عايز زيت مواصفاته زي الكتالوج (كيا ريو)
اللزوجة 5w30
المواصفات
API: Sm او sn
ACEA: A5
ILSAC: GF4
دايخ علي المواصفات دي اني الاقيها مجتمعة في زيت مش لاقي!؟
عرض للطباعة
عايز زيت مواصفاته زي الكتالوج (كيا ريو)
اللزوجة 5w30
المواصفات
API: Sm او sn
ACEA: A5
ILSAC: GF4
دايخ علي المواصفات دي اني الاقيها مجتمعة في زيت مش لاقي!؟
اسأل علية فى بنزينات توتال او شيل هتﻻقية مكتوب على العلبة او الجركن ..دى مواصفات مشهورة
انا شوفت توتال وشيل مش نفس مواصفات الكتالوج
هل فيه حد يعرف نوع زيت بالمواصفات دي!؟
بترومين سوبرسنثيتك A-1
ده زيت ينطبق عليه كل مواصفات كتالوجات كيا الحالية...
API SN
ILSAC-GF5
ACEA A5
على فكرة... كود الـILSAC-GF4 يساوي API SM
والـILSAC-GF5 يساوي API SN
http://nileup.com/up/uploads/nilemotors_14092577051.jpg
http://nileup.com/up/uploads/nilemotors_14352533251.jpg
أحد الزملاء هنا لقى له توكيل في القاهرة وجابه...
http://www.nilemotors.net/Nile/3875970705-post505.html
وأنا شخصيا حاطه في عربيتي في السعودية.. وشغال زي الفل.
لو ما لقيتوش.. حاول تدور على الزيوت دي... يا رب تلاقيها..
Shell Helix Ultra SN 5W-30
Shell Helix Ultra SN 5W-30 - Shell Global
Castrol Magnatec 5W-30 A5
http://msdspds.castrol.com/bpglis/Fu...PXE-8X6SEB.pdf
وفي أسوأ الظروف ... تقدر تتغاضى عن كود ACEA A5 وتحط زيت بكود A3... بس الزيت كده مش هيبقى موفر في البنزين.
...
توتال ما عندهاش غير زيت واحد بس (من وسط 18 نوع زيت اسمهم QUARTZ 9000) هو اللي يمشي مع الكتالوج...
هتلاقيه في الرابط ده...
QUARTZ 9000 ENERGY HKS G-310 5W-30 | Total Lubrifiants
واضح إنه معمول لهيونداي وكيا مخصوص.. علشان مكتوب عليه HKS ... يعني (Hyundai-Kia Specifications).
يمكن تلاقيه في التوكيل... بس الأغلب لأ.
...
يا باشا أنا في الخدمة :)
بالنسبة للفرق بين كاسترول ماجناتك وكاسترول إيدج... فحضرتك عارف إن شركات الزيوت بتقسم منتجاتها من الناحية "التسويقية" إلى درجات .. درجة أولى تانية وتالتة... وغالبا بيبقى المنتج الدرجة الأولى Premium هو الأعلى من ناحية التكنولوجيا والتطور.. والأغلى طبعا.
فعلى حسب معلوماتي :دي الناحية التسويقية... إنما أنا شخصيا ما يهمنيش من الكلام ده كله إلا الأكواد اللي عليه...
الكاسترول إيدج يعتبر أعلى مستوى في زيوت كاسترول... أغلب الأنواع اللي بتنزل من "إيدج" بتبقى تخليقية بالكامل من أساس غير معدني.. ومستويات الأداء بتاعتها عالية (API بالذات).
الكاسترول ماجناتك يعتبر المستوى الثاني في زيوت كاسترول... غالبا هتلاقيه إما نصف تخليقي أو تخليقي من أساس معدني
فيه كمان حاجة إسمها كاسترول GTX... ده زيت معدني تماما.. ويعتبر أقل زيت في تشكيلة كاسترول.
أنا شفت كاسترول ماجناتك هنا في السعودية بمستوى API SL... يعني زيت متوسط... فعلى عيني وراسي لو الزيت ده تخليقي أو نص تخليقي.. بس ما يمشيش مع مواصفات الكتالوج.
على فكرة... موضوع الـ100 ألف ده أنا مش مقتنع بيه وما لقيتلوش أي أساس علمي... فما تشغلش نفسك بيه.
