الموضوع: معلومة صغيرة عن ال dsg

المشاركة الأصلية كتبت بواسطة muhamed mohsen

انا سمعت انك لما تمشى مانويل بتأخر النقل السريع بتاع الفتيس .. لان النقل السريع بيبوظ الميكاترونيك .. فهل الكلام دا صح ولا غلط .. ودلوقتى لو انا ماشى فى طريق كل شويه بقابل مطب فلو مشيت على المانويل ونقلت على rpm 3 هيأخر النقله ويريح الميكاترونيك .اما لو فضلت على d الفتيس هينقل بسرعه ويجيب السابع على طول ويفضل طالع نازل . ايه رأيك ؟ ياريت عاوز اعرف ايه الطريقه الصح والامثل لاستخدامه لانى بمشى اغلب الوقت مانويل وبنقل على rpm 3 فى طرق زحمه او مفتوحه بس فيها مثلا مطبات فكل شويه بقف وبمشى تانى . واتعودت عليه كدا ومش تعبان منه.. فهل كدا غلط ؟ ..
عاوزين آخر كلام فى الموضوع ..

والله يا باشا اكتر نقلة سريعة في الفتيس هيا من 1 الي 2 علشان بتحصل علي سرعة 8 كم تقريبا و دي اخطر وحدة

انما لما توصل لل 7 و ترجع تاني دا عادي فكدة ولا كدة لازم زي ما قولت تتعمل مع البنزين و الفرامل زي العربية المانول براحة خالص مش بغوشومية, سواء كنت سايق علي ال D او المانول مش فرقيين كتير بس لازم الدوسة الخفيفة مش اكتر.

انا شخصيا دي 2 عربية DSG الحمد الله و عامل 63,000 كم ما شاء الله من غير اي ناتشات ولا مشاكل الحمد الله.

المشاركة الأصلية كتبت بواسطة melouk1

ابقي علي ال d بس !!! و دوسيت رجلي خفيفة جدا حتي و انا باشيل رجلي تبقي خافيفة جدا كمان و دوست الفرامل ماتبقاش فاجئة كده تبقي براحة برده.

:))))

مستمتع جدا بكلامك و شرحك المحترم
بس ليه قمة الذل و الحذر و القلق
هوانا نازل اسوق ولا اعمل خطه
العربية تريحني انا , مش هتريحني تغور يعني دي بفلوس مش واخدها سلف
الفتيس فاشل من وجهة نظري البسيطة جداً
البنز و البي ام و البورش و كل دول ألماني و محترمين مشوفناش منهم حاجة غريبة كده
ليه اشتري عربية عشان اروح اضحك عليهم :))) و اقولهم انا عربيتي بترعش :))
مش بتريق والله ... بس ليه يعني
انا كان معايا جيتا كومفرت زيرو ١٦٠٠ ٢٠١٠
موتورها بطة و سواقتها رغم كده ممتعه
واكيد التربو و ال dsg رائع . بس مش بدرجة الذل ده
و تقبل مروري و ربنا يحفظكم و كل عام وانتم بخير

يا باشا اهلا بيك و شكرا لزوقك.
طبعا فيه حظر في الفتيس زي منا بقول. و هقول لحضرتك معلومة صغيرة.
VW/Audi/Porsche/Seat/Skoda/Bentely/lamborghini/Bugatti
كل دول تبع VW و فيه 3 شركات كمان.
المهم كل دول فيهم الفتيس ال DSG بس بتسميات مختلفة.

نيجي Bmw/Benz
فيهم ال DSG بس بتيكنولوجي اقل اسمه ال DCT زي اللي موجود في الهيونداي اللي لسه حتنزل و كان موجود معايا في Veloster GDI UK مش ال Veloster اللي في مصر
هو هو الفتيس بس Full Automatic مافهوش 2 اسطوانة ديبرياج زي ال DSG فابيديك عزم اقل.

العالم كله بيتغير و حاينزل النظام الجديد ده في معظم الشركات من سنة 2017 ان شاء الله سواء DSG او DCT

ال DSG تسرع فتيس في العالم كله و اسرع كمان من المانول العادي و بيدي عزم و كفاءة اعلي منه.
لسه تحت التطوير طبعا و يا رب يتظبط اكتر من كده علشان انا شخصيا ببقي ماشي بيه و حاطط ايدي علي قلبي برده و معلومة كده برده
في فارق كبيييير بين فتيس 2010 و فتيس 2013
و نصيحة بدون التدخل في التفاصيل علشان مينفعش اقول.. بلاش Jetta/Passat اللي نازلة مصر من اول 2013
لو عايزها هاتها خليجي احسن

بالتوفيق ان شاء الله ^_^