صورتهالك
عرض للطباعة
صورتهالك
http://www.nilemotors.net/Nile/attac...8&d=1449142314
ماشي... ولو إني ليا ملاحظتين..
أولا.. يبدو ليا إن ده الكتالوج الأمريكي الموجود على النت.. وده ممكن يكون فيه اختلاف لإن المواتير اللي بتنزل أمريكا مش شرط تكون هي نفسها اللي بتنزل مصر..
ثانيا.. الصورة صغيرة شوية..
عموما.. فحسب ما عرفت أقرا.. فمواصفات الزيت المطلوب هي كالتالي:
اللزوجة: 10W-30 أو 5W-30 أو 5W-20
مستوى الأداء: API SL أو API SM أو API SN
نشوف بقى إيه المتاح في السوق:
الـ5W-20 نادر شوية... وما أعتقدش إنه ينفع لإنه فيه كتالوجات تانية من هيونداي وكيا بتقول إن اللزوجة دي ما تنفعش للشرق الأوسط (ده مكتوب في كتالوج عربيتي كيا سيراتو 2014).
الـ10W-30 بردو أشك إنه موجود بسهولة.. ولو لقيته غالبا هيكون معدني أو نصف تحليقي بمستوى أداء متوسط (API SL).
الـ5W-30 فيه منه أنواع كتير قوي في مصر... وأغلبهم تخليقي إذا ما كانش كلهم... وتقدر تستخدم أي واحد فيهم.. ولو عايز أعلى أداء.. يبقى تختار اللي مكتوب عليه API SN.. هتلاقيها مكتوبة على ظهر العلبة.
وعموما.. الكتالوج كده فتحلك باب لأنواع كتير تشتغل معاك.. وكلهم هيكونوا كويسين.
تقدر تستخدم أي واحد من دول.. وشوف اللي تستريحله فيهم:
Mobil 1™ ESP Formula 5W-30 | Mobil 1™
Shell Helix Ultra SN 5W-30 - Shell Global
Castrol MAGNATEC | Castrol MAGNATEC Brand | Engine Oils | Car | Products | Home
Wolver SuperTec 5W-30 - Katalog :: Wolver Lab GmbH - Your tribology expert!
دي صفحة توتال في مصر
Cars
عندهم حاجات تنفعك...اللي هي:
TOTAL QUARTZ INEO MC3 5W-30: http://204.92.52.209/pdf/egypte/lubr...MC3%205w30.pdf
ما تاخدش QUARTZ INEO ECS 5W30 علشان مش متوافق مع الكتالوج.
TOTAL QUARTZ 9000 FUTURE GF5 0W-20: http://204.92.52.209/pdf/egypte/lubr..._0W-20_ENG.pdf
...
علشان حضرتك ما قريتش موضوع القواعد الذهبية لاختيار زيت العربية
في كود الـapi بالذات.. تقدر دايما تحط المستوى الأعلى في الزيوت بدون أدنى قلق.
...
وموجود حضرتك زيت امسويل الامريكي ... تصنيع و تعبأة امريكي و تخليقي بالكامل و لسه كريم منير مستخدمه في عربيته البي ام
دي داتا شيت الدرجة اللي تصلح لعربيتك
AMSOIL OE 5W-30 Synthetic Motor Oil
و دي صفحة الوكيل ليهم في مصر و تقدر تطلبه منهم
https://www.facebook.com/Amsoil-Egyp...homepage_panel
معظم الناس اللي بتشتغل في التوكيلات اللي فيها تفاصيل فنية زي كده ما بتبقاش فاهمة كويس أو ما عندهاش المعلومة الكاملة.. واحنا هنفترض حسن النية بإن المعلومة مش موجودة عندهم.
عموما.. تقدر تزنقه من ناحية الأسعار.. بمعنى إنه لو عنده نوع غالي شوية فالمفروض النوع ده يكون تخليقي تماما.. مش بتكنولوجيا تخليقية..
وأنا بصراحة أشك إنه يستورد زيوت تخليقية تماما علشان فرق الأسعار.. والسوق مش فاهم الفرق .
...
