أنا خايف

**Bassem Youssef** · 05-09-2015 08:35 PM

المشاركة الأصلية كتبت بواسطة far!d

بيعجبني فيك يا باسم انك ناقم على البلد و كل اللي بيحص فيها فوتوشوب ولكن انت لسه قاعد على كرسيك بيتتمشى في الشارع و تشوف شغلك اللي اصلا ده لوحده مصيبه ( بتصنع تصاوير )
و ترجع اخر الليل تنام على سريرك و بتغمض عينك
قول الحمد لله على دول بس و عشان انت مصري مش سوري اخرك تتفرج عيهم من التليفزيون و يصعبوا عليك فا تقفله و تقوم تعمل حاجه تانيه لكن عمرك ما تحس هما حاسين بايه .....
السوريين دلقتي نفسهم ترجع سوريا زي ماكانت ماشيه

و الله اني افضل قاعد علي الكرسي بتاعي و امشي في الشارع بأمان و ان الشغل بتاعي اللي مش عجبك يفضل ماشي و ارجع اخر الليل انام في امان علي سريري

و الله ده حقي كبني ادم و كمواطن زي اي دوله محترمه و لا ده بقه كرم علينا من حد ؟؟؟

**FAR!D** · 05-09-2015 08:41 PM

المشاركة الأصلية كتبت بواسطة باسم يوسف

يعني البلد بتتضرب بالكيماوي و بالصواريخ و عايز المدنيين العزل يفضلوا قاعدين في البلد عشان يبقي اسمهم وقفوا جنب الوطن ؟؟؟؟

يا روح ما بعدك روح ... و الواحد يموت شهيد و هو بيحارب او يهرب بدل ما يموت و قاعد علي الكنبه مش بيعمل حاجه

لا ثواني
ازاي يموت شهيد و هو بيحارب و برضوا شهيد و هوا بيهرب؟
اعتقد اننا مقلناش يا روح ما بعدك روح بعد 67 و سيبنا مدن القناه ولا سينا
يا سيد اصحا و فوق الهدف من كل ده تفريغ سوريا و هوا بالفعل عايز يخوفك وانت خوفت و وقت لو دخولوا مصر حلاقيك اول واحد على مركب هجره غير شرعيه بتهرب و تقف على سور سلك بلد و بتقولهم اقبلوني عندكم لاجئ
وفي الوقت ده يكون العسكري مستنيك تقف جنبه و معاه
طب مانت انسان ياروح ما بعدك روح و حتهرب و العسكري مش انسان و افراد الجيش من انسان؟
طب ماده اللي عملوه في 25 يناير و هربوا بتلموهم ليه لحد دلوقتي
اسكت يا باسم عشان تفكيرك دخ صنفك عندي تصنيف مكنتش اتمناه خالص

**FAR!D** · 05-09-2015 08:47 PM

المشاركة الأصلية كتبت بواسطة باسم يوسف

هو يعني عشان الجيش بيحمينا من داعش .... نفضل اخدين الجزمه القديمه و عايشين عيشه غير ادميه ؟؟؟؟ و نفضل نقول نعيش بالجزمه و اهه احسن من سوريا و العراق ؟؟؟

مينفعش نعيش عيشه محترمه و ادميه ؟؟؟؟ مينفعش ؟؟؟ حرام ؟؟؟

لا يا استاذي متاخدش بالجزمه و لا ممنوع انك تطالب بعيشه آدميه
بس جاري مش لاقي ياكل و حافي و كل يوم بلطجيه عنده و انت بكره حتبقى زيه و الاقيك مهتم بان التكييف مش شغال مثلا
او والدك فقير و بيمر بازامات ماليه بتهدد الاسره كلها و مش لاقي ياكلكم و تقوله عايز اجيب xbox اصل حصرياته تحفه
قصدي مثال و قيس عليه
لو انت فعلا مصدق كميه المؤمرات و الناس اللي بتحترب مصر حتقول يارب عديها بس الاقي بلدي زي ماهي
البلد خربانه و البلاد المحيطه كلها بقيت ارض اعداء
زمان مكانش فيه الا العدو الشرقي
دلوقتي الجنوبي و الشرقي و الغربي
حقك انك تعيش و تاكل و تتمنى عيشه محترمه بس لما تكون الظروف مهيئه لكده

**FAR!D** · 05-09-2015 08:53 PM

المشاركة الأصلية كتبت بواسطة باسم يوسف

الكل عارف

ان لا داعش هتخش مصر ... و لا الجيش الامريكي او الاسرائيلي هيخشوا مصر ... و لا داعش هتتغلب علي الجيش المصري

الكل عارف

مين ورا داعش و مين بيمولهم و ليه و عشان ايه

احنا كدوله لو كان لينا تقل سياسي و اقتصادي و عسكري و مالي كنا عرفنا نضغط علي الدول المموله للارهاب و ادناهم بالجزمه ... كان هنلاقي سيناء تم تطهيرها و العمليات الارهابيه وقفت و الاقتصاد اتحسن بشكل تلقائي و الجنيه المصري ارتفع

