الموضوع: كل مايتعلق بالسيارة كينبو فان 8 راكب الجديدة

السلام عليكم ورحمه الله وبركاته
يامسهل الاستاذ sam_y الشريك الثانى لى فى الموضوع عن السيارة الكينبو فان
اولا لا شكر على واجب بخصوص الموضوع لانى انا عامله ابتغاء مرضات الله ومعرفه شىء قليل عن السيارة لمن اراد شراؤها
ثانيا سرد الموضوع جه نتيجه اخبار كل شىء عن السيارة اولا بأولا واتمنى انت تكتب انت كل شىء بيقابلك مع السيارة وكيفية اصلاحه او معرفه كل شىء جديد عن السيارة ممكن ان يغيب عنى او باقى مشاهدى الموضوع عن السيارة
ثالثا بخصوص مركز الصيانه وغلو اسعارهم هو سلاح ذو حدين بالنسبه لنا اما اغير واصين سيارتى خارج الضمان بسعر اقل من سعر التوكيل ب 50 فى المائه واخسر الضمان
او اصين فى الضمان واضمن سيارتى على الاقل لمده سنه ونصف لان كما تعرف السيارة اسمها لسه جديد فى السوق المصرى وان افضل صيانه سيارتى بمركز الصيانه
رابعا بالنسبه للتكييف بالنسبه لى هو مقيول وانا كتبت بخصوصه انه بيأخذ وقت لتبريد السيارة فى حاله السيارة ممتله مثلا ولو الباب اتفتح بيأثر على بروده السيارة
خامسا اما بخصوص التشيك على السيارة مفيش اضمن من انك انت تشيك على سيارتك بمجرد خروجها من الضمان
انت دخلت المركز بمجموعه ملاحظات على السيارة وعند الاستلام شيك على تلك الملاحظات هل تم صيانتها ام لا فى حاله لا انت غير ملزم بدفع مصاريف صيانه
اخيرا
ان اتشرفت بمعرفتك واتمنى ان تشاركنى اخبار الاخرين عن السيارة من خلال استخدامنا لتلك السيارة الكينبو فان
تحياتى
عمرو

ملاحطة مهمه بخصوص السيارة فى الشتاء
اليوم وانا نازل من المحور الى طريق مصر اسكندرية الصحراوى دائما وانا نازل اشيك على الفرامل واليوم صباحا كان الجو ممطر
المهم وان نازل اللفه بمنحنى وبدوس فرامل وبسبب المياه حسيت السيارة بتذحف بالجنب كأنى دايس على زيت المهم شلت رجلى من على الفرامل اتعدلت السيارة ونزلت عادى والحمد لله ان مفيش سيارة كانت ماشى بجوارى
استنتاجى من تلك الحاله عن السيارة
اهتم دائما وانت بتلف مثلا او نازل نزله سواء كان الارض مبتله ام لا احذر الاتى
اولا فى الملفات هدى وخذ الملف بسرعه الثانى او الثالث على الاقل فى حاله الارض ناشفه اما فى حاله الارض مبتله اهدى فى الملفات جامد وخذ بالك وانت بتلف حتى لا يحدث معك مع حدث معى
ثانيا السيارة والطريق مستقيم زى الفل لكن عندما يكون الجو ممطرا خليك ماشى هادى وابعد عن السرعه الزائدة
حفظكم وحفظنا الله من كل مكروره

السلام عليكم ورحمه الله وبركاته
كنت قد كتبت رأى فى موضوع اخر عن موضوعى فحبيت انقل تلك الرؤية فى موضوعى
واليكم ماكتبته


