرتك تقوله لى ___ ثانيا لو رجع بيك الزمن للخلف قبل ان تشترى بعد كل اللى عرفته وتجربتك مع الكينبو كنت هتشتريها ولا كنت هتغير رأيك وشكرا

**adeldaoud** · 06-09-2016 11:47 PM

كل عام والاعضاء الكرام بكل خير وصحه وسعاده بمناسبة عيد الاضحي المبارك . وتهنئه خاصه للاستاذ الفاضل محمد رشوان

**amro1965** · 07-09-2016 07:58 AM

المشاركة الأصلية كتبت بواسطة السيد رشيد

الف شكر ليك يا استاذ محمدرشوان على هذا المجهود الرائع _

___ بس انا عندى سؤال وارجو الرد عليه __ اولا موضوع التوكيل اللى حضرتك اتكلمت عليه مفيش له حلول انا من الغربيه وممنوع ترخيص الفان نهائى لو فيه اى حلول ممكن حضرتك تقوله لى ___ ثانيا لو رجع بيك الزمن للخلف قبل ان تشترى بعد كل اللى عرفته وتجربتك مع الكينبو كنت هتشتريها ولا كنت هتغير رأيك وشكرا

لو لبك قريب مقرب تثق فيه من محافظة بترخص السيارات الفان ترخصها باسمه وتمشى بيها فى محافظتك وعند انتهاء 3 سنوات الترخيص بالتوكيل اللى هيعملهولك ترخص انت
اما بالنسبه لتحربتى مع السيارة للامانه
السيارة كويسه
مركز الصيانه دون المستوى بمعنى ان العيب لا يتم اصلاحه الا بعد متابعتهم كذا مره فى المركز
قطع العيار المتشابه مع السيارات الاخرى موجودة اما الفوانيس والاكصدامات وعيره من التوكيل مش هتجدهم بره
لو انت شارى السيارة تقسيط هتتعب لانه سوف يكون عليك الزام الاتى
دفع قسط لا يقل عن 1600 جنية شهريا
مصاريف صيانه بالتوكيل شهريا حوالى 400 جنيه لان السيارة علشان تجيب قسطا هتقطع كيلومترات اكثر
صاحب السيارة محتاج دخل لا يقل عن 1500 جنية
بالنسبه لى
انا موظف بستخدم السيارة فى الذهاب والعودة من عملى فبحمل وانا رايح وان جاى
لكن للامانه اصبحت اضايق من الركاب
لان الراكب بيفاصل كتير وممكن تعمل مشاكل
وبنزين 92 غالى ويجب عليك ان تخلط مابين 80 و 92 غلشان يمش الحال
لكن لو البنزين غلى هركن السيارة ةسةف استخدمها استخدام شخصى فقط

**amro1965** · 07-09-2016 07:59 AM

المشاركة الأصلية كتبت بواسطة adeldaoud

كل عام والاعضاء الكرام بكل خير وصحه وسعاده بمناسبة عيد الاضحي المبارك . وتهنئه خاصه للاستاذ الفاضل محمد رشوان

وانت بالف صحه وعافية وجميع سائر المسلمين

**السيد رشيد** · 07-09-2016 06:09 PM

الف شكر يا استاذ محمد على ردك الجميل وعلى معلوماتك وموضوعك اللى بتنفع بيه الناس ______ بس حبيت افكرك بحاجه فى اول الموضوع قلت هعرفهالكوا يس مجيبتش سيرتها تانى__ فاكر الراجل اللى كان عامل تقرير عن الكينبو بس مردش على حد انا عايز اعرف ليه مردش معلش هوا استفسار رخم شويه بس انت قولت هوضح هو مردش ليه

**amro1965** · 08-09-2016 07:28 AM

المشاركة الأصلية كتبت بواسطة السيد رشيد

الف شكر يا استاذ محمد على ردك الجميل وعلى معلوماتك وموضوعك اللى بتنفع بيه الناس ______ بس حبيت افكرك بحاجه فى اول الموضوع قلت هعرفهالكوا يس مجيبتش سيرتها تانى__ فاكر الراجل اللى كان عامل تقرير عن الكينبو بس مردش على حد انا عايز اعرف ليه مردش معلش هوا استفسار رخم شويه بس انت قولت هوضح هو مردش ليه

