الموضوع: استفسار اخير قبل شراء التوليدو 2016

اعتقد ملوش لازمه لان التوكيل ضعيف

المشاركة الأصلية كتبت بواسطة arc_sherif_81

اعتقد ملوش لازمه لان التوكيل ضعيف

اشكر حضرتك على الرد
بس ياريت توضيح اكثر
هو ضعيف من ناحية ايه ( صاينة - قطع غيار - خدمة ......
وهل حضرتك اتعملت معاه وكان معاك مشكلة
وجزاكم الله خيرا

المشاركة الأصلية كتبت بواسطة authority973

استاذ احمد,

طبعا الاختيار يرجع ليك وعلى حسب احتياجك ايه من العربيه ومشاويرك عامله ازاى,

لازم تبقى عارف ان الجيتا فئة اعلى من التوليدو. فنظريا انت بتنزل مش بتعلى,

بس انا وجهة نظرى ان الزيرو زيرو, انت مش ضامن حتى لو دفعت ال 5 الاف جنيه الى محتاجهم الجيتا ان مش هيطلعلك حاجه تانى وممكن فى اى وقت, نتيجة العمر الافتراضى والاستخدام (العربيه بقالها 6 سنين), والالمانى بوجه عام مشاكله كتير وقطع الغيار غاليه نسبيا,


الفرق الرئيسى ما بين الجيتا الى حضرتك راكبها والتوليدو نظام التعليق (العفشه), ودى الحاجه الوحيده الى فى صالح الجيتا, يعنى حتى برغم انظمة الثبات والامان الى فى التوليدو, نظام تعليق الجيتا افضل وثباتها افضل, وده السبب الرئيسى لفرق السعر ما بين التوليدو والليون مثلا, الليون نضام التعليق والعفشه زى الجولف والجيتا, انما التوليدو زى الرابيد والبولو,

متتخضش, مش معنى كده ان التوليدو ثباتها وحش, العربيه جنوط 16 و كاوتش عرض 215 و انظمة ABS and ASR and ESC. العربيه اوروبى وثباتها حلو, بس مش زى الجيتا والليون, لأن البلاتفورم الى مبنى عليه العربيه مختلف.

انما بقى لو قارنت كل حاجه تانيه هتلاقيها فى صالح التوليدو, الماتور فى التوليدو افضل, الى عندك فى الجيتا 105 حصان وفى التوليدو 110 وال اتنين 1.6 MPI

الفتيس تقريبا واحد.

الحجم الاتنين قريبين من بعض تقريبا ويمكن التوليدو شنطتها اكبر

الاوبشنز والكماليات انا معرفش انت معاك جيتا انهى فئه, بس توليدو 2016 نازل فيها كماليات كتير محترمه, تقريبا معظم الكماليات المؤثرة بإستثناء مثبت السرعه والفوجات .

قطع غيار الجيتا اغلى من التوليدو, بس الجيتا قطع غيارها متوفره اكتر طبعا, التوليدو مبقالهاش كتير مش منتشره زى الجيتا,

انا معايا باسات 2008 هاى لاين, وحالتها كويسه, وفى ظل الاسعار الغاليه مش هاعرف اجيب باسات ولا جيتا ولا اوكتافيا زيرو, فبفكر جديا انى ابيعها واجيب التوليدو, وانا مدرك تماما ان انا بعمل Downgrade وبنزل مش ب اعلى, بس بريح دماغى, وشارى حاجه موديل 2016 و مش حامل هم يطلعلى مشكله على غفله واحتاج مصاريف وانا مش عامل حسابى, ابقى مسافر وانا متطمن, ومعايا عربيه فى الضمان لمدة سنتين على الاقل,

ف انا رأى الشخصى, لو انت بتستخدم العربيه كتير وما بتخشش سباقات كلها منحنيات - (لو سباقات طريق مستقيم خليك فى التوليدو بردو :) ) - وسواقتك معتدله وعايز تريح دماغك خليك فى التوليدو.

انا قولت اشاركك تفكيرى , الى ممكن يكون صح او غلط, عشان انا تقريبا فى نفس وضعك والرأى فى الأخر يرجعلك طبعا,

سؤال لحضرتك هو في جيتا موتور P2

وبالتوفيق :)

المشاركة الأصلية كتبت بواسطة dr.amr

انا محتار جدا
معجب بالعربية جدا جدا
ولكن خايف من الوكيل لانه جديد
والسيات يعني ماشاء الله مابيعيشلهاش وكيل
مش عارف اعمل ايه

انا كنت زيك بالضبط وفي الاخر حجزت لعدة اسباب
- العربية قيمة مقابل سعر ممتازة جدا
- الماركة في العموم عربياتها محترمة "اوربي زي ما بيقولو"
- بالنسبة للتوكيل : اسأل اي حد عن اي عربية هيقول التوكيل زبالة ودا علشان احنا في مصر والمستهلك يضرب دماغه في الحيط
- جزئية مش بيعيشلها وكيل : دا لانها كانت مع وكيل سيارات بورش وموتوسيكلات هارلي فاكيد مش هيدوش نفسه بعربية اعلى حاجة فيها ب 200 الف " لان العربية الواحدة من البورش بتمن 10 توليدو
بالنسبة لقطع الغيار : العربية ماتورها ماتور سكودا a4 وبالتالي قطع الغيار الميكانيكا موجودة ودودا اهم حاجة علشان العربية متقفش على قطع غيار
- جزئية ان مش اي حد يشتغل فيها : انا مش دافع 150 الف علشان اخلي ميكانيكي يمد ايده فيها
- حاولت افكر في اي عربية تانية بالسعر دا لقيت عربيات زبالة ولا تقارن بالتوليدو نهائيا
فتوكلت على الله وحجزت
وربنا يوفق ويكون اختيار موفق باذن الله

المشاركة الأصلية كتبت بواسطة mostafaay

انا كنت زيك بالضبط وفي الاخر حجزت لعدة اسباب
- العربية قيمة مقابل سعر ممتازة جدا
- الماركة في العموم عربياتها محترمة "اوربي زي ما بيقولو"
- بالنسبة للتوكيل : اسأل اي حد عن اي عربية هيقول التوكيل زبالة ودا علشان احنا في مصر والمستهلك يضرب دماغه في الحيط
- جزئية مش بيعيشلها وكيل : دا لانها كانت مع وكيل سيارات بورش وموتوسيكلات هارلي فاكيد مش هيدوش نفسه بعربية اعلى حاجة فيها ب 200 الف " لان العربية الواحدة من البورش بتمن 10 توليدو
بالنسبة لقطع الغيار : العربية ماتورها ماتور سكودا a4 وبالتالي قطع الغيار الميكانيكا موجودة ودودا اهم حاجة علشان العربية متقفش على قطع غيار
- جزئية ان مش اي حد يشتغل فيها : انا مش دافع 150 الف علشان اخلي ميكانيكي يمد ايده فيها
- حاولت افكر في اي عربية تانية بالسعر دا لقيت عربيات زبالة ولا تقارن بالتوليدو نهائيا
فتوكلت على الله وحجزت
وربنا يوفق ويكون اختيار موفق باذن الله

أعتقد حضرتك إنها مش a4 الموتور لانها ١١٠ حصان