موضوع رائع والاكثر روعه رأى الاستاذ احمد عن تسلسل الاحداث للسيارات الصيني ونشأتها
وسوف اذكر لحضراتكم مراحل تجربتى مع السيارة الصينية
كان امتلاكى لسيارة ريجاتا نوفا موديل 90 ونظرا لانى قليل التنقل بسبب ان كل عائلتى تكاد تكون فى مربع واحد
فكانت السيارة مركونه اوقات كثيرة الا انى فى بعض الاحيان كنت بروح بيها الشغل 100 كيلو رايح جاى
ونظرا لزياده الاعباء الاسرية فكرت انى ابيع السيارة الريجاتا بعد ان بدأت مصروفاتها الكصيرة فكرت فى بيعها واشترى سيارة تعوض السيارة القديمه بسيارة جديدة لاسرتى وفى نفس الوقت اعمل عليها من والى شغلى لتزيد دخلى
المهم بدأت مراحل البحث وكان من هويايتى النت لانى ببيع وبشترى من خلال النت
فكنت ابحث عن سيارة امكانيات ومشهود لها بالكفاءه فكان امامى ثلاث اخيتارات
سيارة شيفورلية 8 راكب ثمنها حوالى 92 الف جنيه - كاملة توكيل منصور شيفورلية
سيارة كينبو 8 راكب ثمنها حوالى 79.5 الف جنيه - كاملة توكيل جديد فى السوق المصرى
سيارة كارى 8 راكب ثمنها حوالى 77.5 الف جنيه * كاملة توكيل غالى غبور
سوزوكى فان 7 راكب ثمنها حوالى 66 الف جنيه – بدون كماليات توكيل
المهم بعد المقارنات اخرجت سيارتان من تفكير الشراء بهم نهائيا
الشيفورلية فان سبب الرفض
غلو ثمنها الذى يتعدى حوالى 12 الف جنيه بسبب اسم منصور شيفورلية
سيارة صينى تجميع مصرى وفكرنى بالسيارة اللادا تجميع مصرى والادا المستورده كان الفرق بينهم كان حوالى 7 الاف جنيه منذ 8 سنوات
سرعه دوران بيعها لموديل السنه تجد من يريد بيعا لم يمشى بها من 500 كيلو الى 2000 كيلو ومويدل السنه ويريد بيعا
مشكالها المتعدده فى الكرونه وزياده صوت موتورها العالى كان من ابرز تعليقات بعض مالكيها
الصيانه فى توكيل منصور به مشاكل متعدده مع عملائه وهذا قرأته كثيرا على النت
السوزوكى فان سبب الرفض غير مقبوله لا شكلا ولا موضوعا
رغم انها يقااااااااااااااااااااااا اااال انها ياباتى الا ان بالبحث اكتشف انها وهم السمع المنتشر بين المصرين اوعى وشك ده يابانى انها انها تقفيل مصرى وزباله واردا انواع الخامات كمان
غلو سعرها الفاحش
موتورها هندى
بدون أى كماليات تذكر وان اشتريتها عليك انك تغير اطاراتها وتعدل فيها يعنى اعمل حسابك على 5 الاف جنيه

الان انحصر الاختياران الى سياراتان الكينبو فان والكارى
اخترت وفضلت الكينبو فان عن الكارى بعد استخارة الله عز وجل
سيارة صينى مستورده من بلد المنشأ وليست تقفيل مصرى
توكيل جديد يخوف التعامل معه
لكن عتد التحرى من بعض ماليكها والاتصال بهم تم ازاله هذا التخوف وسيارة تم الشكر فيها
شكل السيارة مرضى ليه
سيارة اطول فى من الكارى واقل فى العلو من الكارى
سيارة موتورها 1340 سى سى عن الكارى 1200

الان وبعد حوالى 4 شهور من شراؤها الحمد للها على الاداء اينعم هى سيارة شبه تجارية بحيث لا تقارن بالسيارة الملاكى السيدان من حيث الاداء والامكانيات وسبل الراحه لكن الحمد لله الاداء راضى عنه حتى الان
اما من حيث قطع الغيار فالسيارة تتشابه مع كثير من السيارات فى السوق المصرى
كثرة السيارت وتنوعها فى السوف المصرى بيجعل اصحاب شراء قطع السيارات بيستوردها مش همه بس لا وافراد الان بيشتروا لحسابهم وبيستوردا ناك القطع عندما يجدوى تلك السيارات انتشرت فى السوق المصرى