نعم فاكر
اللى كان كاتب عن كينبو فان على موقع مصر موتورز
اولا انا سالت فى التوكيل عن الشحص اللى كان كاتب الموضوع ردوا على انه اول شخص اشترى سيارة كينبو فان لكن قدر الله وماشاء انه توفى
وعلشان كده لا يرد على احد
لكن موضوعه بالنسبه لى كان بيجامل كتير فى السيارة بالاضافه انه كاتب ارقام وعنواين توكيل كينبو كلها
من اول ارقام مركز الصيانه الى المبيعات الى معارض التوزيع
بالطبغ اللى بقرا الموضوع اول شى هيلفت نظرة ان هذا الشخص من مبيعات شركة كينبو
لانه فى فرق بين مايقال والفعلى منه
هو بيقول السيارة يمشى معها بنزين 80
مركز السيارة بيقولك لا تضع بنزين 80 علشان بيعمل مشاكل مع حساسات السيارة
لان كل السيارة على كارته كمبيوتر متوصل بكل الحساسات
واللى بقولك رفاهيه مابعدها رفاهية وانسيابية على الطريق
والحقيقه هى سيارة شبه تجارية يعنى تحمل بضائع زي ماتحمل ركاب عفشتها لا تقارنها بالملاكى على الاطلاق
لكن افضل من غيرها
مع تحياتى
محمد رشوان

**السيد رشيد** · 08-09-2016 01:37 PM

اشكرك مره تانيه استاذ محمد واتمنى ان كل اللى عنده السياره دى يدخل يشترك علشان الناس تستفيد علشان كل اللى عاوز يشترى سياره بيبقى بيتمنى معلومات ذى دى عنها

**amro1965** · 08-09-2016 02:35 PM

المشاركة الأصلية كتبت بواسطة السيد رشيد

اشكرك مره تانيه استاذ محمد واتمنى ان كل اللى عنده السياره دى يدخل يشترك علشان الناس تستفيد علشان كل اللى عاوز يشترى سياره بيبقى بيتمنى معلومات ذى دى عنها

ياريت كل من لديه سيا رة يشاركنا اقراحه ومشاكله مع السيارة وطرق علاجها ايه
وكل سنه وانت طيب

**السيد رشيد** · 14-09-2016 12:42 PM

طلب من الاستاذ محمد رشوان علشان الموضوع يكون مرجع كامل لكل من يبحث عنالكينبو يا ريت لو حضرتك تكتبلنا تجربتك مع قطع الغيار الاصليه المتوفره والقطع البديله اللى بتركب للعربيه واقطع اللى مش هتلاقيها غير فى التوكيل والقطع اللى مش هتلاقيها خالص وكده هيكون الموضوع ده مرجع دائم لكل اللى بيفكر فى العربيه دى وان شاء الله يكون الموضوع ده فى ميزان حسناتك وشكرا

**adeldaoud** · 15-09-2016 10:15 PM

العربيه عفشتها سيئه ولما كنت في التوكيل قابلت اتنين سألتهم عن العفشه قالولي فعلا عفشتها وحشه فبيضطرو ميمشوش بالعربيه علي سرعات عاليه علشان الركاب اللي في العربيه بيحسو انهم راكبين مرجيحه وخصوصا الكنبه الخلفيه . وواحد منهم قالي انه كان معاه شيفروليه وغيرلها السوست والعربيه اتظبطت وهو ناوي يغير السوست للكينبو اللي معاه حاليا.
المشكله التانيه اللي عندي الفرامل ضعيفه بالنسبه لحجم العربيه وعلي عدد الركاب الفرامل ادائها سئ خصوصا لما بتكون محمله ال7 ركاب بحس ان العربيه مفيهاش فرامل. بالاضافه الي ان عزم العربيه ضعيف بالمقارنه باول ما اشتريتها كان عزمها افضل من الان . دي ملاحظاتي علي السياره حتي الان بعد اربعة شهور من شرائي للسياره

الموضوع: كل مايتعلق بالسيارة كينبو فان 8 راكب الجديدة

LinkBack

أدوات الموضوع

عرض

-

-

-

-

المواضيع المتشابهه

عايز اشترى سيارة جديدة 2015 وعجبتنى كينبو s2 يا ريت لو حد يعرف عنها حاجه

مقارنة بين السيارات العائلية في مصر أورتيجا 7 راكب - كارينز 7 راكب - افانزا 7 راكب

سمعت ان اللوجان ال 7 راكب فرنساوى فهل ده صحيح وهل الكارينز 7 راكب افضل

الهنود يقارنون الماروتى بالسيارة الجديدة نانو فما رأيكم ؟

كــــــارثة النمر الجديدة تحتاج تخريم جديد بالسيارة

الكلمات الدلالية لهذا الموضوع

المفضلات

المفضلات

ضوابط المشاركة