انا مش عارف اشكر حضرتك ازاي
بجد استفدت من حضرتك كتير، وربنا يجازيك كل خير
انا لقيت ان دول افضل 3 انواع متوافقين مع الكتالوج من حيث اللزوجة والمواصفات وشايف ان اعلاهم هو Amsoil Signature وهيبقي موجود قريباً في السوق وناوي اجربه ان شاء الله
http://nileup.com/up/uploads/nilemotors_14497450992.jpg
فعلا الزيوت دي كبها مناسبة وكويسة جدا... وميزة زيت آمسويل إنه تخليقي حقيقي من مواد غير بترولية (مجموعة 4)
أي زيت تخليقي من المجموعة 4 أو 5 هيكون أفضل.. وتقدر تقعده في العربية مش أقل من 15 ألف كيلومتر. .. وهي دي ميزتها الأساسية.
لو عايز تعرف أكتر عن الفروق بين الزيوت التخليقية.. ادخل على الموضوع ده..
http://www.nilemotors.net/Nile/453047-a.html
ونصيحتي ليك... لو نويت على زيت فيهم.. فالأفضل إنك تختار الزيت المضمون من ناحية التوافر بسهولة... لإن الثبات على نوع واحد مناسب للموتور أفضل من التغيير المستمر... حتى لو كانت الزيوت اللي بتغيرها مناسبة.
...
الأول بس عشان نبقى على نور خلينا نتخلص من شوية أساطير غير صحيحة:
● مفيش حاجة إسمها زيت خمستلاف وعشرتلاف.. ده مجرد اجتهاد لجدولة وتنظيم عملية تغيير الزيت.. الزيت بيتغير لما تتغير خواصه ويبدأ يفقد قدرته على التشحيم أو السيلان بكفاءة في المحرك.
● مفيش حاجة إسمها إن ماركة زيت هي الوحيدة اللي تنفع لعربية كذا.. ده بزنس يا باشا وبيضغطوا عليك بالضمان عشان البزنس يتم.. والحقيقة إن صانع الموتور بيكتب لك مواصفة الزيت المناسب للمحرك بتاعه وانت تختار براحتك بين ماركات الزيوت المختلفة حسب جودة المنتج والخدمة المقدمة.
● موضوع إن الزيت كل ما يكون لزج أكتر كل ما يبقى أفضل.. وده كلام غير علمي وهشرح ليه.
● برضه من الأساطير إن الزيت لو لونه بقى إسود يبقى وحش.. والحقيقة إن إسوداده ده معناه إنه قام بدوره في تنظيف شوائب الكربون داخل المحرك ودي حاجة كويسة.. أو إنه إتحرق جوة المكنة وفي الحالة دي بيبان من ريحته ويبقى زيت أي كلام.
خلاص تحررنا من الأساطير؟ طيب يالا نبدأ:
● الزيوت حالياً 3 أنواع.. تخليقي، نصف تخليقي، معدني
التخليقي بيكون عبارة عن مركبات كيميائية بالكامل تعطي درجة سيولة وتدفق داخل المحرك عند درجات الحرارة المنخفضة (في البرد زي بداية الدوارة صباحاً في الشتاء مثلاً)، وكذلك لزوجة جيدة عند وصول المحرك لدرجة التشغيل المثالية وهي 90 درجة اللي بيكون وقتها مؤشر الحرارة عندك وصل للمنتصف تماماً وثبت. وهذا النوع هو أغلاهم.. مناسب للمحركات الجديدة (تحت 130ألف كم) عشان المكنة لسة جديدة والخلوصات بتاعتها ضيقة فمحتاجة انسياب كويس في البرد عشان ما تحتكش ببعضها بدون سائل تليين فمع التكرار المستمر المحرك ياكل في بعضه ويبدأ يظهر بوش بين الأجزاء بدري.
● النصف تخليقي بيكون مركب كيميائي كذلك ولكن مضاف على قاعدة بترولية تُشكِّل حوالي نصف كمية السائل تقريباً.. هيديك لزوجة كويسة في الحرارة لكن إنسيابه داخل المحرك الجديد صباحاً في البرد أقل. وهو أرخص شوية من التخليقي.. مناسب للمحركات المتوسطة (من 130 ألف إلى 250 ألف كم) عشان المكنة بدأ يبقى فيها بوش بسيط بين الأجزاء المتحركة فده يدي اداء جيد معاها لزوجة وانسياب.
● المعدني بيكون عبارة عن مركب بترولي خاااالص عليه شوية إضافات تحسن خواصه.. هيديك لزوجة في الحرارة، لكن الانسياب ضايع في البرد.. مناسب للمحركات الأقدم (من 250 ألف كم وانت طالع) عشان البوش بقى واسع بفعل الاحتكاك والحركة طول العمر ده وانت محتاج زيت تقيل يملأ الفراغات دي لحد ما تخرطه تاني في العمرة إن شاء الله.
