الموضوع: فااااااااااااار

انا بقى حتجنن
انا بقالى فى الشقه فتره طويله عمرى ماشفت فيها فار
و مره واحده امبارح سمعنا صوت خرفشه فى الاكياس البلاستيك تحت حوض المطبخ فعرفنا ان فيه فار
جبناله مصيده و و حطناله نص طمطمايه و قشر مانجه - و مافيش نص ساعه و كنا اسطدناه
و اخدته زى ماهو بالمصيده كده فى كيس بلاستيك كبير و نزلت بيه تحت كاوتش العربيه و ادهس

الجديد و الغريب بقى ان امبارح باليل سامعين صوت خبط فى البلكونه - و لحظنا كنا قافلين الالوميتال
ببص لاقيت فار (تانى) قاعد يخبط و عاوز يدخل من الزجاج باى طريقه
نورت نور البلكونه لاقيته هرب
بعدها بساعتين لاقيته رجع يعيد المحاوله !!!!!!!
و هكذا اليل كله و دلوقتى مراتى بتقولى انها شيفاه فى البلكونه

انا عاوز افهم بجد هو ليه مصر يدخل شقتى ؟؟ هل علشان ينتقم لصاحبه اللى مات و لا ايه ؟؟

المشاركة الأصلية كتبت بواسطة amr011111

ﻻ طبعا فترة الانتقام مش دلوقتى :)
هو كل ما فى الموضوع ان الدنيا ليلت وصاحبه مرجعش له فقال يجى يتطمن عليه لما بقى ميلاقهوش ممكن يفتكره طفش او ممكن يشم ريحته انه مات وساعتها فترة الانتقام تيجى.
الكلام الجد بقى حاول انم تحط مصيده له فى البلكونه

انا حاططله مصيده فى البلكونه من امبارح لكن للاسف الباشا ماجاش

لكن انا امبارح بس عرفت هو كان ليه قاعد يخبط فى زجاج الالوميتال بتاع البلكونه
لان الالوميتال عندى فى الحواف بتاعته فيه كاوتش لمنع دخول الاتربه - الكاوتش ده لاقيته امبارح متأرأض جزء كبير منه
الظاهر الباشا الفار ده كان عجبه طعم الكاوتش ده و علشان كده كان شغال عليه اليومين اللى فاتو

على العموم انا حطيتله المصيده قصاد الكاوتش بس لسه ما اصتدهوش
مش عارف بقى هل زهق من الكاوتش و لا ايه - بس انا بحلم بالحظه اللى امسكه فيها - غالبا حموته من التعذيب و حخلي اهله يكتبه انه مات منتحر

المشاركة الأصلية كتبت بواسطة mohab.nabil

الشيكولاتة بتجذب الفار جدا خصوصا لو شيكولاتة ريحتها قوية مش بيقدر يقاوم و الكلام ده عن تجربة ..

معلومه جديده عليا
حجيبله شيكولاته كابورى و يارب تعجبه و مايكونشى بيفضل مارس ولا حاجه اغلى