بالنسبة لزيوت وولفر وبيزول.. لو تقدر تكتب لنا الرابط بتاع كل واحد فيهم... لإن وولفر عندها كذا زيت بمستوى لزوجة 5W-30... وبيزول نفس الكلام.
عموما... الزيوت الألمانية حالة خاصة...
لو لقيت مكتوب عليها HC-Synthesis .... أو Synthetic Technology ... تبقى زيوت تخليقية من أساس معدني... وما تقدرش تخليها في موتورك أكتر من 10 آلاف كيلو
لو لقيت مكتوب عليها Synthetic.... أو Ultrasynthetic ... أو Fully Synthetic.. تبقى زيوت معدنية من أساس غير معدني... وتقدر تحطها في موتور عربيتك لحد 20 ألف كيلومتر... وأحيانا أكتر.
الموضوع ده فيه معلومات كويسة..
http://www.nilemotors.net/Nile/453047-a.html
...
طب ايه رأي حضرتك في الزيت ده
LIQUI MOLY - Motor Oils, Additives, Car Care - Products - Top Tec 4200 5W-30
لفت نظري حاجة كاتبينها على الاستخدام المنوي (Intended Use) للزيت ده ... إنه مخصص للمواتير الـGDi.. وكمان مش أي موتور GDi... ده فئة متقدمة منه إسمها FSI أو Fuel Stratified Injection.
بس ما أعتقدش الموضوع ده يفرق معانا كتير... بس خليني أدور وأرد عليك.
عموما.. الزيت ده تخليقي من أساس معدني.. يعني ما تقعدوش في الموتور أكتر من 10 آلاف كم أو سنة.
واخد تصنيف API SN... وده أعلى تصنيف حاليا من معهد البترول الأمريكي (API)
واخد تصنيف ACEA C3... وأنا عادة باتحفظ على تغيير كود الـACEA إلا في حدود ...
بس هما كاتبين في الصفحة بتاعته إنه يمكن استخدامه مع السيارات اللي بينصح فيها بأكواد ACEA A3 , A5 , B4 , B5 , C2
باقي المواصفات اللي كاتبينها ما تفرقش معانا لإنها مش مطلوبة بالنسبالنا.
يعني ممكن تستخدمه .. لإن الكتالوج بينصح بـ ACEA A5.
ولو إني شخصيا أفضّل استخدم ماركة أكثر شهرة من ليكوي مولي... ده في حالة لو لقيت نفس المواصفات عند الماركة دي.
ده مش معناه إن ليكوي مولي وحشة... بالعكس.. هي مسألة راحة نفسية لا أكثر.
...
طب هتقل عليك معلش وتقولي ايه الفرق بين الاتنين دول اللي في التعليق الجاي
بالنسبة لزيت شيل اللي في اخر رد ده
كود ال api بتاعه ايه!؟
http://ecx.images-amazon.com/images/...BL._SY355_.jpg
Castrol 06243 EDGE 5W-30 Extended Performance
الزيت ده واخد المواصفات دي:
ILSAC GF-5, API SN, ACEA A1/A5, ACEA B1/B5
dexos1 (دي مواصفة خاصة بجنرال موتورز للعربيات البنزين)
الزيت ده كويس جدا ليك.
http://ecx.images-amazon.com/images/...2L._SY355_.jpg
Castrol 06248 EDGE 5W-30 SPT
الزيت ده واخد المواصفات دي:
ILSAC GF-5, API SN, ACEA A1/A5, ACEA B1/B5
بالإضافة إلى مواصفات شركات سيارات أخرى
جنرال موتورز: dexos 1
كرايسلر: Chrysler MS 6395
فورد: Ford WSS-M2C929-A, Ford WSS-M2C946-A
كويس جدا بردو
http://ecx.images-amazon.com/images/...nL._SY355_.jpg
Castrol 03084 EDGE 5W-30
زي اللي قبله.. بس زود عليه مواصفة هوندا Honda HTO-06 ومواصفة جنرال موتورز القديمة GM6094M
http://www.shell.co.uk/motorist/oils...w-30-high.jpeg
Shell Helix Ultra Professional AF 5W-30
الزيت واخد المواصفات دي
ACEA A5/B5; مالوش تصنيف API
بالإضافة إلى مواصفات شركات سيارات أخرى
فورد: Ford WSS-M2C913-C;
جاكوار: Jaguar Land Rover STJLR.03.5003
يمشي... بس مش هيكون كويس زي اللي فوق.
