الموضوع: كل مايتعلق بالسيارة كينبو فان 8 راكب الجديدة

المشاركة الأصلية كتبت بواسطة adeldaoud

ذهبت اليوم لمركز الصيانه لحل مشكلة سخونة العجله الخلفيه نظرا لانشغالي الايام الماضيه فلم استطع الذهاب لهم . ذهبت اليوم وقابلت مهندس الصيانه قالي ما هو العجل لازم يسخن قولتله بس دي سخونيه غير عاديه وبعدين اشمعني العجله دي بس باقي العجل سخن بس السخونيه الطبيعية رفع العربيه ولف العجله بايده فقالي العجله مفيهاش حاجه وبتلف بسهوله بس برضو انا هخفلك العجله شويه قولتله احتمال يكون تيل الفرامل فيه مشكله قافش علي العجله فقالي لو التيل قافش العجله مش هتلف بالسهوله دي واداني رقم تليفونه وقالي لو فيه حاجه كلمني . طلعت بالعربيه من المركز روحت مشوار لاكتوبر ورجعت تاني لشارع الهرم برضو العجله سخنه لدرجة انك متقدرش تلمسها او تحط ايدك عليها انا في الحقيقه مرضيتش اتصل بيه قولت ارجعله تاني المركز بس للأسف كان الوقت قبل الفطار فقولت اكيد قفلو . فانا مش عارف ايه حل المشكله دي

مشكلة المركز انه بيمتلك فنين دون المستوى وليسوا على قدر المسئولية
والعيب الاخطر ان مدير الصيانه مش قادر يفهم ان كثرة المشاكل بتأثر على توكيل بودى كار عامتا
لان العالم اصبح صغير جدا
بحث فى النت ووحدت مشكله لحالتك ووجدت رد من احد الاشحاص


المشكلة دى بدات عندما كنت مسافر وفى الطريق لاحظت ريحة شياط من العجلة اليمين الخلفية وجدت ميكانيكى على الطريق وقال ان البلية قافشة ومفيش شحم ولذلك لازم تسخن غير البلية وغسل العجلة وشحمها ومنذ حوالى شهر كنت غيرت بلى العجلة الشمال فقط ولكن الان الاحظ ان العجلتين الامامين بعد اى مشوار سخنين جداً بعد ذلك روحت للميكانيكى وقال هايغير كاوتش البستم فى العجلتين لان البستم مبيرجعش مكانة وبيفضل محمل على العجل المهم عملتهم ولكن الاحظ بعض السخونة لسة شديدة جداً ولاكن ازيد من العجلتين الخلفيين فهل هذا طبيعى بسبب احتكاك التيل مع العجل اثناء الفرامل الشديدة بسبب تاكل التيل وضعف الفرامل او كثرة استخدام الفرامل اثناء المناطق الزحمة .
ارجو الرد على هذا الموضوع بكل جوانبة لانى خايف يحصل حاجة فى مرة بسبب السخونية ده

انا اسف لعدم التواصل على الصفحه
لبعدى عن النت
لكن التواصل متواصل من خلال الموبايل

المشاركة الأصلية كتبت بواسطة KENBO Car

كينبو (الوكيل الحصرى بودى كار )
الان يمكنكم التواصل معانا عن طريق :
الخط الساخن : 16438
الفيس بوك :https://www.facebook.com/kenboeg/
اوز يارة موقعنا : Kenbo
للمبيعات : 01022444879/01099766618
لمشاكل الصيانة : 01022444898

الاستاذ الفاضل التابع لتوكيل بودى كار
الذى تفاعل اخيرا بعد سنه كاملة
اتمنى ان تهتم اكثر بخدمه مابعد البيع اقصد صيانه السيارة
اغلب الذى اتواصل معهم لديهم مشاكل كثيرة مع مركز الصيانه
واخرهم الاستاذ الفاضل adeldaoud
الذى اشتنرى السيارة ولم تستكمل الالف كيلو ولاحظ سخونه الاطارات وذى مادخل مركز الصيانه خرج منها والعيب مازال
الافضل لحضراتكم التواصل معه وحل مشكلته
كما احب انوه لحضرتك ان مش كل قطع غيار السيارة متواجد فى التوكيل
هذا ماعرفته من خلال التواصل مع اصحاب السيارة الكينبو
وعلى سبيل المثال
حساس البنزين ليس متواجد حتى الان
وصاحب السيارة ماشى به ومتحمل مشاكله حتى الان
كالون درج التابلوه لا يوجد لكن يوجد درج كامل ده اسمه كلام
مثلما اخبرت حضرتك واخبرت مدير الصيانه عندما كنت فى التوكيل ان العالم اصبح صغيرا جدا والمعلومه تأتى فى ثانيه عكس الماضى
وان الذى يحكم على قدره وكفاءه السيارة وتوكيلها لستم انتم
بل نحن مالكوا السيارة
للامانه ونصيحه لكم
سيارتكم جيدا جدا
لكن سوء خدمتكم وصيانتكم للسيارة وتقصيركم تجاهنا يجعلنا لا ننصح احد بشراؤها فى الوقت الذى يظهر سيارة اخرى اكفا واقوى على الطريق
مع تحياتى
محمد رشوان

من الواضح ان كثير من اصحاب السيارات الكينبو بيصينوا خارج الضمان
والعبد لله اخيرا انضم لتلك الفئه للاسباب الاتية
قطع غيار اعلى من اللى فى السوق
مصاريف صيانه مبالغ فيها
استعادة العطل بعد صيانته
10 فى المائة ضريبة مبيعات
الاهتمام بباقى الفئات على حساب الفان
كل تلك الاسباب جعلتنى اصين سيارتى بره
مع تحياتى
محمد رشوان