فااااااااااااار

**hesham fawzy h** · 12-09-2015 05:16 AM

دى علامة يا مارد

لسة شايف فار ولا عرسة طالعة من العمارة من شوية :)

**3abdo.it** · 12-09-2015 12:22 PM

والله العظيم حصل عندى نفس الموضوع بالظبط فضل شهر فى الشقة وعندى طفلة بردة وجبت كل انواع اللازق والمصايد والسم

لحد معرفت مخبائة . كانت اوضة الاطفال والحمد لله فيها البلكونة . قفلت الباب عليا انا وابن عمى وابويا. وجبت الخبرة الكبيرة الست الوالدة كانت هيا القائد للعمليات وطلع عين الى جبونا وطلعناة من البلاكونة .. كان داخل الشقة صغير من كتر الاكل كبر وربرب

مفيش غير المواجهة العسكرية معاة

**A_H_M_A_D** · 12-09-2015 12:46 PM

كان عندي فار برضه ، كنا ٦ انفار في البيت بنطارده لغايه معرفنا نصطاده بعد ساعه ونص ، انا عارف انه موضوع رخم ومش سهل

**wmz** · 12-09-2015 06:33 PM

استلف قطة من اى حد معرفة

**الاستاذ** · 12-09-2015 06:44 PM

بص الفار بيجوع وبيطلع من مكانه عشان ياكل طب انت عارف مكانه تعمل ايه
تنزل تشترى سم قوى وترش على جبنه او لانشون بس مهم تلبس جونتى لانه بيشم ريحه الانسان وتحطهم فى الى مكان الى هو فى هتصحى الصبح تلاقيه ميت

**lonedoctor** · 13-09-2015 12:49 AM

انا عشت التجربة دى من كام سنة بالسعودية بسبب فتحة المكيف الشباك لم تكن محكمة بشكل جيد واصطدت 4 فيران لغاية ما عرفت مكان دخولهم وسديته
فيه لزق بس بيتباع على هيئة صينية بلاستيك كبيرة مش انبوبة وتحط له اكل فى النص تصطاده بسهولة لكن لا ادرى اذا موجوده فى مصر
المصيدة فعالة لمرة او مرتين بس بعد كدة بيترك رائحة تنفر باقى عائلته من الفئران
الجهاز باعث الموجات جبته وزى قلته وبيلم فيران كمان زيادة
فى بقى مصيدة محترمة انا اشتريتها من موقع ebay بتشتغل بالكهرباء وتحط فيها قطعة اكل ولما الفار يدخل ياكل فيها تصعقه وتموته فورا لكن لا اعتقد متوفرة فى مصر
ابعد عن السم خوفا على الاطفال وغالبا الفار لن يقترب منه
http://www.ebay.com/itm/ELECTRONIC-M...item3d0003bdfb
تقبل تحياتى

**teka_100** · 13-09-2015 09:50 AM

حاول تحدد اقامتة في اوضة معينة وغالبا بيكون في المطبخ في الغسالة من تحت او البوتجاز واقفل علي نفسك واتعامل بقي يامعلم . بس ممكن تستعين بمصيدة وتعمله كمين واللزق كمان عند باب المطبخ مثلا علشان لما يجري يتقفش وربنا معاك انا عشت ليله من غير نوم لغاية ما قفشناه ودخل المصيدة برجلية كانت فرحه كإن مصر جابت جول في البرازيل

**khaled_sabry** · 13-09-2015 09:57 AM

المشاركة الأصلية كتبت بواسطة eso101

ياه .. فار .. دانا مش فاكر إمتى آخر مرة شوفت فيها فار
بس إعرف معلومة مهمة
التعابين بتتغذى على الفران
لو حضرتك ظهر عندك فار يعني المنطقة المحيطة دي فيها تعابين
حطه في كرتونة وطلعه برا البيت .. ارميه لإنه بيحمي الناس من ظهور التعابين

معلومه غريبه و اول مره اسمعها
هل حضرتك متأكد منها ؟؟؟ لانى شوفت فران كتير فى اكتر من شقه سكنيه سكنت فيها لكن عمرى ماشفت ثعبان فيهم او فى اى حته قريبه منهم

بس انا كنت بصيد الفئران دى بالمصيده - لان الجهاز الالتراسونيك او سم الفئران ده مش كويس لان بيموت الفار بعد فتره و ممكن يموت فى حته مزنوقه ماتخدشى بالك منها و يعفن

هى كانت مشكلتى حتعمل ايه فى الفار بعد ماتصيده - كنت بشوف والدى و اقاربى كانو بيدلقو عليه ميه مغليه
بس انا كنت بعتبر ده تعذيب و قلبى الصغير لا يحتمل
اخر فار صيدته اخته بالمصيده و فرجت عليه العيال اولادى بعد كده حطيته بالمصيده بتاعته تحت كاوتش عربيتي و دهسته