______
بس أنا رأيي تدور في الموجود في السوق المصري .. علشان تبقى ضامن تلاقيه بسهولة...
ده غير إن تغيير أنواع الزيوت كل شوية مفيهوش ميزة.. والأفضل إنك تستقر على نوع واحد.
...
شاكر جدا ليك،
ان مش عايز اشتري اونلاين وبادور في السوق المصري بس شكله سوق فقر وربنا يسهل
ليه محدش جايب سيره الموبيل وان ابو جركن اخضر
غريبه جدا ان سمعه الموبيل وان مش ولا بد في مصر مع انه زيت محترم ورائد ومخترع الزيوت التخلقيه
لإن موبيل الأخضر كود الـACEA بتاعه C2/C3.. في حين إن المطلوب للموتور هو A5...
Mobil 1™ ESP Formula 5W-30 | Mobil 1™
والمشكلة إن أكواد الـACEA لا يفضل التغيير فيما بينها... بمعنى إن مفيش كود أحسن من التاني... لإن كل كود له استخدام.
علشان كده ما رشحتوش.
يمكن كود الـA3 هو الوحيد اللي ممكن نحطه بدل A5 لإن مواصفته بتقول إنه ممكن يتحط في كل أنواع السيارات البنزين.. بس مفيهوش خاصية توفير البنزين.
...
لكن انا بستخدم في اللانوس موبيل وان من سنتين ونص اقصد موبيل وان الاخضر 5w30
من سنتين ونص وعامل بالعربيه خلال المده دي حوالي 106 الف علي نفس الزيت
علشان كتالوج اللانوس مش طالب الطلبات اللي مكتوبة في كتالوج الكيا ريو
مرجعك الوحيد هو كتالوج عربيتك.. مش تجارب الناس التانية
شوف كتالوجك عايز إيه واعمله.
عموما.. اللانوس متساهلة جدا في متطلبات الزيوت.. وتقدر تقول إن أي زيت في السوق تقريبا يمشي مع اللانوس :)
http://nileup.com/up/watermark.php?s...0986582.jpg&p=
...
زيت موبيل ده باردو متوافق مع الكتالوج
http://nileup.com/up/uploads/nilemotors_14450415971.jpg
http://nileup.com/up/uploads/nilemotors_14450415972.jpg
ايه رأي حضرتك في الزيت ده AMSOIL
ده رابط مفصل
https://www.amsoil.com/shop/by-produ...?code=ASLQT-EA
وده ملف بالمواصفات
https://attachment.fbsbx.com/file_do...thplVOTlz3NIqC
borio1704
محتاج اعرف رأي حضرتك في زيت Amsoil اللي في التعليق اللي فوق
سامحني علشان بقالي فترة مش عارف أرد .. يمكن لضيق الوقت أحيانا.
بالنسبة لزيوت آمسويل... فالمعروف إن AMSOIL هي أول شركة في العالم أنتجت زيوت تخليقية من أساس غير معدني.. سنة 1972.
ولحد دلوقتي.. كل زيوتها تخليقية 100% وأساسها تابع للمجموعة 4 و 5 في تصنيف الـAPI... يعني مفيهاش أي أساس معدني معدل.
المهم... اللي يهمني برده من الكلام ده هو المواصفات..
وحسب الصفحة في اللينك الأول بتاع الزيت... فهو مغطي كل طلبات الكتالوج الكامل:
API SN (Resource Conserving), SM…;
ILSAC GF-5, GF-4…;
ACEA A5/B5, A1/B1;
ومطابق لمواصفات شركات السيارات دي:
Honda HTO-06;
Ford WSS-M2C946-A,
WSS-M2C929-A;
Chrysler MS-6395;
GM dexos1™
بالمواصفات دي يعتبر زيت ممتاز لعربيتك.
...
