الموضوع: زوجتي طالبة الطلاق ومستهترة بمستقبل ابنتي

المشاركة الأصلية كتبت بواسطة mif

من الواضح من التعليقات ان مفيش تواصل مباشر بينك و بين زوجتك

طالما فيه خلاف و هى مش مستعدة لتقديم تنازلات

يبقى انت ممكت تبتدى و تقدم تانزلات و تروح تقعد مع اهلها علشان يمهدوا للقاء ما بينكم

و لازم تأهل نفسك ان اللقاء يكون محوره حاجة واحدة
اننا لازم ننسى خلافتنا علشان اى طفل بيتربى بعيدا عن ابوه او امه بيطلع عنده نقص دا اكيد ... خاصة لو الاثنين عايشين

و متخليش حد يضحك عليك و يقولك هى ما تستهلش و انك ممكن تتجوز احسن منها ..... لا طبعا .... انت كونت اسرة فلازم تحافظ عليها .

لازم تحارب و تقدم تنازلات و تحل سبب المشكلة علشان ابنك حيتظلم لو انتوا الاثنين مقدمتوش تنازلات .

هو الطلاق واقع لا محالة وفيه اتصال بيني وبينها لكن هي راكبة دماغها ومش عاوزة تتنازل عن أي حاجة عشان مصلحة الولد اللي هي عارفها فين وربنا يبعد عنا الظلم

المفروض انا عليا واجبات وهي عليها حقوق
نفترض اننا اديتها كل حقوقها كاملة وتكفلت بمصاريف الولد من اكل وشرب ولبس وعلاج وخلافه
وبعد دا كله ممكن متخلنيش اشوفه او اتصل بيه او تقرفني في الموضوع علي الرغم انها اللي طالبة الطلاق لاسباب واهية من وجهة نظر الجميع
فهل انا مطالب في هذا الواقت بالاستمرار في مصاريف الولد ولا اربطها برؤيتي له واتصالي بيه

المشاركة الأصلية كتبت بواسطة sss111

المفروض انا عليا واجبات وهي عليها حقوق
نفترض اننا اديتها كل حقوقها كاملة وتكفلت بمصاريف الولد من اكل وشرب ولبس وعلاج وخلافه
وبعد دا كله ممكن متخلنيش اشوفه او اتصل بيه او تقرفني في الموضوع علي الرغم انها اللي طالبة الطلاق لاسباب واهية من وجهة نظر الجميع
فهل انا مطالب في هذا الواقت بالاستمرار في مصاريف الولد ولا اربطها برؤيتي له واتصالي بيه

انت حقك تماما تشوف الولد و تكلمه بانتظام و في مواعيد و فترات مناسبة دي مفيهاش جدال. لازم تتفق معاها على النقط دي بوضوح و في حضور ناس كبيرة من أهلها و في نفس القعدة تتفق معاها على مصاريف الولد. انت كدة كدة حتحتاج تبعتله فلوس كل شهر على الأقل و ممكن انت تشترط انك تقسم تفقته على مرتين في الشهر و توضح انك شارط كدة عشان تضمن تشوف ابنك. حقوقها هي كزوجة لازم تديهالها و متشيلش نفسك ذنبها

يا فندم حضرتك بتقول ارياف
واحنا معظمنا اصولنا من الارياف و مشفتش واحدة من الارياف و من بني سويف تمشي كلامها على كل رجالة عليتها
الا اذا كانت القعدة العربي كلها ستات و ده هزار طبعاً .. مفيش يا فندم الكلام ده
انا بعتذر مش بشكك في كلام حضرتك الا اذا كان اهلها متفقين معاها عليك بس ده اللي واضح .. لكن مش ممكن يبقوا معارضينها و سايبينها
ده العائلات الفافي في مصر بتستر بناتها و مفيش ام ابدا عاوزة بنتها بطفل يقعد جنبها
اعذرني الموضوع مش مظبوط
ولو كان ان اهلها كلهم ضدك يبقى خد طريق قانوني بحت ...
تحياتي ..

معلش هرد من وجهة نظري اللي ممكن ناس كتير تشوفها غلط

من كلام حضرتك ( وهو كلام من طرفك فقط ولكن ردي علي اساسة )

ان زوجتك عندية جدا وطالبة الطلاق لاسباب غير مقنعة وان اهلها نفسهم عارفين كدا ...

انا لو مكانك ...ولا عامل اي حاجة وهقطع كل الاتصالات وكل حاجة عايزة تتطلق ..تروح هي محكمة الاسرة وتمشي في الاجرائات وهات انتا كمان محامي وطول في الموضوع واشرح ..وحبال المحاكم طويلة ..واكيد سواء ابنك معاها او معاك هيتخاف عليه لانها امه مهما كان ....

وانا متأكد بنسبة تقارب 100 % انك لو كلمتها وقلتلها كدا وسيبتها خالص ولا ترد علي حد لا اي حاجة ..خليها بس اسبوع وهتلاقي نبرة الكلام وكل حاجة اتغيرت

اكرر حاجة تانية ..رأيي بناءً على كلام من طرف واحد فقط ..لأني مش مقتنع ان في ست تطلب الطلاق وابنها في تانية ابتدائي لإسباب ( واهية )

المشاركة الأصلية كتبت بواسطة sss111

جزاك الله خيرا بس لما يبقي الوضع انها عاوزة كل حقوقها كاملة واني اصرف علي الولد وهي اللي تعلمه وتربيه وبعدين تبقي تحن عليا اشوف الواد او اكلمه في التليفون ودي كمان مفيش ضمان عليها يبقي اعمل ايه ساعتها - مفيش عند ولا حاجة اهم حاجة مصلحة الولد

انا والدي الله يرحمه مدرس لغه عربيه ...و اقسم بالله كان عاوز يسحب ابني من المدرسه في المدينه و يوديه مدرسه القريه . الحكومية ...........اللي اشهد انها بتساوي في كفاءه مدرسيها كفاءه اكبر المدارس الخاصه ..
الفرق بس كان ان ده منهج الوزاره و ان المدرسين لهجتهم فلاحي شويه ... بس اوائل المحافظه منها
ماقلاقش على ابنك .... اديلوه حقوقه اللي ربنا امرك بيها ...و لو هيا قلت باصلها ...ليك حاجه اسمها حق الرؤيه قانونا ...و انا ما اعتقدش انها هاتعمل كده ........
سيبها عل ربك ...و ربك هاينصرك طالما انت مش ظالم ..........
ربنا ييسرلك الحال

المشاركة الأصلية كتبت بواسطة sss111

المفروض انا عليا واجبات وهي عليها حقوق
نفترض اننا اديتها كل حقوقها كاملة وتكفلت بمصاريف الولد من اكل وشرب ولبس وعلاج وخلافه
وبعد دا كله ممكن متخلنيش اشوفه او اتصل بيه او تقرفني في الموضوع علي الرغم انها اللي طالبة الطلاق لاسباب واهية من وجهة نظر الجميع
فهل انا مطالب في هذا الواقت بالاستمرار في مصاريف الولد ولا اربطها برؤيتي له واتصالي بيه

ممكن تشرحلنا الأسباب الواهية يمكن ليها حل و نساعد إن كل حاجة تنتهي و تحمي بيتك متهدوش

المشاركة الأصلية كتبت بواسطة mu7ammed

حضرتك تقدر ترفض الطلاق وتطلبها في بيت الطاعه وتصبح هي مجبره علي تحريك دعوي خلع ضدك.

أعذرني ماهو الفرق بين الطلاق والخلع؟
هل هناك فارق في حقوقها في الحالتين؟