النتيجه والخلاصه والنصيحة
قبل الشراء الكل يحذر من الشراء اوعى ده سيارة صينى هترمى فلوسك فى الارض مش هتعرف تبيعها واللى يغيظك التحذير بياتى بدون درايه ولا وعى مجرد سمع فقط لا غير
خلال مراحل الشراء
ادرس السيارة مع سيارات اخرى وقارنها بالنسبه لك وابحث على النت عن سيارات كانت معلنه عن بيعها ويفضل السيارات المعلنه خلال فترة بعيدة حتى يكون صاحبها باعها فتقدر يعطيك المعلومه صحيحة وكامله عن تلك السيارة
تحرى عن مدى مصدافية التوكيل وصيانته من خلال النت ومن خلال مالكى تلك السيارة
لا تصدق كل مايقال لك من التوكيل عن مميزات السيارة المبهرة لكن اشترى فقط
خذ المثل القائل نصب عينيك العجلة فيها الندامه والتأنى فيه السلامه فى موضوع شراء السيارة
واخير شكرا لصاحب الموضوع وشكرا للاستاذ احمد عن استفاضته فى موضوعه عن السيارات الصينية الذى استفدت منه كثيرا

اتصل بى احد الاصدقاء بأنه سمع ان السيارة وصلت 82 الف جنيه
اتصلت باحد مسئولى البيع واخبرنى بانه نفس السعر القديم
كينبو فان فاضية 69.5
كينبو فان كاملة 79.5
وبعض الاصدقاء بتسأل عن عنوان المعرض وعنوان مركز الصيانه
المعرض
نزلة المريوطية بجوار مطعم فلفه من الدائرى اتجاه الرماية
مركز الصيانه
نزلة صفط من الدائرى اتجاه الرماية
نصيحة دائم على تكرارها لكل من يتصل للسؤال عن السيارة الكينبو فان حتى لا اكون بعمل دعايه للسيارة
انا شارى السيارة من تاريخ 2015/8/15 عندما اعطى انطباع عن السيارة فانا بعطى انطباع وتقييم مؤقت عن السيارة ممكن تكون السيارة معى الحمد لله مريحانى والعكس صحيح مع اخر
فيجب على من يريد الاقدام على شراء السيارة ان يتبع الاتى
- مقارنه السيارة بسيارات اخرى من حيث الحجم والعرض والثقل والكماليات والسعر
- كثرة السؤال عن السيارة المراد شراؤها من كذا مصدر وليس من مصدر واحد والمصادر كثيرة منها النت ونوع السيارة فى الشوارع المصرية
- سؤال المرور التابع له هل يتم الترخيص لتلك السيارة ام لا اذا كان المرور التابع له يرخص تلك السيارة يجب ان يكون معك ايصال كهرباء مدون به نفس العنوان الذى فى بطاقتك والا لن يرخص لك المرور السيارة
- اعتبرنى مصدر من تلك المصادر الذى تسأل به عن سيارتك ولا تأخذ كلامى مصدر صدق كامل تقرر به شراء تلك السيارة
- اسأل عن اسعار وقوه الخدمه فى الصيانه لتلك السيارة

معلومه أى توكيل سيارة بيعطى نسبه خصم فى حاله بيع السيارة كاش فيجب على من يريد الاقدام على شراء سيارة كاش يحاول يأخذ نسبه خصم
واخير
موضوعى ليس دعاية للسيارة هذا اولا
ثانيا
موضوعى كتبته بعد ان وقفت نفس الموقف الذى يقف فيه كل من يريد شراء السيارة - شفت السيارة وعجبتنى وفى المعرض مسئول المعرض يفضل يشرح لك امكانيات السيارة وقوتها ومتانتها وتحملها على الطريق وكمالياتها المختلفه عن مثيلاتها وكأنه بيبيع لك طائرة مش سيارة تجارية لان السيارات الفان تعتبر ضمن السيارات التجارية الصغيرة وليست ملاكى
ثالثا
السيارة عندما تراها حتى لو اعجبت فلا يسمح لك مسئول البيع تجربتها على الاطلاق لانها بلا وقود من حيث لا تقدر تحكم على صوت الموتور والكرونه مثلا
رابعا
اللى يقدر يحاول يجرب السيارة المراد شراؤها على الطبيعه قبل الشراء يكون افضل لانه فى تلك الحاله سوف يكون قد جمع كل المعلومات عن السيارة المراد شراؤها وبقى تجريب السيارة ولو مشوار صغير 10 كيلو على طريق سريع يكون افضل حتى لو بالمقابل المادى هيكون وصلت للاقتناع الكامل

