الموضوع: حكايتى مع الكربراتير والتاكيهات

بسم الله الرحمن الرحيم
يوم الجمعه قررت أنى اظبط الكربراتير والتاكيهات رحت شبر مصر عند ابراهيم كربراتير الساعة ٨,٤٥ وصلت لقيت حوالي ٧ مستنيين الورشه تشتغل استنيت معاهم اول ما الورشه فتحت جه صنيعى فك الكربراتير ودخلته الورشه فحص الكربراتير وقلى محتاج باب وجوان وتسليك قتلو اشتعل يا معلم استلم الكربراتير وقلى هيخلص الساعة 5 سلمت امري لله وكلت اتسله فى او حاجة على مخلص ومن خلال الوقفة عرفت ان أحسن واحد فى الورشه اسمه المهندس ابراهيم شاب محترم وفاهم جدا وناس كتير مستنياه هو بيجى متاخر شويه والساعة ٤ لقتهم بيندهو لى الشغل خلص ركب الكربراتير الصنيعى الى فكه هو الى ركبه وبعد كده رحت المهند ابراهيم قلتله من فضلك بصلى على الكربراتير جه قعد يظبط فيه وسلمهولى فبريكه ما تمام وقلى على فكرة انت محتاج تظبط التأكيهات عند بوجيه بيحرق و واحد لا قلت طالما تاكيهات يبقى محمد حماصه سُوَر مجرى العيون على يمين الكبرى رحت وَيَارتنى ما روحت فك الوش وقالى هظبطلك مقاس الاطباق عشان العربيه محمله قلتلو ماشى قعد ينقى ويقيس تقولش دكتور المهم خلص وسفح ٢٥٠ جنيه ومشيت وفاجئه مزيكه حصبله اشتغلت والعربيه بقت تتطلع أصوات غريبه رجعتلو الصبح قالى الكستبانات هى الى عمله الصوت شويه وهتظبط والصوت هيروح مقتنعتش طلعت على الميكانيكى وسألته الصوت دة من ايه جاب مفتاح وحطه على غطاء السلندر وقلى التأكيهات مش مظبوطهكنت هجنن قلتلو أنا عملتها امبارح قلى لا ده فتح عليها جامد خليه يراجعلك عليها قتلو فى حد كويس وصلى واحد عند كبرى التجنيد فى حلمية الزيتون اسمه مختار ورشه كبيره جدا دخلت الأسطى حمّاد واحد من كبار الموجودين فى الورشه قالى بتشتكي من ايه قلتلو الصوت الى انت سامعه ركنت وفتحت الكبوت وبردة العربيه وانا قاعد معاه جاب ورقه وقلم وعمل جدول كتب فيه المقسات المفروض تكون التاكيهات عليها وقام يقيس وفجات المقسات مش مظبوطة فك عمود التاكيهات فيه ركبه متاكله والكستبان الى تحتيها كجرح طبعا البيه المشهور الى عند مجرى العيون مبصش على كل ده لطش وخلاص غيرلى الكستبان وقلى بعد فترة أبقى غير عمود التاكيهات و بعد كدة بدا يبص على الاطباق او ما يدعى بالترامس لقد الدكتور بتاع مجرى العيون حاطط تخشينه بالترامس ورق صاج مش صلب والورق اتبهدل طبعا قلى فنرمي القرف دة وجاب علبه فيها ترامس كتير وحط المقسات المظبوطه وقفل ودور صوت ألعربيه حرير وهادي اختلاف ١٨٠ درجه قلى غير زيت وأدعيلى وخد ١١٠ و ٣٠ كستبان شغل أحسن ومصنعيه اقل من التانى قلت حسبى الله ونعم الوكيل فيه
الصبح تاتى يوم وانا رايح الشغل العربيه نتشت جامد وعطست قمت مغير التوجيهات وطقم الأسلاك بيعها عشان واحد أتقطع منى وانا بغير البوجيهات قلت مش مهم عشان يبقى كله جديد وغيرت فلتر البنزين ودورت برده فى تنتيشه قلت النهاردة الأحد اروح اركن العربيه وانا راجع التنتيشه راحت رحت مكمل على الشعل التنتيشه راحت بس العربيه مخنوقة بسيط حد عنده سبب منطقى أنا قلت يمكن كان فيه سدد فى الكربراتير وراح ؟