AMSOIL OE 5W-30 Synthetic Motor Oil
طب انا لاقيت ده بس مش لاقي مواصفات ال ACEA
هل ده معناه انه مش واخد تصنيف ال ACEA؟
السلام عليكم ورحمة الله وبركاته
اولا : جزاكم الله خيرا على مجهودكم الرائع في توضيح ما كنا نجهله بخصوص انواع الزيوت وخصائصها
ثانيا : انا معايا فيرنا 2015 وعامل حوالي 26000 كم بيها
حطتلها بعد 1000 كم الاولى زيت شل 10000 كم 5w30 SL بس ماكنش عاجبني وكنت حاسس ان صوت الماتور عالي شوة
وبعدين غيرت وحطيت توتال 5w40 عجبني اول 5000 كم وبعد كدة لقيت صوت الماتور علي تاني والسحب مش اللي هو وكان SM
وفي 20000 كم غيرت وحطيت شل 5w 40 وكان SN مع طبعا تغيير الفلتر وحاسس انه احس شوية
السؤال بقى بعد الرغي اللي فوق ده
هل التغيرات اللي عامل انيلها دي تمام ولا فيها مشاكل ؟؟؟
مع ان كاتلوج العربية بينصح بكذا لزوج من ضمنها
5w30
5w40
10w40
15w50
وجزاكم الله خيرا
كتالوج الفيرنا فعلا مديك براح معقول في اختيار الزيت... بس مش معنى الكلام ده إن أي لزوجة في الكتالوج ينفع تستخدمها..
دي الصورة اللي عندي لصفحة الزيت من كتالوج الفيرنا:
http://www.nilemotors.net/Nile/attac...p;d=1446854266
حسب الصورة دي .. اللزوجات المسموح للاستخدام في جو مصر هي كالتالي:
20W-40 , 20W-50
15W-40 , 15W-50
10W-40 , 10W-50
وبالتالي الـ5W-30 ما ينفعش تستخدمه لإن أقصى درجة حرارة مسموح بيها هي 10°م...
والـ5W-40 المفروض ما يستخدمش إلا في حالة واحدة.. إنه يكون تخليقي... وفي الحالة دي الزيت بيعادل درجة لزوجة 10W-40 المعدني.
عموما... أنا شخصيا أفضل إنك تستخدم زيت معدني... لسببين:
1- إنك تحس بهدوء صوت الموتور.. لإن اللزوجة الأعلى بتقلل الصوت.
2- تكاليفه عليك أقل شوية.. وتقدر تحط حتى زيت شل الأحمر وتقعده 5000 كيلومتر بدون أي قلق... ما دام الزيت أعلى من المطلوب في الكتالوج.
بالنسبة للتغيير المستمر للزيت ...
التغيير في حد ذاته مفيهوش ضرر ما دام المواصفات ماشية مع الكتالوج. .. ولكن التغيير المستمر غير مفضل... علشان كل مرة بتغير زيت بيكون لسه فاضل بواقي من الزيت القديم... ولو بكمية بسيطة...
المشكلة هنا أساسا جاية من اختلاف أنواع الإضافات بين الزيت القديم والزيت الجديد.. واللي ممكن يتفاعلوا مع بعض وفيه احتمال إن يقللوا من كفاءة عملهم..
علشان كده.. لو لقيت زيت كويس ماشي مع كتالوج عربيتك ووجوده مضمون في السوق.. يبقى الأفضل إنك تثبت عليه.. علشان نتخلص من آثار الزيت القديم مرة بعد مرة.
...
liqui moly special tec AA 5w30
Api SN
لو سمحت يا أستاذ borio1704 معايا النترا 2009 ومش معايا الكتالوج فايه الزيت المناسب .. بارك الله فيك
يا ريت كنت أقدر أفيدك... من غير الكتالوج مش هينفع أرشح لحضرتك أي زيت.. لإن فيه اختلافات كتير بين العربيات بناءا على الموتور المستخدم والمنطقة المصدر ليها العربية..
بالنسبة لصفحات الكتالوجات اللي حطيتها .. فمنها اللي موجود عندي فعلا.. ومنها اللي عدى عليا خلال فترة تواجدي في المنتدى خلال الكام سنة اللي فاتت.. والحقيقة أنا مش حافظ كل الكتالوجات :)
فرجاء سامحني..
ممكن حضرتك تسأل في قسم هيونداي لو حد معاه الكتالوج ويصورلنا الصفحة اللي فيها مواصفات الزيت.
...