وبالتوفيق
اخيكم
محمد رشوان

نظرا لان احد الاشخاص اتصل بى يريد يعرف افضل سيارة فان مستعملة
لذلك اتيت لحضراتكم بموضوع منقول بردوده قد يفيد احد الاعضاء يريد شراء سيارة مستعملة
علما بأن الموضوع قديم منذ سنه 2012 كان احد الاعضاء بيسأل عن افضل السيارات اللى فى السوق فى تلك الفترة
الموضوع
ابحث عن سيارة فان مناسبة و ذلك غير السيارة المشهورة سوزوكي فان 7 المصريالغير امنة نهائيا و الي سعرها مغالي فية ايضا و بالبحث لم اجد الا البديلالصيني و محتار لان كل وكيل يعطيك ضمان و بيطمنك من توافر قطع الغيار و هيكالتالي مع الاسعار.
1- سيارة مناسبة شانا ستار 2 فان - 1300 سي مكيف و جنوط فقط سعرها 65000 توكيل مودرن موتورز
2- سيارة ليفان فان 1400 عربية حجمها كبير و تحس انها مصفحة 1400 سي كل الكماليات ب 70 الف توكيل سعودي جروب
3- كول كار شانجان و مش عارف مين توكيلها بس عربية بجودة عالية 1400 سي مكيف ب 72 الف
4- مارادونا جوينا فان توكيل جديد عربية شبة الجوكر ب 60 الف مكيف
5- عربية اسمها فاو فان ب 60 الف مكيف بس مش عجباني.
6- و ايضا عربية اسمها كاري توتو توكيل كدة في طنطا فاضية ب 56 الف.
7- شيفرولية الجوكر بتعاعة شعبان من منصور الكل عارفها
طبعا كل دي سيارات انجيكشن
8- سوبر باندا فاضية بدون كماليات و لكن موتور 1100 سي كربراتير بنزين 80 جديد من ابو غالي سعرها 53 الف.
ايهما افضل من قدرة الاستحمال كسيارة عائلية و تجارية في نفس الوقت و ايهما افضل الكربراتير او اىنجيكشن. في الاستعمال
و اي حد ينصحنا عن تجربة من اي هذة السيارات علشان دايهاتسو لا يوجد منها الا الفئة النقل فقط و شكرا
الردود
اضم صوتى لصوتك وياريت اسعار فئات شيفروليه n300 (الجوكر) وهل هى افضل من الصينى ولا زيهم والسوزوكى احسن منهم؟؟
---------------
شفروليه مرفوع عليها قضايا كتير وشكاوي كتير في حمايه المستهلك
العربيه مش ثابته وعفشتها خشنه جدا وبتتاكل بسرعه وفيها مشاكل ميكانيكيه كتير
انا رايي هات تويوتا افانزا مستعمله
http://www.shermankuek.net/images/My%20Avanza%204.JPG
لو جبت ال 1300 سي سي هتلاقيها لو 2007 مثلا هتكون عامله في حدود 70 الف جنيه
واسمك راكب تويوتا في الاخر يا باشا
------------
انا ايضا مش عجباني الجوكر و كنت محتار بين السوبرباندا و الشانا ستار 2
و المهم اخترت شانا ستار 2 علشان توكيل مودرن موتورز الي هو توكيل سوزوكي ونيسان و تاكدت من ان جميع قطع الغيار متوفرة فرع الشركة بشارع الرشيدالمهندسين قريب من عمر افندي
هنعمل اية مافيش بدائل تانية.
-----------
انا شايف ان الجوكر يعتبر من افضل الاختيارات الموجودة حاليا بالرغم منالسمعه السيئة الى طالعه عنها بس انا سئلت ناس اشتروا العربية وجربوهاومرتاحين معاها ....
-------------
كل السيارات الصيني بها مشاكل و لكن لا يوجد بديل الا هي عن السوزوكي الفانفي مصر مع العلم انة يوجد بدائل كثيرة جيدة و لكن قوانين الجمارك والاستيراد بتغلي سعر العربيات جدا فتلجا التوكيلات للصيني
ارجو من حكومتنا الكريمة تغير تلك القوانين علشان الناس بتدفع فلوس في الصيني و بتترمي على الارض
----------
ابعدو عن السيارات الصيني
اشتريت عربية صيني شانا لاقيت فيها عيوب صناعة و تم استبدالها باخري طلعتاسوا فيها عيوب بالكارونة و علشان لسة مكنتش رخصت تم رد العربية و استرادادالفلوس بصراحة مكنتش مصدق
ارجوكم احذرو
-----------
حضرتك ماشوفتش ليه ديهاتسو Gran max العربية دى اقل ما يقال عنها انهاحديدة وعضمة ناشفة بجد.انا فاكر ان فى منها 1300 و 1500 سى سى انا اللىشوفتها وركبتها كانت الفان النقل مش الركاب بس عربية كدة تحس انها شبهالتيوتا التيربو الـ14 راكب العربية دى واسعة بشكل غريب.
