الموضوع: أنا خايف

المشاركة الأصلية كتبت بواسطة far!d

بص يا باسم الغلط اللي هوا ( اسف ولكن بكلمك براحتي و بعشم عشان تفهم اللي عاوز اوصلهولك لكن مش اهانه والله) روح انت حر ايكش و لا الهي يجرالك و انتوا بلد و احنا بلد
ده غلط و بدايه الخلاف و التفرقه
الصح دلوقتي ان الكل يفهم ليه لازم نكون ايد واحده في البلد ديه
اقسم بالله يا باسم و اظن انت عارف وظيفتي
حصل موقف اول ما بدأت ليبيا تقع و ليبي وقع في مشكله قدامي مع بنت من بنات شارع الهرم و هوا كان غلطان و البنت بكل بجاحه عاوزه فلوس 12000جنيه بالظبط (خبطها بعربيه و هوا سكران وهيا بعربيتها) لكن الموقف له حيثيات تانيه عشان كده بقول بنت بجحه
و هو اللي قاللي في البدايه انه مخمور و خلصني من الورطه ديه و عايز امشي انا مش جاي مصر اتبهدل
لكن قولتله بالنص ادفع يا جبريل ليها انت لا ليك سفاره ولا حد فاضيلك عشان يلحقك و دفع و نزلتهم معاه ل 8000 و مشي
تحب تكون لا ليك بلد ولا سفاره تدافع عنك حتى لو غلطان ؟
كل اللي انت قولته صح و موجود لكن مش جديد يعني
ايام 67 ولا 73 كان نفس الحال هوا هوا بس الفرق انه محدش قال ايكش تولع و خلينا نغور و يفرحوا بيها
بس وقتها العدو واحد و معروف دلوقتي كتير و مستترين
حتسافر منها تمام سافر
بس لما تكبر و يكبروا ولادك حتقولهم ايه ؟ مصر بلدي اللي سبتها و مشيت ؟
حال مصر خارجيا اتغير خلاص و اللعبه اتغيرت مش زي الاول واكيد اكيد ده حيعود على النفع داخليا بس مش بين ليله و ضحاها

بالنسبه لموضوع السفاره

السفاره المصريه العظيمه مش بتحل مشاكل المصريين بالخارج و لا بتعملهم حاجه و مستعد اجيبلك مليون مثال في السعوديه و اليمن و كندا و امريكا و غيرهم

بالنسبه للحقبه الزمنيه 67 و 73

الناس اياميها كان مضحوك عليها لكن دلوقتي لا ... اياميها لا كان في تعليم و لا نت و لا دش و لا يحزنون لكن دلوقتي اه ... اه في شويه عاملين مش واخدين بالهم و مضحوك عليهم بمزاجهم و مستقنيصين علي كده و متأقلمين كمان و الادهي انهم بيدافعوا عن الاوضاع و السياسات دي

لما ربنا يرزقني بعيال هعلمهم يعني ايه يبقي عندهم كرامه ... يعني ايه تعيش حياه محترمه ... يعني ايه تكون عندك مبدأ