الموضوع: أنا خايف

المشاركة الأصلية كتبت بواسطة hobiko

المشكله دايما ان حروب العصابات و الارهاب بتبقي مرهقه و صعبه علي اي جيش نظامي…… سيبك من مصر…… شوف الدول العظمي حصلها ايه في حروب العصابات و الارهاب

امريكا في فيتنام و الصومال و افغانستان و العراق و هي اقوي جيوش العالم…… روسيا في الشيشان…… بريطانيا و ايرلندا و الامثله كتير

ما بالك بقي لما الارهاب ده بيدعمه دول و اجهزه مخابرات رسميه بالمال و السلاح…… غير خونه الداخل سواء بالفعل و لا القول

من الاخر عمر الارهاب ما هزم دوله و هو عارف انه عمره ما ينتصر الا بزرع الخوف و الرعب و التهويل و التعظيم في امكانياته اللي هي محدوده اصلا…… بدليل ان كلللللل اللي بيحصل في سينا ده في بقعه صغيره من الارض اصغر من شبرا و لكن اعلام الارهاب و اعلام الخونه و حتي الاعلام الفاشل الخاص بتاعنا بيصورلك ان سينا كلها مولعه نار و ده مش حقيقي

الحرب حرب نفسيه في المقام الاول…… فامتخافش و اثبت

هقولك نفس الكلام وهو السلاح والفلوس دى دخلتلك منين ؟

ما هو من الحدود والحدود مسئوليه الجيش يبقى لازم محاسبه للتقصير اللى حصل من فتره 2011 للنهارده لان كميه السلاح والارهابيين اللى دخلوا البلد كبيره والدليل ان الجيش بقاله سنتين بيحارب فيهم ومش قادر يقضى عليهم

المشاركة الأصلية كتبت بواسطة far!d

انا رديت عليك في تعليق سابق بس عايز ازود حته بما انك بتفتح مجال
هوا كان فيه امن 2011 ؟؟
شرطه مافيش و الجيش مشغول مع امن البلد الداخلي و هما استغلوا النقطه ديه بالتحديد و تستبعدش ان احداث مدبره عشان يعرفوا يدخلوا اللي هما عايزينه

ولحد النهارده الجيش مشغول بالامن الداخلى بس ده مش عذر فى التقصير اللى حصل واللى الجيش بيدفع تمنه النهارده

جيش مصر جيش قوى وعدده كبير وجيش بالمواصفات دى انشغاله بالامن الداخلى مش يمنعه قيامه بواجبه بحمايه الحدود

بالمناسبه لو محصلش محاسبه للمسئوليين عن الانفلات الامنى واختفاء الشرطه سنه 2011 مش بعيد انه يتكرر تانى

المشاركة الأصلية كتبت بواسطة خالد الشاذلى

يا شباب يا ريت اللى يقول خبر عن الاوضاع فى سيناء يكون بمصدر ولينك للمصدر بتاعه

مصدري عيني، وزيارتى نفسها.