● العلامة اللي تعرفك إمتى تنقل من نوع إلى النوع اللي بعده هي إن الزيت يقل في المكنة (بدون تسريب) وذلك على غير العادة، وكما ن صوت المكنة يعلى قبل الموعد المعتاد لغيار الزيت.
طيب أعرف إزاي أفرّق بين التلاتة؟
● التخليقي المعتاد والمناسب للجو مصر في الغالب المواصفة بتاعته بتبقى (5w-30, 5w-40) وبالكتير خالص (5w-50) اللي زي موبيل-وان كدة وده يعتبر تقيل شوية على المكنة الجديدة عشان كدة بيبدأ يخل معاك على 7000 كم
● النصف تخليقي المناسب لمصر برضه المواصفة بتاعته (10w-40, 15w-40)
● المعدني المواصفة بتاعته (20w-50) اللي زي موبيل xhp
من الكلام اللي فات ده طبعاً نفهم ليه لما حضرتك بمنتهى الطيبة بتحط xhp في محرك يعتبر لسة زيرو (أقل من 100 ألف) بتسمع الموتور بيجعر وصوته عالي.. هو في الحقيقة بيستغيث وبيطلب الرحمة لأن الزيت كابس على مراوح قلبه ومحتاج زيت أخف.
تبقى بعض الملاحظات:
● شخصياً بشجع المنافسة بين شركات الزيوت عشان اضمن إنهم يفضلوا يطوروا من مستوى جودة زيوتهم وأنا المستفيد
● شخصياً برضه بفضّل الزيوت المستوردة فقط لضمان رقابة الجودة على المنتج واتطمن إنه مش مغشوش ومضروب في أي حتة جوة مصر بناءً على سمعة وكيله.
منقول للامانه...
أولا.. أحب أحييك لحرصك على إفادتنا بالمعلومات الكاملة..
وأحب أحييك كمان لأمانتك في ذكر إن المعلومة منقولة..
بس اسمحلي أوضح لحضرتك إن بعض المعلومات المذكورة خاطئة ومبنية على لخبطة واضحة في المفاهيم... وللأسف.. الموضوع ده منتشر.
أولا.. أتفق تماما مع رأي كاتب الموضوع في رفضه للأساطير الأربعة اللي ذكرهم..
بس تحديد عمر الزيت مش بيتقاس بالملمس ولا الكلام للحلو ده.. لإن تحديد عمر الزيت محتاج اختبارات معملية مش متوفرة للغالبية العظمى من الناس...
ويمكن أفضل الحلول دلوقتي هي الموجودة في بعض السيارات الألمانية اللي "بتحسب" عمر الزيت في الموتور بناء على المعلومات اللي جاية للكمبيوتر عن ظروف تشغيل الزيت في الموتور خلال فترة الخدمة.. زي درجة حرارة الزيت وسرعة دوران الموتور ودرجة الضغد على دواسة البنزين.. وحاجات تانية كتير.. والمبنية أساسا على ربط الظروف دي بنتائج الاختبارات المعملية المسجلة مسبقا.
علشان كده .. الناس اللي معندهاش العربيات اللي بتحسب دي مضطرين يعتمدوا على توصيات الكتالوج.. وهو ده الحاجة الوحيدة المتاحة لأغلب مالكي السيارات في العالم.
بالنسبة لاختيار اللزوجة.. فده بردو بيتم حسب اسلوب استخدام العربية وبناء على توصيات الكتالوج.. وموضوع زيادة اللزوجة بعد عمر معين أو مسافة معينة مالوش أساس علمي.. خصوصا لو تم اختيار الزيت بطريقة صحيحة حسب الكتالوج.. وكمان .. لو تم اختيار زيوت تخليقية.
ده غير إن مواصفات الزيت ماهياش مجرد اللزوجة وبس.. إنما فيه مواصفات تانية مهمة جدا هي اللي بتحدد جودة الزيت
انصحك تقرا الموضوع ده..
http://www.nilemotors.net/Nile/477071-100.html
الموضوع اللي في الرابط ده فيه تفاصيل كتير بتنفي تماما مبدأ زيادة اللزوجة مع زيادة المسافة اللي ماشياها العربية.. خصوصا إن التآكل والخلوصات والكلام ده كله مش معتمد على المسافة اللي ماشياها العربية لوحدها... إنما داخل فيها عوامل كتير زي:
أسلوب السواقة..
