الموضوع: اول سياره و مش عارف اجيب ايه فى حدود 20 الف

المشاركة الأصلية كتبت بواسطة kempel

ماتنزلشى سوق السيارات اشترى من النت علشان السوق مليان نصابين بص على الرينو 9 مو 1985 الى 1989 عربيه ممتازه الفيات 132 قديمه بس معمره وممتازه ال2000 وال1600 وعندك كمان فورد فيستا تسعينات 1100 سى سى قطع غيارها رخيصه وممتازه ال128 حلوه بس مشكلتها ان المطبات بتأثر فيها جامد

النت مشكلته مشكلتين , شوفت 127 على اوليكس صاحبها كاتب فيها شعر و معلى السعر خدت ميكانيكى و تاكس و روحت للراجل , اولا عايزه طقم شنبر على كلامه و الميكانيكى اكد انها جوانات و ممكن تفتح تلاقى اكثر , قايل كاوتش تيوبلس جديد الكاوتش فردتين عاديين و ضايعين و اثنين تيوبلس 50% المشوار تاكس و ميكانيكى اتكلف 220 جنيه لو كل طالعة لواحد كداب دفعت 220 جنيه يبقى هصرف الفلوس على الفرجه

المشاركة الأصلية كتبت بواسطة ahmed1981

بصفتي جولفاوي معايا جولف2 وقبلها كان عندنا جولف1
بقولك بكل ثقة
إبعد عن الجولف تماما عشان متصرفش عليها كل فلوسك صيانة وتصليح ولف على قطع غيار
.
بلاش الفيات خالص
لو إضطريت للفيات يبقى 131
.
.

فعلا هى خارج الحسابات من الى سمعته عنها من اصحبها لدرجة ان واحد حلف ان بيتلز تريحنى عنها 100 مره , ربنا يعينك عليها
بالنسبه ل131 اسعارها فى العااااااااالى

المشاركة الأصلية كتبت بواسطة م أحمد

لو معندكش اسرة و عملك و سكنك داخل القاهرة...يبقى مشروع العربية بالنسبة لك هيكون تكلفته اكبر من منافعه بكتير

السواقة بعربية قديمة و مانوال مرمطة اكبر من مرمطة المواصلات بنسبة لا باس بها

للاسف محتاجها لاقصى درجة اماكن كثير للشغل التاكس مش بيدخل فيها و لو قضتها تاكس ورا تاكس هصرف اكثر من حق عربيه و مرمطه و انا بتحايل على السواقين يوصلونى حتى لو بأجره اعلى