بالنسبة للسعر على ما اعتقد من 72 الى 85 حسب التجهيزات.
-------------
استاذ محمد الدايهاتسو جميلة فعلا و لكنها لا يوجد منها الا فئة النقل وانا كنت ارغب في سيارة ملاكي لاني شغلي لا يحتاج كل المساحة دي
و لكني الان قررت اني اشتريها و مش مهم انها نقل اولا سعرها بقى 89000 وغير موجودة كمان بالحجز الدولار بهدل السوق و هذا الوقت غير مناسب للشراء.
-------------
السلام عليكم جميعا
توصلت في النهاية للسيارة الدايهاتسو موتورها قوي و معقول في البنزين ومكيفها ممتاز مع الحمولة و ثبات على الطريق عالي و لكن ما يعيبها ليسبالسيارة و لكن
1- كل من بالطريق يعاملك على انك سائق نقل يعني انا اتصورت رادار على سرعة 78 عند المنوفية وكل شوية في الطفاية و شنطة الاسعاف و الرخصة و سلئقالعربية هو مالكها و لا لا يعني المرور هيطلع عينك مع اني كنت بجريبالسوزوكي قبل ما ابيعها على 90 و لم اتصور رادار ( حاجة تجنن بلدنا دي )
قطع غيارها غير متوفرة غير في التوكيل على سبيل المثال قلتر بنزبن ب 1800 ج تيل 600 ج و هكذا
طبعا السيارة بنزين 90 او 92 و مقارنة بالسوزوكي 80 او النقل جاز يبقى تكلفة
المــــــــــــــــرور و هو الاسواء و لم اتصور يوما ان الرخصة سنةبالتامين و الضرائب في حدود 1300 جنية و تدفع رشاوي في حدود 500 جنية علشانتخلص و هقولكو اية الي حصل معايا في مرور الحوامدية الظابط اصر على انياركب في العاربية الدايهاتسو حاجز حديدي خلف كرسي السائق و لا تدفع 300جنية وهعديها طبعا زرجنت و مرضتش و بعد ما مشيت وروحت ركبتها و خرمو فيالقائم من جوا السيارة و ركبوها ندمت اني ما دفعتش و خلصت ورجعت تاني وقفتطابور 3 ىساعات علشان اطلع الرخصة
و خلصت الحمد لله و شايل هم موعد التجديد الي جاي
في النهاية لو عاوز عربية شغل و طحن ( سوزوكي لو شغل جوا البلد مش سفر ) و دايهاتسو لو شغل سفر و مسافات
و تبعدو عن الصيني نهائي حتى لو اعجبك نصيحة لانها مش بتاعة شغل
------------
تسلم على الاهتمام و الرد
و كمان ربنا يكرمك و يبعد عنك شرها و شر المرور و الرشاوى و العطلة
انا استخدامى للعربية هيبقى شغل نقل بنى ادمين الصبح و بعد الظهر خاصة لمشاويرى و داخل البلد
بس انا بصراحة تعبت على قسط حلال دون شبهات و مالقتش غير فى شيفروليه وابوغالى عشان دول بيقسطوا مباشر و عبداللطيف جميل بطلوا ينتجوا الجران ماكسالدايهاتسو ركاب بقت نقل بس يعنى مافيش قدامى عشان ظروف القسط غير السوبرباندا ابوغالى وقطع غيارها سوزوكى او فى شارع زكى و صيانتها ابوغالى و انامايل ليها او شيفروليه و هى صينى بردوا بس غالية بفرق 14 الف جنيه و طبعامنصور
يا ريت تشاركنى و تنصحنى جزاك الله خير
-----------
أنا إن شأن الله عاوز اشتري سياره فان 7 أو 8 راكب بالتقسيط ومش عارف احددأي نوع أحسن يستحمل الطرق بتاعتنا ويكون سعرها ما بين 60\70 ألف وقطعغيارها متوفره أنا هنقل بها ركاب وفي نفس الوقت عائلية.
أنا بفكر في
n300
بس مش عارف ايه رأي الاخوه الأعضاء ياريت أصحاب الخبرة يفيدوني ولهم جزيل الشكر
وأنا اسف على للاطاله
------------
ايه اللي عجب حضرتك فيها. يعني قطع غيارها منتشرة مثلا
أو من حيث الشكل ياريت لو عندك معلومات عنها تكتبها علشان الكل يستفاد ولو عند أحد الأعضاء معلومات عنها ياريت يشاركنا.
-----------
سوزوكى افضل بمراحل
----------
بص السوزوكي معانا لما بركبها ساعات
اكتر شئ بيضيقني ان الثبات سئ جدا عالسرعات المتوسطة
ومع ان العربية معدلة حجم الجنط وكمليات فقيرة فاضية بالمعني
لكن قطع غيار معقولة واسعار مناسبة
-------
أنا يا جماعه شغال في شركه الحمد لله وعاوز العربيه تجيب مصرفها بس وفي نفس الوقت عائلية يعني شكلها مهم جدا
---------