نوع الزيت المستخدم..
طبيعة انتظام الصيانة خلال فترة خدمة العربية..
للأسف.. الكلام ده بقى أسطورة جديدة .. هي كمان محتاجة غسيل دماغ.
آخر حاجة بردو فيها أخطاء.. هي موضوع الصوت...
والحقيقة.. إن كل ما كان الزيت أتقل كل ما كان صوت الموتور أهدى.. لإن طبقة التزييت بتكون أسمك وتمتص الصدمات بصورة أفضل.
بس الأهم.. إن صوت الموتور لا يعتبر مقياس على جودة الزيت.. إنما مواصفات الزيت هي المعيار الأساسي.
...
السلام عليكم ورحمة الله وبركاته
سؤال في السريع البني
هو زيت امسويل 5w50 سيجنتشر يمشي مع فيرنا عامله 28000 كم ؟؟؟
اختيار الزيت لازم يكون حسب الكتالوج...
دي صورة لكتالوج الفيرنا... ولو عندك الكتالوج الأصلي يكون أحسن:
http://www10.0zz0.com/2014/10/19/18/862992544.jpg
حسب الكتالوج ده فاللزوجة المسموح بيها في جو مصر (فوق الـ40 م علشان الصيف) هي:
20W-40 و 20W-50
15W-40 و 15W-50
10W-40 و 10W-50
مع مستوى أداء لايقل عن API SH (يعني يمشي معاك بردو SJ و SL و SM و SN)
...
وافر التحيه و الشكر لخبير المنتدى المهندس بوريو
لى عده اسئله ان اتسع صدرك للاجابه
1- ماهى النسبه المئويه المتوقعه لتوفير البنزين باستخدام زيت A5 بدلا من A3 .. بالتقريب
2- هل يوجد زيت Synthetic لزوجه 5w-40 له مواصفه A5 .. و ان وجد هذا الزيت فماهى ظروف التشغيل الملائمه لاستعماله
3- هل يمكن استخدام 5w-30 ( اعتقد ان اللزوجه المناسبه لى يجب ان تشمل الرقم 40 ) .. استعمالى هو لمسافات قصيره جدا .. الاستعمال السنوى حاليا لا يزيد عن 3,000 الى 4,000 كم
مع وافر التحيه و التقدير
انا ناوي ان شاء اغير لزيت
Amsoil Signature series 5w30
ومواصفاته كالتالي
API SN
ACEA A5
بس المشكلة انه لسه قدامه فترة لما ييجي وانا مظطر اعمل الصيانة اليومين دول
فهل احط ده وخلاص مع العلم انه مش واخد كود ACEA
https://www.amsoil.com/shop/by-produ...?code=OEFQT-EA
بس طبعاً تخليقي من اساس غير معدني و Amsoil باردو ولما اجي اغير بعد كده لل
Amsoil Signature series
ابقي حطيط Amsoil علي Amsoil بدل ما احط نوع تاني!؟
ايه رأي حضرتك borio 1704
العفو أخي العزيز... يا رب أكون ساعدتكم فعلا بشيء جديد..
بالنسبة لأسئلة حضرتك..
١- النسبة المتوقعة للتوفير باستهلاك البنزين عند استخدام زيت acea a5 لا تقل عن ٢.٥ % بالمقارنة مع زيوت a3 .. وده حسب مواصفة الـacea لزيوت المحركات .. وأنا شخصيا أتوقع إن النسبة ممكن توصل لحد ١٠% حسب الفرق بين لزوجة الزيت الـa3 والـa5.
٢- حسب معلوماتي.. فالزيوت تحت تصنيف a5 غير متوفرة بلزوجات عالية... وأعلى لزوجة موجودة منها هي 5w-30 (سواء معدنية أو تخليقية)... وطبعا لزوجات 5w-20 و 0w-20 ممكن تتصنف تحتها...
الأهم من كده.. لازم ناخد بالنا كويس إن مش كل الزيوت باللزوجات دي يتم تصنيفها كزيوت a5... إنما ممكن جدا تلاقيها مصنفة a3 أو a1
والمشكلة الأساسية هنا في زيوت a1... لإنها زيوت غير مخصصة للاستخدام الشاق ولازم تتغير بسرعة (بما لا يزيد عن المقرر في الكتالوج).. على عكس زيوت a3..
