اول سياره و مش عارف اجيب ايه فى حدود 20 الف

**م أحمد** · 13-10-2015 10:11 AM

المشاركة الأصلية كتبت بواسطة ahmed 2000

متشكر مره ثانيه لاهتمام حضرتك يا باشمهندس احمد و اسمحلى بأخر سؤال , الموديل بيفرق فى السعر ولا الحاله فقط الى بتفرق

الحالة أكيد و دا ما يمنعش ان العربيات الموديلات القديمة ليها حدود فى السعر لا تتعداها

**aw2100** · 13-10-2015 11:43 AM

اشترى اى عربية بلاش ال128 عربية ضعيفة وكل شويه شروخ فى الشاسيه وفى اساسيات العربية انصحك تشوف عربية ماروتى او ممكن 125 او 124 او لادا قديم افضل من ال128 وبراحتك اهم حاجه ماتستعجلش فى شراء عربية ولو تلاقى عربية بتاعه صديق او معرفه تكون عارفها ولو اغلى من السوق اشتريها لان فيه عربيات كتير دلوقتى مضروبه ومبروك على العربية الجديدة!!

**Ahmed 2000** · 13-10-2015 06:10 PM

المشاركة الأصلية كتبت بواسطة aw2100

اشترى اى عربية بلاش ال128 عربية ضعيفة وكل شويه شروخ فى الشاسيه وفى اساسيات العربية انصحك تشوف عربية ماروتى او ممكن 125 او 124 او لادا قديم افضل من ال128 وبراحتك اهم حاجه ماتستعجلش فى شراء عربية ولو تلاقى عربية بتاعه صديق او معرفه تكون عارفها ولو اغلى من السوق اشتريها لان فيه عربيات كتير دلوقتى مضروبه ومبروك على العربية الجديدة!!

و الله يا استاذ وليد انا تعبت , مش عارف اعمل ايه , بس 125 و 124 شكلهم قديم شوية و الماروتى الى مجربنها قالو على الدائرى مافيش ثبات و انسى السرعه و متفكرش تسافر بيها , اللادا الحالات النظيفه في التسعينات بيطلبو اكثر من 20

**Mahmoud Naguib** · 13-10-2015 11:56 PM

متابع معاك

**Ahmed 2000** · 14-10-2015 06:50 AM

المشاركة الأصلية كتبت بواسطة Mahmoud Naguib

متابع معاك

و الله يا استاذ محمد بعد بحث طويييييل قررت و الحمد لله على سيتروين ax المبلع الى معايا يجيبلى حاله كويس جدا فيها , قطع غيارها و الصيانه متوفره جدا فى صقر قريش و الحمد لله , ربنا يوفقنى و اقدر الاقى حاجه كويسه

**smsm2004w** · 24-10-2015 03:38 PM

لو بتفكر فى 128 أفضل موديل هو الجراند لوكس 1991 كانت معايا من الزيرو وجبت عليها عربيات وهى معايا ولسة بايعها من سنه موتورها 1300 وصاجها جيد أفضل كثير من النوفا الموديل اللى بعدها وقطع غيارها متوفرة واى حد بيشتغل فيها وكنت بسافر بيها اى مكان سعرها بيبدأ من 15000 الى 22000 حسب الحالة والكماليات

**Ahmed 2000** · 29-11-2015 05:26 AM

لحد دلوقتى مجبتش حاجه و مش لاقى ميكانيكى امين انزل بيه سوق السيارات و بصرف فى الفلوس و مش هلاقى اجيب عجله فى الاخر و هفضل متمرمت فى المواصلات , قليل الحظ يعضه الكلب فى المولد

**kempel** · 29-11-2015 11:34 AM

ماتنزلشى سوق السيارات اشترى من النت علشان السوق مليان نصابين بص على الرينو 9 مو 1985 الى 1989 عربيه ممتازه الفيات 132 قديمه بس معمره وممتازه ال2000 وال1600 وعندك كمان فورد فيستا تسعينات 1100 سى سى قطع غيارها رخيصه وممتازه ال128 حلوه بس مشكلتها ان المطبات بتأثر فيها جامد

**م أحمد** · 29-11-2015 02:06 PM

المشاركة الأصلية كتبت بواسطة ahmed 2000

لحد دلوقتى مجبتش حاجه و مش لاقى ميكانيكى امين انزل بيه سوق السيارات و بصرف فى الفلوس و مش هلاقى اجيب عجله فى الاخر و هفضل متمرمت فى المواصلات , قليل الحظ يعضه الكلب فى المولد

لو معندكش اسرة و عملك و سكنك داخل القاهرة...يبقى مشروع العربية بالنسبة لك هيكون تكلفته اكبر من منافعه بكتير

السواقة بعربية قديمة و مانوال مرمطة اكبر من مرمطة المواصلات بنسبة لا باس بها