بالنسبه لرد على الاسئلة الخاصه بالتقسيط
انا لا انصح ابدا نوع التقسيط المستخدم من قبل توكيل سيارة كينبو لان الفائدة كبيرة جدا حوالى 25 فى المائه فى السنه الواحده يعنى دبح بمعنى الكلمة
لاكن اللى عايز يقسط يفضل عن طريق بنك مباشرا ولا دخل للتوكيل فيه
لان احد الاصدقاء اتصل بى واخبرنى ان اخية اشترى سيارتين التوكيل اخذ منه مقدم عن كل سيارة 50 الف جنيه وتم تقسيط الباقى على اربع سنوات
بحسبه بسيطة
المبلغ المتبقى = ثمن السيارة الاصلى - المقدم =
79500 - 50000 = 29500
الفائدة على المبلغ = المبلغ المتبقى * 25 نسبه الفائدة * عدد السنوات
29500 × (25×4) /100 = 29500
القسط الشهرى = المبلغ المتبقى + قيمه الفائدة على عدد شهور التقسيط
29500 + 29500 /48 = 1229
ده حسبه ميسطة لتقسيط التوكيل دبح مثلما اخبرت حضراتكم

من بعض الاتصالات اخبرنى صديق مشترى السيارة الكينبو فان
رفض ان يذهب لمركز الصيانه من اجل تركيب تيل فرامل وصيانه بسبب مغالاه مصاريف الصيانه
اشترى تيل فرامل تيوانى تم تركيب والحاله تمام معه ووفر على نفسه الذهاب لمركز الصيانه
اخبرت هذا الصديق ان يتفاعل ضمن موضوعى ويكتب كل مايقابله مع مع السيارة لاستفيد وكذلك باقى الاعضاء الذين يمتلكون السيارة
او من يريد شراءها ووعدنى بالاشتراك واضافه تعليقاته لان اغلب الذين يقراؤن الموضوع بيتفاعلوا تليفونيا معى والافضل العكس