والمعروف إن زيوت a5 لها خصائص الـa3 (من ناحية الاستخدام الشاق) + a1 (من ناحية التوفير في الوقود).
٣- بالنسبة لحضرتك.. فالالتزام بتوصيات الكتالوج شيء أساسي.. وبالتالي فالأفضل هو استخدام لزوجة 5w-40 إذا كانت هذه هي التوصيات (اعذرني لأنني لا أتذكرها الآن)..
إنما بالنسبة لموضوع الاستخدام البسيط.. فاحنا في الحالة دي مضطرين نحسب بالوقت مش بالمسافة... وأغلب الكتالوجات وصانعي الزيوت بتنصح بتغيير الزيت كل ٦ أشهر (حتى التخليقية تماما).
تحياتي الخالصة لك.
...
على حسب ما أنا فاهم... كتالوج العربية بيطلب زيت بأحد المواصفات api أو acea... ولو حضرتك حطيت زيت عليه كود acea a5 لوحده مفيش مشاكل... ونفس الكلام لكود الـapi...
ولكن "أفضل زيت" هو اللي يكون عليه الكودين.
حط الزيت الموجود دلوقتي لحد ما ييجي اللي انت بتدور عليه... ولو إني شايف إن فيه زيوت تانية مستوفية الطلبات كلها بردو.. مش لازم "آمسويل".
هو حضرتك بتستخدم إيه حاليا؟؟ ممكن تشتري منه كمان مرة وبعدين إبقى غير لآمسويل... لإن الثبات على زيت واحد أفضل من التغيير المستمر.
...
حضرتك قصدك على الزيت ده؟
http://www.shell.com/motorist/oils-l...W_30_high.jpeg
Shell Helix Ultra 5W-30 | Shell Global
أهو ده مثال حي على إن الماركة والإسم التجاري مش دليل أبدا على جودة الزيت.. أو بكلمات تانية.. مش أي زيت سمعته عالية يكون مناسب ليك.
بس أنا عايز أسألك سؤال...
هو حضرتك شفت المواصفات دي على العلبة؟؟ لإن شل هيلكس ألترا الـ5W-30 فيه منه 13 نوع على موقع شل على الإنترنت... وفيه منهم واحد مناسب جدا.
http://www.shell.com/motorist/oils-l...W_30_high.jpeg
http://www.shell.com/motorist/oils-l...-sn-5w-30.html
إنما لو مواصفاته زي ما حضرتك قلت... يبقى أكيد أي زيت تاني يحقق المواصفات هيكون أحسن منه.
...
هو بالضبط اللي مواصفاته
5w30
API SL
ACEA A3
انما التاني ده مش موجود في مصر اصلاً!؟
وانا كده ناوي ابقي احط
Amsoil Signature series 5w30
وناوي اكمل عليه ومش ناوي اغيره
بس عشان قدامه شهرين لحد مايبقي متوافر في السوق بفكر احط ال Amsoil oe اللي الرابط بتاعه فوق وطبعاً مش واخد كود ال ACEA فحابب اعرف رأي حضرتك
كاسترول ماجناتك محترم جدا
بعمل من 1500 ل 2000 كيلو في الشهر
العربية طبعاً لسه جديدة ماشية 29000 وهغيرلها زيت الاسبوع ده ان شاء الله
الزيت التخليقي اكيد بيبقي افضل للمواتير الحديثة وبيقبي عنده مقاومة اكبر ضد الأكسدة وبيطول عمر الموتور وسرعة تدفق اعلي الخ الخ
طبعاً التوكيل بيحط زيت شيل اللي قولت لحضرتك مواصفاته وانا ناوي اغير ل
Amsoil Signature series 5w30
بس عايز اعرف الفروق الجوهرية بين وبين
Amsoil oe 5w30 لانه مش واخد تصنيف ال ACEA
بس متوافر حالياً في السوق
متابع
هو طبعاً زيت
Amsoil Signature series 5w30 ( تخليقي من أساس غير معدني)
افضل بكتير من زيت شيل اللي التوكيل بيحطه (تخليقي من أساس معدني) واللي قولت لحضرتك مواصفاته
عشان كده انا ناوي احطه واثبت عليه عشان التغيير الكتير مش كويس وكمان لانه هيبقي فيه كل متطلبات الكتالوج
بس كنت حابب اعرف من حضرتك الفروق الجوهرية بين
Amsoil Signature series 5w30
و
Amsoil oe 5w30
اللي مش واخد تصنيف ال ACEA وهل احطه لحين وصول ال Segniture ولا اكمل واحط شيل لحين وصول ال Segniture
طيب...