لو كنا بنعرف نعمل زي امريكا و المانيا او كنا ربعهم حتي مكنش ده هيبقي حالنا

1-يعني انت عارف ان مصر بجيشها و وراه شعبها اللي واثق فيه حاميين البلد من اهوال و مصايب
طب بتخليني احرق معاك جاز ليه و بتقول في كل موضوع أصل ده جيش بتاع و اصله مش قادر و مش عارف ؟!!!
2-يعني انت عارف انك بتحارب تنظيم ممول و مدعم من اكبر الدول في العالم في نفس الوقت ان التنظيم ده وقع دول و بترجع تقول اننا مبنعملش ليه زيهم ؟ طب مانت واقف قصادهم لكن انت لوحدك و معاك دول بسيطه مقابل قارتين كاملين
3- معلش قدرك و قدرنا و قدر مصر انها تراجعت فتره من الزمن ...نسيبها تموت باه احسن؟ ولا نقف كلنا معاها انا وانن سواء اختلفنا او اتفقنا سياسيا بس الأهم اننا نلاقي ارض نعرف نقف نتشاكل عليها
4- ليه محسسني ان الحرب ديه حاجه بسيطه كده ولا اكنها call of duty ؟ فرد و بينجزها ؟ و بتخلص ديتها يوم او اتنين ؟
باسم انت عمرك 28 سنه مش صغير يعني

**3adelnor** · 05-09-2015 09:38 PM

متخفش واللي بيحصل دا مناوشات ودول جبناء وشغل عصابات
جيشك يا عزيزي بيحارب عصابات مسلحة
انما دا لو جيش قصاد جيش كان الموضوع مخدش معاهم الوقت دا كله , انما دول شويه جبناء واللي بيقلك الجيش متبهدل , قله انت اللي متبهدل في مخك , جيشك قوي مش قاعد علي كرسي ورا شاشة وقاعد ينظر وعملي فيها خبير عسكري ورئيس مخابرات مخابز امن الدولة :)

**FAR!D** · 05-09-2015 09:40 PM

المشاركة الأصلية كتبت بواسطة باسم يوسف

انا مقولتش ان اللي بيهرب و يموت بقه شهيد ... حسابه علي الله انا مليش دعوه
********
لا قولت راجع اللي انت كاتبه فوق لان ده اللي خلاني اعلق على كلامك

الوضع سنه 67 في مصر ملوش علاقه ما يحدث في سوريا الان و مفيش وجه تشابه بينهم
******
ازاي يعني مفيش تشابه. ..بلدين واحتلت بلد أهلها مسبوهاش و قاومه و حاربوا و حابوها و بلد تانيه اهلها تمكن منهم الرعب و هربوا
انت عارف يا باسم انا افتكرت فيلم فيه اقرب شئ لداعش فيلمthe 13th warrior ولو انت شوفت الفيلم حتعرف قصدي على مين داعش

بيفرغوا سوريا ليه ؟؟؟ عشان اسرائيل تتوسع و يعملوا دولتهم الوهميه ؟؟؟
ده مش هيحصل ... هما عارفيين يعيشوا جوه فلسطين عشان يعرفوا يعيشوا جوه سوريا ؟؟؟

و لو هما مش فاهمين كده يبقوا مغفلين اوي الصراحه
********
ههههه لا بيحصل حاليا في جميع دور العرض و بيتم بس انت اللي مش عايز تشوف وشايف ان نظريه المؤامره ديه حاجه تافهه كده
اما ليه عشان قصه طويله جدا انا لسه عامل بيها موضوع عشان لو محدش لسه فاهم يفهم و يهمني مرورك عليه و مش شرط انك تعلق لو مش حابب

مفيش حد هيخش مصر و البشريه كلها عارفه كده و متأكده منه
الجندي في الجيش ربنا يكون في عونه و يرجع لاهله بالسلامه او ينال الشهاده
*****
ليه باه ؟؟ محبه ولا عافيه وبلطجه ولا هوا بكلام بنكتبه على النت احنا ؟ اكيد اسباب اقوي من دول

كل اللي بيحصل في البلد دلوقتي هري في هري في هري و اخرته معروفه للكل
*****
ايه النهايه و الخاتمه؟؟ اكيد مش نهايه سعيده و حنحضن كلنا بعض و نقول لبعض في كل الدول اسفين كنا بنمثل وكل مشرد ولاجئ ارجع بلدك و كل ميت اصحى خلاص التمثليه خلصت

معلش قبل ما تتهمني اني جبان

البلد بتتديني بالجزمه القديمه من يوم ما اتولدت و اول ما تقوم حرب تقولي خد سلاح و دافع عن البلد

انهي منطق ده ؟؟؟ اديك عرفت السوريين سابوا بلدهم ليه و هربوا :)
********
لو هما فعلا بيفكروا زيك بالظبط يا بقى عليه العوض و منه العوض في سوريا راحت خلاص و ربنا يستر على مصر

ردي عليك بداخل الاقتباس و خلي صدرك رحب