لو حضرتك معدلك حوالي 2000 كيلو في الشهر.. يبقى متوقع إنك تعمل حوالي 5000 كيلو تقريبا خلال شهرين إلى 3 شهور... وبناء على الكلام ده.. فأي زيت معدني متوافق مع مواصفات الكتالوج هيكون أكتر من كافي..
طيب إيه ميزة الزيوت التخليقية عموما؟؟؟
هما حاجتين....
الأولانية... سرعة سريان عالية مع بداية تشغيل الموتور في الجو البارد (الجو البارد مقصود بيه ما تحت الصفر)... وده بيساعد كتير على حماية الموتور من التآكل ﻹن فعليا ده أكتر وقت بيحصل فيه تآكل مع الاستخدام العادي.
الحكاية دي يتساوى فيها الزيت التخليقي تماما مع زيت التكنولوجيا التخليقية (التخليقي من أساس معدني).
الحاجة التانية.... مقاومة عالية للأكسدة زي ما حضرتك قلت... وده معناه إن الزيت هيفضل محتفظ بخواصه لفترة أكبر... يعني عمره أطول...
زيت التكنولوجيا التخليقية عمره يتراوح من 8-12 ألف كيلومتر... إنما الزيت التخليقي تماما فعمره 15-25 ألف كيلومتر حسب نوع زيت الأساس... وفيه بعض زيوت لماركات معينة ممكن توصل لحد 35 ألف كيلومتر.
الزيوت النص تخليقية يقال إن عمرها أطول شوية من الزيوت المعدنية بس أقل من الزيوت التخليقية.. وأنا شخصيا شايف إنه حل مناسب لحالة حضرتك لإن الفترة المتوقعة للتشغيل هي تقريبا نفس عمر الزيت... وكمان مش هتدفع فلوس زيادة ما استفدتش بيها..
ما تنساش إن الزيوت التخليقية الحقيقية أغلى من زيوت التكنولوجيا التخليقية... بنتكلم هنا على فرق ممكن يوصل لحد 200 جنيه على الأقل في تغيير الزيت.
...
بشكل عام... مواصفات ACEA أعلى من API... وبالتالي الزيوت اللي عليها كود ACEA يفترض إنها أفضل من الزيوت اللي عليها API وبس.
الصفحة دي بتعمل مقارنة لمواصفات الزيوت المختلفة.. وتقدر تشوف الفرق بينها عن طريق رسم توضيحي جميل جدا..
https://www.lubrizol.com/apps/relperftool/pc.html
وكانت بتحط مواصفات الAPI في المقارنات لحد شهرين فاتوا.. مش عارف ليه شالوها..
المهم.. الصورة دي فيها ملخص لمواصة الAPI
https://swiftdiary.files.wordpress.c...3/09/apisn.jpg
هتلاحظ الفرق الكبير لصالح مواصفات الACEA.
أنا شخصيا أفصل إنك تحط زيت مواصفاته متطابقة مع الكتالوج حتى لو كان معدني.. هيبقى أفضل من التخليقي اللي محقق نص المواصفات بس.
...
عملت صيانة فى وكيل دايموند 10000 حط زيت توتال نيو 5w30 نيو 3 mc اما بقى فى صيانة الالف حط زيت توتال بردة 5w30. بس مكتوب علية 9000 اية الفرق بقى بين الاثنين والسعر مختلف كمان ؟
مجموعة زيوت توتال "كوارتز إينيو" بشكل عام هي أعلى زيوت في زيوت توتال.. بمعنى إنها معمولة بأحدث تكونولوجيا قدرت توتال تعملها.
غالبا هتلاقي الزيت إما "تخليقي تماما" أو "بتكنولوجيا تخليقية"... ومتوافق مع أعلى مواصفات API و ACEA
مجموعة زيوت توتال "كوارتز 9000" تقدر تعتبرها زيوت المستوى التاني عند توتال... وغالبا هتلاقيها إما "تكنولوجيا تخليقية " أو "نصف تخليقية"
الاختلافات تعتمد طبعا على حسب السوق اللي بيتباع فيه الزيت.. والمسألة تسويقية بحتة.
عموما... مواصفات زيت Quartz Ineo MC3 5W-30 هي كالتالي:
API SN/CF; ACEA C3
واخد اعتمادات مواصفات الشركات التالية:
◾GM dexos™ 2
◾MB-Approval 229.31 and 229.51
◾BMW LongLife 04
◾VW/Audi 502.00/505.00/505.01
◾Ford: WSS-M2C 917A
◾Kia/Hyundai
تقدر تراجع المواصفات من هنا
Total-EngineOils | Quartz INEO MC3 5W30
بالنسبة لمواصفات زيت Quartz 9000 Future 5W30... فده فيه منه نوعين
واحد قديم ومواصفاته قديمة.. ويفترض يكون رخيص.... حتى لو كان تخليقي بالكامل...
والتاني أحدث وأتوقع يكون أرخص من زيت إينيو بحوالي 30%
مواصفات الزيت القديم هي:
API SL/CF; ACEA 2007 A5/B5
واخد اعتمادات مواصفات الشركات التالية:
◾Ford: WSS-M2C 913B/913C (level)
مواصفاته من هنا Total-EngineOils | Quartz 9000 Future 5W30
بالنسبة للزيت الأحدث... فمواصفاته كالتالي:
API SN/GF-5
واخد اعتمادات مواصفات الشركات التالية:
◾GM 6094M
◾Nissan/Infiniti
◾Military CID: A-A-52039
مواصفاته من هنا Total-EngineOils | Quartz 9000 Future XT 5W30
عموما... في جميع الأحوال... اللانوس يمشي معاها كل الزيوت اللي في السوق تقريبا... لإن طلباتها اللي مكتوبة في الكتالوج متواضعة جدا...
ده أنا بعتبره طبيعي جدا لإن طبيعة اللانوس إنها عربية اقتصادية بالمقام الأول... يعني مش عايزة مصاريف عالية في التشغيل... من ضمن المصاريف دي طبعا الزيت.
ملخص الكلام... كل الزيوت اللي اتحطت في العربية أعلى من طلباتها بكتيييييييييييير... وكلهم كويسين جدا... بالنسبة لعربيتك.
...
طب بالنسبة للزوجات التانية اللي الكتالوج بيوصي بيها زي ؛
10w30
15w40
20w50
بحطها لو حالة الموتور محتاجة اني اعلي باللزوجة في حالة ان مثلاً اللزوجة 5w30 بتنقص؟
وببتدي ساعتها اعلي تدريجي يعني اجرب الاول 10w30 وهكذا؟؟
وبالنسبة للزوجة 5w30 بتتحط عند حضرتك عادي في السعودية ولا لاا؟
لزوجة الـ5W-30 موجودة في السعودية هنا عادي جدا... ومش هي لوحدها.. إنما كمان لزوجة الـ5W-20... وبيتم تصنيعهم هنا في السعودية من إنتاج بترومين.. ده بالإضافة إلى كاسترول...
بالنسبة لاختيار اللزوجة حسب الكتالوج... فإجابة سؤالك موجودة في اللينك ده:
http://www.nilemotors.net/Nile/3876022162-post23.html
عموما... استخدام لزوجة مرتفعة سببه الأساسي هو تعرض الموتور لمقاومة عالية بسبب الضغط أو القرص عليه... وده غالبا بيحصل في الحالات دي:
1- قطر أو سحب سيارات أو مقطورات (كرافان مثلا).
2- صعود مرتفعات أو نزولها (زي جبل المقطم مثلا).
3- القيادة الرياضية والتسابق (سيارات السباق بيتحطلها زيوت تقيلة دايما).
4- القيادة مع تحميل العربية بأوزان عالية أكتر من نصف الحمولة القصوى المذكورة في الكتالوج (غالبا الحمولة القصوى بتبقى 500 كجم).
لو حالة من الحالات دي بتتكرر معاك كتير.. يبقى الأفضل تروح على لزوجة أعلى... بالذات في الأرقام اللي بعد الـW.
...
فعلاً الزيوت الألمانية بتريح
يعني كده الزيت الالماني ده وبغض النظر عن مواصافته يتبع المجموعة الرابعة عشان مكتوب عليه
Synthetic
http://nileup.com/up/uploads/nilemotors_14515655641.jpg